Hibru 11:14 - Buka Blahi Ka Cheke Holo

¹⁴ Iheire naikno te chekedi nafnata cheke tuare, mare cheke thakleni te hironi nodi thofno namono na.

Hibru 11:14 ပူးပေါင်းရင်းမြစ်များ

Fapea Korin 4:18

Eghume ghehati theome ghaoghatho eigna unha te filoni ka tathada na, nu ghehati ghaoghatho eigna unha te theome filoni nga teu tahati. Glepo te filodi tahati ka tathadare theome au raugha. Nu unha te theome tangomana te filoni tahati na, tuana nate au fabrahu ginauna.

Hibru 13:14

Naugna theo kaisei namono nate au fabrahu ka nauthoglu igne te mala au te tifa tahati na, nu tahati magnahaghei te tei thoke ka namono te mala au nathuꞌu nauriha na.

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Filipae 1:23

Thono ninhigrana ranghi ghau iara te vavahi ka phei nabrou igre. Iara magnahagheni fara te jifla kokoni u nauthoglu igne mala au balugna mae Kraes, naugna tuana ngala glepo ulu te magnahagheni iara na.

Eksodas 2:22

Ke leghu, Sipora ne karha kaisei thugna nalhaꞌu, eghuteuna mae Moses ne ghaoghatho eghu, “Iara kaisei mae phosa ka namono igne. Eghume, iara kiloni mae sitei igne Gesom. Gaoghathogna nangha igne, ‘Mae phosa.’ ”

Hibru 11:13

Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”

Hibru 11:15

Jame ghatho fapuloni mare namono aheva teke jifla mei dina meuna, mare jame bligi ranghidi teke figri na.