Hibru 11:38 - Buka Blahi Ka Cheke Holo

³⁸ Nauthoglu igne theome keli nabadi mare! Mae fatutuani gre au tafri kolho ka namono nagou ba kau thogele, ba lamna gluma thina ba ka khora glose.

Hibru 11:38 ပူးပေါင်းရင်းမြစ်များ

Ululahu Kings 18:4

Kate aknu falehe te gnafa Kuin Jesebel nogna profet Lord igre na, mae Obadaea ne hata kaisei gobi mae profet te karha teure ne tei pophoru ke lamnadi phei gluma thina. Mana tufa mae profet igre ne glimafulu mae ka keha na, eghuteuna glimafulu mae ka keha na neu. Eghuteuna mana ne faghamudi nei fakoꞌudi neu koba mae profet igre leuleghu narane.

Ululahu Kings 19:9

Ka vido igne mana tei ne ruma ka kaisei gluma thina ne au neu jare. Aonu Lord ne ghusna eghu ka mana, “Elija! Iagho mei eni unha agne?”

Ululahu Samuel 22:1

Aonu mae Devet rikha Gat ne tei au ka kaisei gluma thina ka vido Adulam. Kate nomhini te au teu mana ka vido igne, thabusigna nei vikegna teu manare ne mei ne au balugna mana.

Profet Isaia 57:1

Ka narane igne, naikno te doglo te lehe, nu theo kaisei ka naikno te diꞌa te filo glanidi ba nangadi kolho. Uve, Lord ginauna atha fadelei naikno te ghatho tahuni mana igre. Nu theo kaisei naikno kolho te filo glani Lord teke atha fadeleidi naikno igre, mala theo kaisei puhi biꞌo nate thokedi mare.

Ululahu Kings 18:13

Jau iagho theome nomhini unha teke eni iara kate falehedi koba Kuin Jesebel nogna Profet Lord ra. Iara neke pophoru kaisei gobi Profet ke lamnadi phei gluma thina. Iara lilisei glimafului ka keha na, eghuteuna glimafului ka keha na. Eghuteuna iara fei ghedi gano nei khoꞌu eghu leuleghu narane ka mare.

Ululahu Kings 17:3

“Iagho jifla ka namono igne mala tei poru ka Jari Kerit ke maghati Khoꞌu biꞌo Jordan.

Ululahu Samuel 26:1

Kaisei fata, keha mae ka namono Sif tei ne filoni king Sol Gibea. Mare toutonu ka mana te poru teu mae Devet ka thogele Hakila rhegna Jesimon.

Ululahu Samuel 23:23

Ghotilo tei hirodi vido aheva te tei poru mana na, eghuteuna ghotilo faghose mei cheke ka iara. Iara ginauna ari balumi ghotilo, jame au teu mana ka vido tuana na, iara ginauna hiro ghilei deni mana. Neuba iara ne tei tongana ka nodi vido vikegna mae Juda, iara ginauna filoni mana.”

Ululahu Samuel 23:19

Keha naikno ka namono Sif ne tei Gibea ne cheke eghu ka mae king Sol, “Mae Devet gognarona mei au ke lamnagna nomi nohi ghehati gne. Mana poru Hores ka vido te ninhigrana ka thogele Hakila ke mata namono nagou Jesimon.

Ululahu Samuel 23:15

Kate au teu mae Devet Hores ka namono nagou Sif, mana laseni mae king Sol te magnahaghei mei faleheni mana na.

Jajis 6:2

Naiknodi Midian igre rheta fara eghuteuna naiknodi Israel igre rikha ne tei ka thogelero ne tei poru ke lamna khora nei ka keha vido mala poru.

Profet Jeremaea 41:9

Khora khoꞌu aheva te koko soru mae Ismael thinidi mae igre thono biꞌo fara. Khora igne neke dokha mae King Asa tifa mala fodu khoꞌu kani teke mei mae king Basa gna Israel teke magra ka mana na. Nu mae Ismael neke fafodu khora khoꞌu igne ka thinidi mae te lehe.