Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hibru 11:9 - Buka Blahi Ka Cheke Holo

9 Mana ne fatutuani ni God. Eigna igne mana tei ne au jateula kaisei mae phosa neu ka vido teke nhaꞌa cheke God te mala au mana na. Mana neke au ka suga tapuale jateula mae Isak ghe mae Jekop neku. God neke jaola nhaꞌa cheke ka phiamare langau mala khotogna namono tuana.

အခန်းကိုကြည့်ပါ။ ကော်ပီ




Hibru 11:9
22 ပူးပေါင်းရင်းမြစ်များ  

Aonu mae Ebram ne jifla Sekem ne tei ka kaisei thogele ke maghati rhegna namono Betel. Eghuteuna mana ne hohoro haghe nogna suga tapuale na fari hotei Betel nei namono Ai. Betel gne au ke mosu, eghuteuna Ai gne au ke maghati. Eghuteuna jare mae Ebram ne hohoro keha olta na malagna Lord ne pogho soru ranghini mana.


Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.


Eghume, kate nhaꞌa cheke na, God nhaꞌa cheke kau nanghagna thegna kolho. Naugna mana magnahaghei te famane fadodoglo fakeli ka iheire te mala athini unha teke nhaꞌa chekeni eigna mana theome tangomana te tughu gaoghathogna na.


Thilo mae igre gnafa ima ne ghusna eghu ka mae Ebraham, “Ahevau khetomu iagho Sera gne?” Mae Ebraham ne cheke eghu, “Naꞌa au jare lamna suga tapuale.”


Mana jifla Negev ne leuleghu namono ne tei posa ka namono Betel. Mana neke pulo ka vido aheva teke hohoro haghe suga tapuale mana tifa fari hotei Betel ghe namono Ai.


Aonu mae Jekop mei ne posa Mamre ka namono te au teu mae Isak, mae kmagna na rhegna namono Kiriat Aba. Keha nanghagna namono igne Hebron, namonogna mae Ebraham kmagna mae Isak.


God ginauna na fablahi nigho iagho nei vikemu iagho gre eghu mala jateula teke eni mana ka mae Ebraham tifa ia eghu. Eghuteuna ghotilo ginauna na tangomana te khotogna namono igne, naugna namono igne neke tusu laohi God ka mae Ebraham.”


Kate biꞌo haghe phei mae sitei igre na, mae Iso gne neke kaisei mae lase hili fara. Mana neke tei tafri kolho neke theome au soru ka namono. Nu mae Jekop gne mana neke au kmu nei magnahaghei te au ka namono kolho.


“Ghotilo lase ghauhi iara, naugna iara gne maegu ka keha kantri delei mei au kolho agne fari hoteimi ghotilo. Khetogu gne la lehehi, eghuteuna iara gognaro na magnahaghei te foli kaisei gluma ka ghotilo agne mala giugilui thinigna khetogu gne.”


Aonu mae Ebraham ghosei ne tei ka Sera ka suga tapuale na ne cheke eghu ka naꞌa, “Faghose, hata glima kilo flaoa mala kuki keha bret.”


Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”


Mae Iso theome tangomana te au balugna mae Jekop na ne jifla ne tei au fadelei. Naugna vido glose igne ne theome naba fei buburu te mala ghamudi nodi sipu nei buluka teu phia mare re.


Mae Jekop ne cheke eghu, “Iara au ka nauthoglu igne kaisei gobi tolufulu finogha. Thono kmoꞌe fara, eghuteuna iara jaola thafodi kmana puhi biꞌo te ninhigrana fara. Mae ku'egu iara re neke au raugha fara ka nauthoglu igne, eghuteuna finogha dire teuna uludi fara finogha gu iara re eghu.”


Nu ka narane tuare, kuꞌeda tahatire neke theome kmana nga teku, eghuteuna mare neke theome au ka kaisei vido ngala ka kantri tuana.


Eghuteuna ghotilo thosei bana suga, ba tobi, ba joꞌu grep. Blahi te edi ghotilo nafnata gloku igre, nu ghotilo mala au fabrahu kolho ka suga tapuale. Jame te eni fabrahu ghotilo igne na, ghotilo ginauna au fakeli fabrahu ka glose igne.’


Mae Ebraham ne au fabrahu jare ka namono Filistia.


Jare mae Laban ne filoni mae Jekop te hohoro suga tapuale teu ka thogele na. Aonu mae Laban nei mae teke tei balugna re eghu ne jaola ne hohoro nodi suga tapuale na jare ka thogele Gilead.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ