Hibru 12:2 - Buka Blahi Ka Cheke Holo

² Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Hibru 12:2 ပူးပေါင်းရင်းမြစ်များ

Profet Maeka 7:7

Nu, iara ginauna ofoni Lord kolho, naugna iara thofno laseni te mana ginauna mei mala fakarhi ghau iara. Lord ihei te nogu God iara igne ginauna nomhi meini nogu tharai iara na.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Filipae 1:6

God mae ihei teke fufunu gna u gloku karha na ka nakarhami ghotilo re, mana ginauna eni fabrahu u gloku te keli tuana ghilei gnafa ka narane na teke pulo meigna mae Jisas Kraes. Eghuteuna iara thono fatutuani ni fara igne.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Luku 24:26

Unha te chekeni mare na mae Kraes gne mala kulu au papara ka gobigna lepo igre ame hata nga nolaghi biꞌo te siasigla na eghu.”

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Profet Isaia 45:22

“Ghotilo naikno te gnafa ka nauthoglu ra, ghotilo ke pulo mei ka iara mala fakarhi ghami iara! Naugna iara ngala God na, eghuteuna theo kaisei god ahevanga te au na!

Letas Teke Rioriso Mae Jud 1:21

God namha ghami ghotilo nei mana magnahaghei ghami ghotilo te au fabrahu ka nakarha te doglo. Ofoni narane noda Lord Jisas Kraes nate tusu mei ka nogna kokhoni ghita u karha te tifa.

Hibru 8:1

Unha te chekeni ghehati na igne: tahati au kaisei noda mae pris biꞌo mala kegra tughu ghita. Mana gnokro fei nhetagna God ka sape nafnakno kligna.

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Filipae 3:20

Nu tahati naikno te fatutuani mae Jisas gre, u thofno namonoda na kligna, theome agne pari. Jare te mala au tahati ke leghugna u gleheda na. Gognaro na tahati ofoniu kolho noda Lord Jisas Kraes mae Fakarhai nake pulo mei funu kligna.

Nonomho Te Keli Teke Risoi Mae Mak 14:36

Mana ne tarai eghu, “Mama! Mama! Glepo te kmanare theome ninhigrana ka iagho te edire. Thosei snakre ghau iara mala au papara ka nafnata puhi igne. Nu eni unha te magnahagheni iagho themu na, thosei leghui unha te magnahaghei iara na.”

Profet Isaia 8:17

Gognarona Lord pophoruhi foflogna nei tathagna teure ka tahati vikegna mae Jekop ra. Nu neuba ngau, iara ginauna ofoni Mana. Uve, iara ginauna thofno lelheghu ka Mana.

Thakle 2:8

Mae igne ne cheke eghu ka iara, “Iagho rioriso kaisei letas ranghini engel gna khiloau Smana, eghuteuna iagho cheke eghu ka mana: Igne nogu cheke iara mae ihei te kulu au neke vuavuha nga gobigna lepore nei au fabrahu kate ari te gnafadi gobigna lepore. Tutuani, tifa na iara neke lehehi, nu gognaro na iara kela karha fapulo.

Hibru 13:13

Eghume tahati mala tei ka mae Jisas mala au balugna mana ke kosi namono kate para ghita naiknore jateula teke eni mare ka mana ia eghu.

Hibru 5:9

Kate loku fahui mana unha teke magnahagheni God na, mana mala au fabrahu mala fakarhidi naikno te gnafa te leghuni mana re.

Jone 13:3

Eghuteuna, mae Jisas kulu lasenihi mae Kmagna na neke tusu ranghini nolaghi te mala funei frunidi gobigna lepore, nu mana laseni la mana neke mei funugna ka God nei nake pulo la ka God.

Luku 17:5

Hatimare mae khurure ne cheke eghu ka mae Jisas, “Lord, farerhetadi nomi fatutuani gre.”

Nonomho Te Keli Teke Risoi Mae Mak 9:24

Kmagna mae sitei na ne eha eghu fabiꞌo, “Uve, iara fatutuani nu theome naba kolho eghu. Togho ghau mala biꞌo iara nogu fatutuani na!”

Hibru 12:3

Ghathoni mae Jisas. Mana au nheta ne snakreni thegna ka khamedi naikno te fodu ka nakhibore mala parani. Jateula tuana eghu ghotilo thosei nigra, nei thosei blogho ka nomi fatutuani na.

Efesus 2:16

Kate lehe kau gaju fafatha na, Kraes neke fahuhui puhidi mare te au naoka fabrahu igne. Mana neke salo fodu phei nafnata naikno igre mala kaisei thini ngala, eghuteuna ke hata fapulodi ka God.

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Jone 12:32

Ka narane nate tupijuru ghau iara mare ke kligna gaju fafatha na, iara na salo fodu mei naiknore ka thegu.”

Nodi Khoje Hatimare Mae Jiu 138:8

Lord God, iara laseni, iagho ginauna edi unha teke nhaꞌa chekedi iagho ka iara ra, naugna nou namha iagho ka ghehati na theome tangomana te hui na. Thosei tei koko ghami ghehati nou naikno iagho teke vuavuha themu gre sagho.

Ululahu Pita 1:11

Tharunga gna mae Kraes na neke au baludi mare. Eghuteuna mae Tharunga na neke chekeni eigna mae Kraes nate kulu au papara, eghuteuna ke leghugna igne God ginauna tusu ranghini mana siasigla balu nolaghi biꞌo. Hatimare mae profet neke fariuriu hironi faneha ba niha nau nate thokei mei glepo igne ginauna.

Hibru 10:14

Kate fafarani thegna kaisei fata ngala, mae Kraes ne fablahidi naikno teke fagagae thegna igre mala klino fabrahu tifa tifa.

Jone 12:24

Tutuani fara te chekeni iara ka ghotilo na. Jame kaisei sisi sopho koko soru ka glose na eghuteuna lehe, sisi tuana ginauna kotu haghe, eghuteuna ginauna ure sisi kmana. Nu jame te theome koko soru sisi tuana ka glose te lehe na, sisi tuana ginauna na kaisei fabrahu kolho.

Jone 8:56

Mae kmami ghotilo Ebraham na neke gleale'a nei keli tagna fara neku kate filoni narane meigu iara na.”

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Luku 23:11

Aonu mae Herod baludi nogna mae soldiare ne funu maꞌeni mae Jisas cheke faparini mana. Mare ne fapoko lao kaisei phoko te khuakhuda ka mana, mala jateula mae king eghu mana. Aonu mare ne kuru teini mana ka mae Paelat.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Profet Isaia 31:1

Kokhoni ghami fara ghotilo naikno te soru te hiro thotogho Ijep are! Ba, ginauna na togho ghami nodi hose baludi chariot nei mae soldia te saghe ka hose na are neu si ghotilo ia? Theo fara! Lord nodi God te Blahi maedi Israel, nu ghotilo theome rouronuni mana kolho ba toreni mana mala togho ghami.

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Hibru 1:13

Eghuteuna God neke theome cheke eghu ka kaisei mae engel unha teke cheke eghu mana ka mae Thugna na, “Iagho gnokro agne fei nhetagu, mala ghilei tapla sorudi iara nou mae naoka iagho gre ke parigna nou nolaghi na.”

Mae Khuru 2:36

“Eghume naikno te gnafa Israel mala lase fakelini eigna God neke vahini mae Jisas mala Lord nei Kraes. Nu ghotilo neke faleheni mana kau gaju fafatha.”

Nonomho Te Keli Teke Risoi Mae Mak 9:12

Mae Jisas ne cheke eghu ka thilomare, “Tutuani fara, mae Elija gne mala kulu mei mala kulu tarabanau gobigna lepore. Naugna unha si grioriso te blahi gne te chekeni na mae teke mei funu ka God gne ginauna mare na parani nei filo fadiꞌani eghu teu gnea?

Nodi Khoje Hatimare Mae Jiu 110:1

Lord ne cheke eghu ka nogu King iara na: “Iagho gnokro fei nhetagu iara ghilei lisei soru iara nou naoka iagho re ke parigna nou nolaghi na.”

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Hibru 11:36

Keha naikno te fatutuani ni God re, mae naoka gre maedi nei puridi. Eghuteuna kehare, mare haru ka chen khamedi nei ghahedi teure mala koko lao kau suga sosolo.

Hibru 10:33

Ka keha fata naiknore maꞌe ghami ghotilo ke uludi naikno te kmana, ba edi keha puhi te diꞌa ka ghotilo naugna ghotilo fatutuani ni mae Kraes. Eghuteuna keha fatare ghotilo au baludi naikno te paradire.

Nonomho Te Keli Teke Risoi Mae Mak 16:19

Kate gnafa cheke Lord Jisas ka nogna mae fanomhore, God ne hata hagheni mae Jisas kligna. Eghuteuna mana gnokro fei nhetagna God.

Mae Khuru 3:15

Eghume, ghotilo neke faleheni mae ihei te mala tusu ranghi ghita u thofno karha na. Nu God neke fakarha fapuloni mana kau glehe eghuteuna ghepa ngala teke thofno filo tathami igne.

Ululahu Korin 1:18

Thoutonu eigna glehegna Kraes ka gaju fafatha na igne theo gaoghathogna ka iheire te leghuni nabrou te mala lehe tifa te tifa. Nu tahati te karha ka God na, u thoutonu igne nogna nolaghi God mala fakarha ghita.

Ululahu Korin 1:23

Nu tahati toutonu eigna Kraes kolho, mae ihei teke lehe ke kligna gaju fafatha. Hatimare mae Jiu theome magnahaghei nomhini u thoutonu igne, eghuteuna ka hatimare mae te theome Jiure u thoutonu igne theo nafugna kolho.

Jemes 2:1

Kheraguro, thosei vahini kolho mae ihei te magnahagheni themu na, naugna ghotilo fatutuani ni noda Lord Jisas Kraes, mae ihei te fnakno fabrahu kligna.

Naba 21:9

Aonu mae Moses ne eni kaisei mogo bras, mana ne nhaꞌa haghe ka khegra na ne fakegra haghe. Aonu naikno teke kathidi mogo phanaga re, mare ne filo haghe ka mogo bras igne neke keli fapulo nodi.

Nonomho Te Keli Teke Risoi Mae Mak 15:28

Igne ne horoghoto ka teke cheke eghu ka grioriso te blahi ia, “Mana ne baludi mae teke blaure.”