Hibru 11:37 - Buka Blahi Ka Cheke Holo

³⁷ Kehare fada falehe ka thina nei kehare ne alha pea thinidire nei kehare aꞌaknu falehedi ka naflahi. Kehare kuma fara eghuteuna mare pipichi kolho ka guli sipu nei nanigot. Eghuteuna mae naokare paradi fara mare nei edi kmana nafnata glepo te diꞌa ranghidi.

Hibru 11:37 ပူးပေါင်းရင်းမြစ်များ

Fapea Kronikols 24:21

Nu king ne kaisei gaoghatho baludi nogna mae biꞌo re mala falehe mae pris igne. King ne chekedi mare ne fadini mana ka thina ne ghilei lehe ka glalaba ke ulugna nogna Sugablahi Lord.

Profet Jeremaea 26:23

Mare lokini mae Iuraea atha neke pulo ka King Jehoiakim. Aonu king chekedi nogna mae glokure ne faleheni mana. Aonu mare atha thinigna mana na ne tei koko soru ka bekudi naikno te kumare.

Ululahu Kings 19:10

Eghuteuna mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho ne loku ranghi nigho. Nu naiknodi Israel igre, tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Fapea Kings 1:8

Mare ne cheke eghu, “Mae igne pipichi ka pohe teke horo ka khakla kamel, eghuteuna hugha ka glepo teke horo ka guli buluka.” Eghuteuna king ne cheke eghu, “Elija gne kaisei maegna Tisbe!”

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”

Fapea Korin 12:10

Eghume iara gleale'a fara kate papara naugna iara nogna mae Kraes. Tutuani, kate nigra na, kate cheke fadiꞌa ghau na, ba ka vido te ninhigrana ba ka vido te au papara, ba ka thua nafnata hoholo fateo, iara gleale'a fara naugna ka vido igre Kraes tangomana te tusu mei ka iara nogna u nolaghi biꞌo na.

Mae Khuru 14:19

Keha naikno Jiure ne mei funudi Antiok nei Aekoniam. Mare mei ne huhurudi naiknore mala thosei leghuni mae Pol. Aonu mare fadi thina ni mae Pol ne korho teini mana ke kosi namono. Mare gaoghathodi na jaula lehehi mae Pol eghu.

Luku 13:34

Aonu, mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra eghuteuna fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghignara eghu. Nu ghotilo tiromi magnahagheni ngala.

Matiu 21:35

“Hatimare mae greireghi nagare igre ne lokidi mae gloku igre. Kaisei ne puphuri, keha na ne falelehe nei fatilo na ne fada falehe ka thina.

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Matiu 3:4

Pohe te pipichi mae Jone na neke horo ka khakla kamel, eghuteuna glepo te hugha mana ka sorogna na guli buluka. Gano te ghamu mana re khupo nei u jujurukuli.

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Profet Jeremaea 2:30

Iara neke para ghami ghotilo, naugna iara magnahaghei te fadoglodi puhimi ghotilore, nu ghotilo tiromi tughu puhimi te diꞌare. Eghuteuna ghotilo jateula lion te rofo ra neu ne falehedi koba nogu mae profet iara ra.

Ululahu Kings 21:10

Ghotilo hata mei phei mae mala vuavuha cheke, phei mae igre mala gnokro rhegna mana mala cheke faparini mana ke uludi hatimare mae biꞌo. Phiamare mala cheke chaghi eigna mana te cheke faparini God nei jaola cheke faparini king. Eghuteuna ghotilo hata fajiflani mana mala fada falehe ka thina.”

Ululahu Kings 19:14

Mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho fara ne loku ranghi nigho. Nu naiknodi Israel igre tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Ululahu Kings 19:1

King Ehab neke pulo Jesrel ne toutonu ka Kuin Jesebel gobigna lepo teke edi Profet Elija re. Eghuteuna mana jaola ne toutonu eigna te falelehe mae Elija nogna profet te gnafa Baal.

Ululahu Kings 18:13

Jau iagho theome nomhini unha teke eni iara kate falehedi koba Kuin Jesebel nogna Profet Lord ra. Iara neke pophoru kaisei gobi Profet ke lamnadi phei gluma thina. Iara lilisei glimafului ka keha na, eghuteuna glimafului ka keha na. Eghuteuna iara fei ghedi gano nei khoꞌu eghu leuleghu narane ka mare.

Ululahu Kings 18:4

Kate aknu falehe te gnafa Kuin Jesebel nogna profet Lord igre na, mae Obadaea ne hata kaisei gobi mae profet te karha teure ne tei pophoru ke lamnadi phei gluma thina. Mana tufa mae profet igre ne glimafulu mae ka keha na, eghuteuna glimafulu mae ka keha na neu. Eghuteuna mana ne faghamudi nei fakoꞌudi neu koba mae profet igre leuleghu narane.

Fapea Samuel 12:31

Eghuteuna mana ne hata naikno gna namono igne mala loku jateula naikno sneka eghu ka thua nafnata gloku fateote'o. Kehare mala loku ka saw nei nhirama mala kato thaba nei thina, keha ka mare mala horo brik. Mae Devet edi thua nafnata gloku igre ka naikno te au ka namono te gnafa ka kantri Amon. Ke leghudi igre, mae Devet baludi nogna soldiare neke figri Jerusalem.

Ululahu Kings 19:13

Kate nomhini profet Elija naogla igne, mana ne toku tafru tathagna nei foflogna teure ne jifla mei ne kegra ke ulugna gluma thina igne. Aonu mana ne nomhini Lord ne cheke eghu mei ka mana, “Ghema Elija, unha te mei eni iagho agne na?”

Ululahu Kings 19:19

Profet Elija jifla ka Thogele Sanai neke pulo Israel. Eghuteuna mana tei ne hironi mae Elisa, thugna mae Safat. Elisa loku ka nogna nagare na ka kaisei plao te korho ka phei buluka. Eghuteuna nogna mae gloku mana re loku ka keha nabotho kaisei plao mala dokha glose. Aonu mae Elija ne hata koko nogna pohe brahu na ne nhaꞌa lao ka mae Elisa, igne kaisei fagaglana eigna mae Elisa teke tughuni mana na.

Fapea Kings 2:8

Eghuteuna mae Elija hata koko nogna pohe brahu na ne lolhopo na ne proprosa pohe igne ka khoꞌu Jordan. Eghuteuna khoꞌu na ne fnota pea. Aonu khoꞌu na khapra ne kasa phiamare ka keha phile na.

Fapea Kings 2:13

Kate haghe mae Elija kligna na, nogna pohe mana na ne khoko soru pari ka glose na. Aonu mae Elisa hata pohe igne neke pulo mei ne kegra ka geri Khoꞌu biꞌo Jordan.

Ululahu Kronikols 20:3

Eghuteuna mana ne hata naiknogna namono igne ne huhurudi mala loku jateula naikno sneka eghu. Keha ka mae igre loku ka soa nei nhirama mala kato thaba nei thina. Eghuteuna mana eni nafnata puhi igne ka naiknodi keha namono jare Amon. Ke leghu, mae Devet balu nogna armi na neke pulo Jerusalem.

Profet Sekaraea 13:4

“Ka narane tuana, mae profet te gnafa igre ginauna mamaja nodi fara eigna mifi teke filoni mana na. Theo kaisei ka mare nate pipichi nogna pohe profet te mala chaghidi naiknore, te mala ghathoni mana kaisei mae profet teuna.

Hibru 11:25

Nu mana magnahaghei te au papara baludi nogna naikno God nei theome gleꞌani katha vido kmoꞌei puhi te diꞌa na.

Hibru 13:3

Ghathodi iheire te au ka sosolo, jateula te au themi baludila ka sosolo eghu. Eghuteuna ghathodi iheire te kabru, jateula te kabru themi eghu.