Hibru 11:33 - Buka Blahi Ka Cheke Holo

^33-34 Hatimare neke fatutuani ni God. Naugna igne mare neke edi kmana nafnata glepo te biꞌo. Mare magra neke tapla sorudi kmana mae king nei kmana namono biꞌo. Mare neke funei ka puhi te doglo, nei hata unha glepo te keli teke nhaꞌa cheke ranghidi. Naugna igne mare ne fofotho foflodi lion nei falehedi khaꞌaghi te biꞌo fara, eghuteuna nodi naflahi mae te magnahaghei mei falehedi mare re theome thokedi mare. Neuba mare ne nigra, mare ginauna nake nheta. Eghuteuna mare heta fara ka magra ka hatimare mae thara te mei funudi ka namono delei nei tapla sorudi.

Hibru 11:33 ပူးပေါင်းရင်းမြစ်များ

Hibru 10:36

Kegra famaku mala tangomana ghotilo te eni unha te magnahagheni God na. Eghuteuna kate eni ghotilo unha te magnahagheni mana na, ghotilo ginauna na hata unha teke nhaꞌa chekeni mana na.

Galesia 3:16

Uve, God neke chekedi nhaꞌa cheke igre ka mae Ebraham nei thugna. Grioriso te blahi na theome neke cheke eghu, “Nei maladi goro thumu.” Tuana gaoghathogna na kmana naikno. Nu God neke cheke eghu, “Nei mala thumu iagho.” Tuana gaoghathogna na kaisei mae kolho, eghume mae tuana, mae Kraes.

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Hibru 11:17

Mae Ebraham neke fatutuani ni God. Naugna igne mana neke snakreni thofno thugna kaisei ngala mae Isak mala fafara ka God kate fariuriuni mana. Neuba tifa na God neke nhaꞌa cheke eghu ka mae Ebraham, “Vikemu iagho na ginauna fufunu ka mae Isak,” mae Ebraham neke tarabana mala fafara mae thugna Isak.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Nodi Khoje Hatimare Mae Jiu 144:10

Iagho themu ngala te toghodi hatimare mae king di Israel gre te ulu koba mare kau magra na. Iagho themu ngala teke fakarhini mae king Devet nou mae gloku iagho ia.

Nodi Khoje Hatimare Mae Jiu 91:13

Iagho ginauna tapla ke klignadi lion, nei mogo te faghughumhu. Uve, neubane eghu ngau na theo kaisei glepo te diꞌa nate thoke nigho iagho na.

Jajis 4:1

Ke leghugna tela lehehi Ehud igne, naiknodi Israel igre neke edi kmana puhi te diꞌa ka tathagna Lord.

Ululahu Samuel 12:4

Aonu naiknore ne cheke eghu, “Theo, iagho neke theome chaghi ghami, neke theome goigoni ghami, nei neke theome hata kaisei glepo ka ghehati neku.”

Fapea Samuel 8:15

Mae Devet ne funei frunidi vido te gnafa Israel, ne edi unha te keli nei doglo eghu ranghidi nogna naiknore.

Fapea Samuel 10:12

Iagho thosei mhaghu! Iagho magra heta mala fakarhidi noda naiknora, nei nogna namono God ra. Lord ginauna eni unha te magnahagheni mana na.”

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Jemes 2:18

Nu jame kaisei mae ka ghotilo cheke eghu, “Tahati naikno khiloau gre, kehare mala fatutuani ni God kolho, eghuteuna kehare mala toghodi keha naiknore eghu.” Te chekeni iara na, jame kaisei mae cheke eghu mana kaisei mae fatutuani nu mana theome edi gloku te mala toghodi keha naiknore teuna, mae tuana theome fatutuani ni God kolho. Mae ihei te thofno fatutuani ni God na, mana theome khogla cheke eghu kolho, nu mana edila unha te kelire mala toghodi keha naiknore.

Ululahu Kings 13:28

Mana tei ne filoni thini gna na thuru neu ka nabrou na. Eghuteuna lion balugna dongki na kegra neu rhegna mana, eghuteuna lion igne ne theome ghamu thini gna mana na, eghuteuna naꞌa jaola ne theome faleheni dongki na.