Hibru 11:5 - Buka Blahi Ka Cheke Holo

⁵ Mae Inok neke fatutuani ni God. Naugna igne God neke hatani mana neke haghe kligna. Mana neke theome lehe kolho. Eghuteuna theo kaisei naikno teke filoni mana naugna God la hatanihi mana la tei. Kau grioriso te blahi na, mare neke rioriso eigna mana, au teu mana kau nauthoglu igne, God neke keli tagna fara kau nakarhagna mana na.

Hibru 11:5 ပူးပေါင်းရင်းမြစ်များ

Letas Teke Rioriso Mae Jud 1:14

Mae Inok teke karha ka fafitu phagusu ke leghugna mae Adam na neke kulu laseni unha nate eni ka mae igre. Eghuteuna mana neke cheke eghu eidi mare, “Filo si ghotilo, Lord ginauna mei balu nogna thogha thogha engel te blahi.

Fapea Kings 2:11

Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Hibru 11:6

Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

Nodi Khoje Hatimare Mae Jiu 89:48

Ihei gne nate karha fabrahu te theome lehe na? Tore, theo kaisei naikno nate rikha kokoni u glehe na.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.

Ululahu Tesalonika 2:4

Nu God neke fariuriu nei fatutuani ghami ghehati te mala toutonuni Nonomho te Keli gne. Kate toutonuni Nonomho te Keli na ghehati theome fariuriu mala keli tadi naiknore. Theo. Ghehati fariuriu mala keli tagna God, mae ihei te fariuriudi nagnafadare.

Luku 3:37

Mae Lamek gne neke thugna mae Metusela. Mae Metusela gne neke thugna mae Inok. Mae Inok gne neke thugna mae Jared. Mae Jared gne neke thugna mae Mahalali. Mae Mahalali gne neke thugna mae Kainan.

Profet Jeremaea 36:26

Aonu mae king ne kuruni Jeramel thugna mana na, mae Seraea thugna mae Asriel, nei mae Selemaea thugna mae Abdel teu igre mala tei lokidi mae profet Jeremaea ghe mae Baruk. Nu mare ne theome filodi mae Jeremaea ghe mae Baruk, naugna Lord ne pophorudi phei mare.

Fapea Kings 2:1

Namo ka narane Lord te hatani profet Elija te haghe kligna na, Lord ne kuruni kaisei seseuru biꞌo mala mei hatani mae Elija. Ka narane igne, profet Elija ghe profet Elisa jifla Gilgal ne nolo ne tei.

Luku 2:26

Mae Tharunga te Blahi na neke chekehi eghu ka mae Simion, “Iagho ginauna na theome leheu ghilei filoni mae Mesia teke kulu nhaꞌa cheke God na.”

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.