Hibru 12:14 - Buka Blahi Ka Cheke Holo

¹⁴ Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Hibru 12:14 ပူးပေါင်းရင်းမြစ်များ

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Ululahu Tesalonika 4:7

Naugna God neke kilo ghita mala naikno blahi eghuteuna theome magnahaghei ghita te au ka nakhibo.

Ululahu Pita 3:11

Mana figri lao tagrugna na ka nakhibo nei mala eni unha te keli. Mana fariuriu mala au ka pharikeli baludi keha naiknore.

Letas Teke Riso Tei Mae Pol Ka Khiloau Rom 12:18

Hati nhetami na fabrahu mala au ka pharikeli baludi naikno te gnafare.

Letas Teke Riso Tei Mae Pol Ka Khiloau Rom 14:19

Eghume tahati mala thofno fariuriu edi unha te tangomana te mala togho ghita te gnafare mala au ka pharikeli nei mala heta ka fatutuani.

Proveb 16:7

Ihei te au ka nakarha te magnahagheni Lord na, Lord ginauna toghoni mana mala theome magra baludi nogna naokare.

Ululahu Tesalonika 3:13

Ka nafnata puhi igne mana ginauna farhetadi nagnafami, eghuteuna ghotilo ginauna klino nei blahi ke ulugna God Kmada kate pulo mei noda Lord Jisas Kraes baludi nogna naikno blahi fateote'o.

Letas Teke Riso Tei Mae Pol Ka Khiloau Rom 6:22

Nu gognaro na God hata fasnagla ghamihi ka nakhibo tuare mala nogna mae sneka mana. Eghume nakarhami ghotilo na mala blahi nei ginauna ghotilo hatini karha fei tifa na eghu.

Nodi Khoje Hatimare Mae Jiu 34:14

Mana lilisei puhi te diꞌare nei leghudi kolho puhi te kelire eghu. Nei mana fariuriu au kolho ka pharikeli baludi keha naiknore eghu.

Fatilo Jone 1:11

Uve thabusigna, thosei leghuni unha te diꞌa na, nu leghuni unha te keli. Mae ihei te eni unha te keli na mana thugna God. Nu mae ihei te eni unha te diꞌa na mana theome laseni God.

Efesus 5:5

Ghotilo themi la lasenihi igne, nafnata naikno te gnognoro nei edi nafnata glepo te diꞌa igre teuna, mare theo sapedi ka nauthoglu majaghani Kraes ghe God te funei frunini na. Eghuteuna jaola iheire te mamagnadi nodi glepo keha naiknore, mare theo sapedi jare naugna naikno igre jateu te tufru soruni mumuju eghu kolho.

Profet Isaia 51:1

Lord ne cheke eghu, “Ghotilo iheire te fariuriu leghuni puhigu iara te doglo igne ra, fanomho mei ka iara! Uve, ghotilo ghathodi kuꞌemi Ebraham ghe kavemi Sera tifa ra. Ghotilo neke karha mei ka vikedi repa. Ka narane teke kiloni iara mae Ebraham na, mana neke theo thugna. Nu iara neke fablahini mana neke au kmana thugna fara.

Hibru 12:10

Mae kmada ka nauthoglu gne para ghita katha vido kmoꞌei kolho leghuni unha te keli ka mana na. Nu God para ghita mala thofno togho ghita, eghume tahati ginauna mala au blahi jateu mana eghu.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Proveb 15:1

Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Ululahu Pita 3:13

Mae ihei gne naba te fadiꞌa ghami ghotilo jame te magnahaghei eni fabrahu ghotilo glepo te keli na? Theo kaisei naikno.

Nonomho Te Keli Teke Risoi Mae Mak 9:50

“Tahi na kaisei glepo keli fara. Naiknore tofa lao tahi ka ghedi ganore mala theome diꞌa ginauna. Nu te khoko grahagna na, na theo hila kaisei nafugna. Eghume ghotilo mala jateula tahi eghu mala keli fabrahu nakarhamire, eghuteuna au ka pharikeli farihoteimi themi.”

Nodi Khoje Hatimare Mae Jiu 120:6

Funu tifa fara te ghilei mei posa gognaro na iara neke au baludi naikno te tirodini u pharikeli na.

Fapea Pita 3:11

Eghume gobigna lepo ka nauthoglu gne ginauna groꞌe dofidi, na unha nafnata naikno ghotilo gognaro na? Ghotilo mala au blahi nei au ka nafnata nakarha te magnahagheni God.

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Luku 1:75

Funu gognaro te ghilei lehe na, tahati ginauna na doglo nei blahi eghu fabrahu ke ulugna God.”

Fapea Timoti 2:22

Au fadelei ka glepo te diꞌa te magnahaghedi naikno majaghani are. Hati nhetamu na mala au doglo nei mala heta nou fatutuani na ka Lord, namhadi naiknore, eghuteuna au fakeli baludi thofno naikno khiloau te gnafare.

Ululahu Tesalonika 5:15

Fiofilo fakeli, thosei snakreni kaisei naikno me foli fapulo glepo te diꞌa ka ihei tughuni glepo te diꞌa. Nu fariuriu eni unha te keli koba fari themi, ba ranghidi naikno te gnafa.

Nodi Khoje Hatimare Mae Jiu 133:1

Kheraguro! Thofno keli fara te au fodu tahati nogna naikno God ra te kaisei gaoghatho ngala jateula kaisei thabusigna teuna.

Nodi Khoje Hatimare Mae Jiu 94:15

Eghuteuna mae mala fatere ginauna fatedi naiknore ka puhi te doglo. Uve, kate filoni igne naikno te doglore na leghuni mana.

Nodi Khoje Hatimare Mae Jiu 38:20

Iara eni puhi te keli na ranghidi, nu mare fapulo meini puhi te diꞌa na ka iara. Mare naoka ranghi ghau iara, naugna iara ne leghuni puhi te doglo na.

Thoutonu Eigna Mae Job 19:26

Neuba fogra igne ne goigoni ni thinigu iara na, iara ginauna tangomana te filoni God kate karha iara na.

Thoutonu Eigna Mae Job 33:26

Aonu mae igne tangomana na teke tarai ka God, eghuteuna God ginauna kelitagna ka mana. Eghuteuna mae igne ginauna glealeꞌa fara kate tei kegra mana ke ulugna God, naugna God neke fakelini mana mala theome lehe.

Jenesis 32:30

Mae Jekop ne cheke eghu, “Iara la filonihi tathagna nei foflogna teu God na, eghuteuna iara gne na theome lehe eghu.” Aonu mae Jekop ne kiloni vido igne Peniel.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Filipae 3:12

Iara theome chekeni nakarhagu ka mae Jisas Kraes na la gnafahi teuna. Theo! Nu gognaro na iara loku heta te mala hatagna u taba tela kulu tarabanahi mana malagu iara teku ia.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Ululahu Korin 13:12

Gognaro na tahati theome tangomana te thofno filo glanidi glepo eigna God re jateula te filo ka thiro te theome klino ia eghu. Nu ka narane nathuꞌu nauriha na, tahati ginauna filo fakelidi gobigna lepore jateula ka tathagna God thegna eghu. Eghume unha te laseni iara eigna God gognaro na, theome naba. Nu ka narane tuana, iara ginauna na thofno lase fakelini God, jateula God te thofno lase fakeli ghauhi iara eghu.

Galesia 3:21

Ba, vetula na cheke faparini nogna nhaꞌa cheke God na sia? Theo fara! Nu jame neke tusu meihi God kaisei vetula te tangomana te mala hata meini thofno karha na ka naiknore meuna, naiknore tangomana hi te doglo na kate leghuni vetula igne.

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Jajis 11:14

Kate nomhini Jefta cheke igne, mana neke kuru teidi mare mala tei filoni funei igne.