Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hibru 11:6 - Buka Blahi Ka Cheke Holo

6 Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

အခန်းကိုကြည့်ပါ။ ကော်ပီ




Hibru 11:6
47 ပူးပေါင်းရင်းမြစ်များ  

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.


Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.


King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.


Glepo jame te ghathoni fabrahu ghotilo na karha te funei frunini God igne. Eghuteuna gobigna lepo te magnahaghedi ghotilo re God ginauna na tusu ari ka ghotilo.


Ka nagnafagu fateote'o na, iara magnahagheni te mala leghu nigho na, togho ghau iara sagho mala leghudi iara nou cheke iagho re.


Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.


Nu faꞌunha eghu tangomana mare te tore ka Lord na mala toghodi, jame te theome kulu fatutuani mare na? Theome tangomana. Ba, faꞌunha eghu fatutuani mare ka Lord, jame te theome kulu nomhini mare kaisei thoutonu eigna mana na? Ba, faꞌunha eghu nomhini mare u thoutonu na, jame te theo kaisei naikno te toutonuni ka mare u Nonomho te Keli na?


Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!


Nu iara thofno keli tagu fara te au namo ka iagho God. Lord God, iagho nogu vido keli mala poru iara, eghume iara magnahagheni fara te toutonudi gobigna lepo teke edi iagho ra.


Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.


Naugna ka gaoghatho igne, ghotilo hati nhetami na mala loku famaku ka fatutuani igne, eghuteuna fariuriu hata puhi te keli nei glalase te keli.


Naikno teke kulu nomhini u Nonomho te Keli gne mare na theome ruma ka namono mala gnafa na, naugna mare ne theome fatutuani ni God. Nu tutuani fara kehare ginauna na ruma ka namono mala gnafa na.


Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.


Uve kheraguro, kate ofoni teu ghotilo narane tuana, hatini nhetami na mala au ka pharikeli balugna God. Nakarhami ghotilo re mala keli fara, eghuteuna ghotilo mala doglo fara ke ulugna mana.


Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.


Naugna igne te chekeni iara ka ghotilo na, ‘Ghotilo ginauna lehe baludi nakhibomi are’. Te theome fatutuani ghau iara ghotilo, iara kaisei mae teke karha mei jateula kaisei mae biꞌo teuna, ghotilo ginauna na lehe kau nakhibomire!”


Eghume, kheraguro, God neke kilo ghami nei vahi ghami mala nogna thegna. Hati nhetami na mala filo glani igne ka nakarhami na. Jame eni ghotilo igne na, ghotilo ginauna theome tangomana te tei kokoni u nabrou te tei thokei ka thofno nakarha te tutuani na.


Neuba God ne edi kofubobhoi igre ka mare, mare heta ghedi fara ngala ka puhi nakhibo na nei te theome rouronu ka mana na eghu.


Tahati la nomhinihi u Nonomho te Keli igne, nei naiknodi Israel tifa re neke nomhi nila. Nu neubane nomhinihi mare u cheke igne, theome toghodi mare kolho, naugna kate nomhini u cheke igne mare theome fatutuani kolho.


Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.


Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”


Nu Lord ne cheke eghu ka mae Moses ghe mae pris Eron, “Naugna te theome au nomi grouronu ghopa te theome fakakhana ka naiknore te au nolaghi biꞌo iara na, ghopa theome tangomana te batudi naikno igre te tei ka vido teke nhaꞌa chekeni iara ka ghotilo tifa ia!”


Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”


Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.


Eghuteuna iheire te fatutuanire, God ginauna tusu ranghidi nolaghi, mala tangomana mare ei kofubobhoi. Mare ginauna tangomana te brue naitu ka nanghagu iara. Eghuteuna mare ginauna cheke ka keha nafnata cheke majaghani teke theome laseni mare tifa na.


Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.


Naiknore ginauna cheke eghu, “Tutuani fara! God na tabadi naikno te keli re. Eghuteuna mana au na fatedi naiknogna nauthoglu igne!”


“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.


Nu ke leghu na mare ne tirodi fara te tei posa ka famane kantri Kenan, naugna mare neke theome fatutuani ni nogna nhaꞌa cheke God na.


Naikno te diꞌa igre cheke ka God mala thosei au baludi. Mare theome magnahaghei te lasedi puhigna mana re.


Naugna mare ne theome rouronu ni mana, nei theome fatutuani ni mana eghu nate fakarhidire.


God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”


Mae Jisas ne cheke eghu, “Gognaro na eigna te theome ghamu gano. Kate dangna na, ghotilo thosei filo uchu jateula te edi mae te chaichaghi ra eghu. Mare fadidiꞌa tathadire ka narane te dangna na. Mare eni igne, mala filo naiknore eghu kolho. Nu tutuani fara te chekeni iara ka ghotilo na, mare la kulu hatahi nodi tabare ka naiknore.


Mae Jisas ne cheke eghu, “Kate tarai na, ghotilo mala thosei jateula mae te chaichaghi ra eghu. Mare magnahaghei fara te tei kegra te tarai ke lamnadi suga tharai ba farihotei glalaba. Mare magnahaghedi naiknore te filodi unha te edi mare re. Nu tutuani fara te chekeni iara ka ghotilo na, mare la kulu hatahi ka naiknore nodi tabare.


“Ghotilo maemi Israel ra, fanomho ka nogna cheke Lord igne! “Iara neke theome tei koko ghami ghotilo ka namono nagou ia. Theo! Naugna unha si ghotilo ne snaglahi themi teu te tirodi leghu ghau iara gnea?


Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”


Uve, Mama, iagho eni igne, naugna igne unha te thofno magnahagheni iagho na.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ