Hibru 11:32 - Buka Blahi Ka Cheke Holo

³² Eghume, na jare ghu gnafa iara. Iara theo nogu narane te mala tonudi ka ghotilo eigna mae Gidion, mae Barak, mae Samson, mae Jefta, mae Devet, mae Samuel nei hatimare mae profet.

Hibru 11:32 ပူးပေါင်းရင်းမြစ်များ

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Ululahu Samuel 1:20

Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Jone 21:25

Gloku te edi mae Jisas re thono kmana fara. Jame kafe rioriso sorudi me gnafa gobigna lepo teke edi mana re meuna, te ghathoni iara na buka te kmanare jame theome nabagna nauthoglu igne.

Fapea Pita 1:21

Naugna nodi cheke hatimare mae profet ra, theo kaisei fata mare thedi te toutonudi glepo igre. Nu mae Tharunga te Blahi neke thofno saghe leghudi mare mala toutonuni cheke teke mei funu ka God.

Letas Teke Riso Tei Mae Pol Ka Khiloau Rom 7:7

Ba, faꞌunha eghu tahati cheke eigna nogna vetula mae Moses gne? Tahati na chekeni, nogna vetula mae Moses gne mala batudi naiknore ka nakhibo signea eghu? Theo fara! Naugna nogna vetula mae Moses na mala falalase ghau iara te leghuni puhi te diꞌa na. Uve, kaisei cheke ka vetula na cheke eghu, “Thosei mamagnadi nodi keha naiknore.” Nu jame te theome laseni iara eigna cheke te risoni mare igne na, iara ginauna theome laseni puhi te diꞌa na.

Letas Teke Riso Tei Mae Pol Ka Khiloau Rom 4:1

Unha te laseni tahati eigna fatutuani kate filoni tahati nakarhagna mae kuꞌeda Ebraham tifa ia?

Letas Teke Riso Tei Mae Pol Ka Khiloau Rom 3:5

Keha naiknore cheke eghu, “Kate eni tahati puhi te diꞌa na, tahati falalase ranghidi naiknore puhigna God te doglo fara. Eghume tahati laseni God te theome doglo na naugna mana ne para ghita kate leghuni puhi te diꞌa na!” Keha naiknore ne cheke eghu agne kate leghuni kolho mare gaoghathogna naikno na.

Mae Khuru 13:20

Gobigna lepo igre neke edi ke lamnadi fati gobi glimafulu finogha. “Ke leghugna igne, God neke vavahi keha mae mala batudi naiknore ghilei thokeni narane gna mae profet Samuel.

Mae Khuru 10:43

Hatimare mae profet te gnafare neke toutonu eigna la mana, neke cheke eghu, ‘Ihei te fatutuani ni mae Jisas na, God ginauna na hata fadelei nakhibodire ka nanghagna mae Jisas.’ ”

Mae Khuru 3:24

“Uve, funu ka mae Samuel nei hatimare mae profet te gnafa teke mei ke leghugna mana re neke kafe chekedi gobigna lepo te edi gognaro igre.

Ululahu Samuel 12:11

Aonu Lord neke kurudi mae Gidion ghe mae Bedan, eghuteuna leghu lahu na mana neke kuru ghau iara. Tuana teke eni mana teke hata fajifla ghami ghotilo ka nodi nolaghi noda naoka ra, naugna igne te au fakelini tahati agne na.

Fapea Pita 3:2

Iara magnahaghe ghami ghotilo te ghathodi cheke teke edi hatimare mae profet blahi tifa ra. Eghuteuna ghotilo ghatho dila nogna cheke Lord mae ihei teke fakarhi ghita ia eghu. Ghehati mae khuru gre neke toutonunihi cheke igne ka ghotilo.

Jemes 5:10

Ke ghathodi si ghotilo hatimare mae profet teke chekeni chekegna God na tifa ra. Neubane naiknore ne edi kmana nafnata puhi te diꞌa ka mare, mare kegra heta ka nodi fatutuani na.

Letas Teke Riso Tei Mae Pol Ka Khiloau Rom 6:1

Eghume, faꞌunha eghu tahati cheke eigna te mala doglo ke ulugna God na? Nabada na tahati au fabrahu ka puhi nakhibo mala biꞌo salaꞌui ranghi ghita nogna khokofakasai God na?

Luku 16:31

“Mae Ebraham ne cheke eghu ka mana, ‘Theo. Te theome fanomho la mare ka mae Moses nei ka hatimare mae profet teuna, mare na theome fanomho la ka mae iheire teke kegra fapulo ka glehe na.’ ”

Luku 13:28

Mae Jisas tudu ne cheke eghu, “Ghotilo ginauna na tanhi nei diꞌanagnafa eghu kate filodi mae Ebraham, nei mae Isak, nei mae Jekop baludi hatimare mae profet tifa ra te kegra teu kau nogna nauthoglu majaghani God. Nu mare ginauna koko fakosi ghami ghotilo.

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Ululahu Samuel 2:18

Nu ka narane tuana, mae sua Samuel ne au faleghu neu Saelo mala loku ranghini Lord. Mana fahaghe kaisei phoko blahi te kiloi “efod”.

Ululahu Samuel 2:11

Aonu mae Elikana ghe Hana neke figri Rama, nu mae sua Samuel au neu Saelo mala toghoni pris Eli ka nogna gloku Lord.

Jajis 13:24

Kate karha thugna na, naꞌa ne kiloni Samson. Kate biꞌo haghe mae sitei igne Lord ne fablahini mana.

Jajis 6:11

Kaisei narane, kaisei engel funugna Lord mei ne gnokro ke parigna kaisei gaju biꞌo ka vido te kiloni mare Ofra. Mae Joas gne maegna ka vido igne eghuteuna mana vikegna mae Abiesa eghuteuna mana reireghini gaju igne. Eghuteuna Gidion thugna mae Joas igne, mana fagagae khunedi sisi flaoa mala ghamu, nu mana edi poru ke lamnagna vido mala eni waen na. Mana eni igne mala theome tangomana maedi Midian igre te mei blau gano igre.

Jajis 4:1

Ke leghugna tela lehehi Ehud igne, naiknodi Israel igre neke edi kmana puhi te diꞌa ka tathagna Lord.

Jajis 6:1

Naiknodi Israel igre neke huhughuni Lord, aonu Lord snakredi naiknodi Midian neke funei frunidi nabagna fitu finogha.

Jajis 6:14

Aonu Lord ne cheke eghu ka mae Gidion, “Iara kuru nigho iagho! Gognarona, iara farheta nigho iagho mala fakarhidi naikno te au ka khamedi vikegna Midian.”

Jajis 15:20

Samson batudi naiknodi Israel nabagna varadaki finogha, nu maedi Filistia funei fruni ni Israel.

Ululahu Samuel 2:4

“Nodi phaloho mae te nheta ra la soru pari la diꞌa, nu mae te theome nheta ra mare la nheta fabrahu.

Ululahu Samuel 17:45

Nu mae Devet ne eha eghu tei ka mana, “Uve, iagho mei balu jata nei naflahi eghu mala falehe ghau iara. Nu iara na ari magra ka iagho ka nanghagna Lord mae ihei te au nolaghi fateote'o. Armi gna Israel igne nogna God mae ihei te cheke faparini iagho igne.