Hibru 11:36 - Buka Blahi Ka Cheke Holo

³⁶ Keha naikno te fatutuani ni God re, mae naoka gre maedi nei puridi. Eghuteuna kehare, mare haru ka chen khamedi nei ghahedi teure mala koko lao kau suga sosolo.

Hibru 11:36 ပူးပေါင်းရင်းမြစ်များ

Profet Jeremaea 20:2

Mae pris Pasur ne cheke ranghidi nogna mae glokure mala purini mae profet. Aonu mare ne liliseini mana rhegna nogna Grengatha mae Benjamin ka thogele ke raru Sugablahi. Aonu mare ne haruni mana farihoteidi phei thaba mala au papara mana.

Jenesis 39:20

Aonu mae Potifa ne cheke ka hatimare mae soldia re ne lokini mae Josep ne tei lilisei ka suga sosolo na. Mae Josep ne tei au ka suga sosolo aheva te au teu mae iheire te diꞌatagnadi mae king re.

Fapea Kronikols 30:10

Aonu mae te hata cheke te tei ka namono te gnafa ka phei nohi Efrem ghe Manase igre doglo ne tei ka namono te au ka nohi Sebulun. Nu naiknore ne maꞌedi nei cheke faparidi neu mare.

Hibru 10:34

Ghotilo diꞌanagnafa baludi keha ka ghotilo te au ka suga sosolo. Eghuteuna kate hata keha naiknore gobigna lepo teke khotodi ghotilo re, ghotilo gleale'a kolho, naugna ghotilo lasenihi glepo te keli fara na ofo ghami ghotilo teu kligna. Eghuteuna glepo igre te au fabrahu tifa tifa.

Matiu 23:34

Eghume te chekeni iara ka ghotilo na. Iara ginauna kuru meidi ka ghotilo hatimare mae profet nei hatimare mae glalase nei hatimare mae velepuhi. Ghotilo ginauna falehedi keha naiknore. Ghotilo ginauna na tupijuru kehare kau gaju fafatha. Ghotilo ginauna puphuri kehare ke lamnadi nomi suga tharai re. Ghotilo ginauna ngolhi tafridi leuleghu namono.

Profet Jeremaea 20:7

Lord, iara loku leghudi unha te chekedi iagho ra, nu iagho chaghi ghau iara kolho. Iagho nheta ulu ghau iara, eghuteuna nou nolaghi iagho na ulu ghauhi iara. Leuleghu fata na naiknore maꞌe ghau iara balu tibri.

Fapea Kronikols 16:10

Kate nomhini cheke igne, King Asa ne diꞌatagna fara ka Profet Hanani ne koko laoni mana ka suga sosolo. Eghuteuna funu ka narane tuana, mana ne goigonidi keha nogna naiknore.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Fapea Timoti 2:9

Eghuteuna naugna te toutonuni iara u Nonomho te Keli igne, naiknore ne haru ghau iara ka chen jateula mare te haruni kaisei mae te huhughuni fara u vetula na ia eghu. Nu theome tangomana kaisei naikno ka nauthoglu gne te haruni chekegna God na ka chen.

Fapea Timoti 1:16

Iara toreni Lord mala kokhonini mae Onesifora nei nogna tharakna. Mana neke togho ghau iara koba eghuteuna mana neke theome mamajani te au iara ka suga sosolo na.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Mae Khuru 24:27

Nu mae Filiks ne liliseini mae Pol mala au mana ka suga sosolo, naugna mana magnahaghei te keli tadi hatimare mae Jiu. Nu ke leghu phei finogha, mae Posias Festas neke tughuni mae Filiks mala gavana ka provins tuana.

Mae Khuru 21:33

Aonu mae funei biꞌodi mae armi re ne chekedi mae soldiare mala lokini mae Pol, eghuteuna haruni mana ka phei chen. Eghuteuna mana ne ghusna eghu ka naiknore, “Mae ihei si ignea? Unha teke eni mana na?”

Mae Khuru 5:40

Mare kilo fapulodi mae khurure ne puphuri. Eghuteuna mare ne cheke faheta ranghidi mare mala thosei ke cheke ka nanghagna mae Jisas. Ke leghugna igne mare ne snakre teidi mae khurure.

Mae Khuru 5:18

Eghume, mare lokidi mae khurure ne koko lao kau suga sosolo.

Mae Khuru 4:3

Mare lokidi mae Pita ghe mae Jone ne tei koko laodi ka suga sosolo. Mare magnahaghei fatedi phiamare, aonu phiamare au jare ne ghilei hamerane naugna la rafihi.

Luku 23:36

Hatimare mae soldiare jaola ne maꞌeni mae Jisas. Mare mei ka mae Jisas ne tusu haghe waen te raha fara na ka mana mala koꞌu.

Luku 23:11

Aonu mae Herod baludi nogna mae soldiare ne funu maꞌeni mae Jisas cheke faparini mana. Mare ne fapoko lao kaisei phoko te khuakhuda ka mana, mala jateula mae king eghu mana. Aonu mare ne kuru teini mana ka mae Paelat.

Luku 18:32

Eghuteuna mare ginauna na snakre lao ghau iara ka khamedi naikno te theome mae Jiu. Mare ginauna na maꞌe ghau iara, cheke fadiꞌa ghau iara, nei kmisu ghau iara.

Nonomho Te Keli Teke Risoi Mae Mak 10:34

Naikno tuare ginauna maꞌe ghau, kmisu ghau, puri ghau ka phukri nei falehe ghau eghu iara. Eghuteuna ka fatilo narane na iara nake karha fapulo.”

Matiu 27:26

Mae Paelat ne leghuni unha te toreni naiknore ne snakre fajiflani mae Barabas. Mae Paelat ne chekedi keha nogna mae soldia mala purini mae Jisas ka phukri. Aonu mana ne snakreni mae Jisas ka mae soldiare mala tei tupijuruni mana ka gaju fafatha.

Matiu 21:35

“Hatimare mae greireghi nagare igre ne lokidi mae gloku igre. Kaisei ne puphuri, keha na ne falelehe nei fatilo na ne fada falehe ka thina.

Matiu 20:19

Mare ginauna snakre lao ghau iara ka khamedi hatimare mae te theome Jiu. Eghuteuna mae igre ginauna maꞌe ghau nei puri ghau ka phukri nei tupi juru ghau eghu iara kau gaju fafatha. Nu ka fatilo narane na, God nake fakarha fapulo ghau iara kau glehe.”

Profet Jeremaea 38:28

Mare ne tajini fabrahu mae Jeremaea ka sugagna king, ka vido aheva te au hatimare mae soldia te reireghi gna nogna suga mae king na ne ghilei thokeni narane te mei mae naokare te atha namono Jerusalem igne.

Profet Jeremaea 36:6

Nu ka narane te dangna naiknore te kafe mei tarai ka Sugablahi na igre, iara magnahaghei nigho iagho te tei ka vido tuana. Iara magnahaghei nigho iagho te iu'iju soru chekegna Lord teke rioriso iagho ra. Iagho iu'iju soru cheke igre ka naiknodi Juda te mei funu ka namonodire te kafe khapru mei agne Jerusalem.

Profet Jeremaea 29:26

‘Sefanaea, Lord na vahi nigho iagho mala tughuni mae Jehoeada mala mae pris ulu ka nogna Sugablahi Lord. Iagho tangomana te lokini kaisei mae fameomekro te loku jateula kaisei mae profet teu ana. Iagho loki khame gna nei ghahe gna teu manare fari hotei thaba, aonu fabaꞌo lao kaisei chen aean ka grara gna mana na.

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Fapea Kings 2:23

Mae Elisa jifla jare Jeriko ne haghe Betel. Kate haghe mana ka nabrou na mana ne thafoni kaisei tothoghei biꞌo mae sitei nalhaꞌu te mei funudi ka namono tuana. Mare maꞌeni mana ne cheke eghu, “Ei, iagho mae phaꞌu klaja, tei delei! Iagho phaꞌu klaja, fasnagla ka vido igne!”

Ululahu Kings 22:27

Iagho chekedi phiamare mala lilisei mae igne ka suga sosolo. Eghuteuna faghamuni ka bret moja nei khoꞌu eghu kolho ghilei ke pulo mei iara ka magra.”

Ululahu Kings 22:24

Kate nomhini igne, Profet Sedekaea haghe ne taponi mae Maekaea ne cheke faheta eghu, “Niha tharunga gna Lord teke jifla ka iara teke ari cheke ka iagho na?”

Jajis 16:25

Ka narane tuana, mae funei re ne glealeꞌa fara aonu mare ne cheke eghu, “Tei hata fajifla mei Samson ka sosolo, mala maꞌe nodani!” Mae funei igre hatani mana ne mei, eghuteuna mare maꞌe ne maꞌeni mana. Aonu, mare ne fakegra mana farihoteidi khegra biꞌo ke lamnagna nodi Sugablahi na.

Efesus 3:1

Naugna igne, iara mae Pol te au ka suga sosolo eigna iara ne leghuni mae Jisas Kraes. Iara tarai ghami ka God. U gaoghathogna te sosoloni iara gne naugna iara ne toutonuni chekegna God na ka ghotilo iheire te theome Jiu.

Profet Jeremaea 32:8

“Aonu mae nebugu iara Hanamel igne ne thofno leghuni unha teke chekeni Lord na ne mei filo ghau iara ka suga sosolo na ne cheke eghu ka iara, ‘Iara magnahaghei nigho iagho te foli nogu vido glose iara te au rhegna namono Anatot ka nohi Benjamin. Jame te keli na iagho foli malamu themu, naugna iagho au nou nolaghi tagna.’ “Ka igne te thofno laseni iara cheke igne neke thofno nogna cheke thegna Lord teuna.

Profet Jeremaea 39:15

Kate sosolo teu mae Jeremaea ka sugagna king igne, Lord ne cheke eghu ka mana,

Fapea Kronikols 18:26

Iagho chekedi phiamare mala nhaꞌa lao ka suga sosolo mae tuana, eghuteuna faghamuni mana ka bret moja nei khoꞌu eghu kolho ghilei ke pulo mei iara ka magra.”

Profet Daniel 11:33

“Mae mala baubatu ka nogna naikno God te au tadi gaoghatho te kelire ginauna farirhiudi nodi naiknore mala jaola au tadi gaoghatho te keli na. Nu king ginauna aknu falehe keha mae mala baubatu igre ka magra, eghuteuna gahu kehare ka khaꞌaghi. Eghuteuna mana ginauna blau nodi gobigna lepo naiknore, eghuteuna lilisei kehare ka sosolo.