Hibru 11:12 - Buka Blahi Ka Cheke Holo

¹² Neubane kuekuꞌe fara mae Ebraham ne namo lehe, naikno te karha ka vikegna mana re kmana fara jateula nathunu kau maloa, ba nusu ka thongna te theome tangomana te kahadi.

Hibru 11:12 ပူးပေါင်းရင်းမြစ်များ

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Jenesis 32:12

Tifa na iagho neke nhaꞌa cheke ka iara mala fablahi ghau iara nei mala tusu ranghi ghau iara kmana vike mala kmana fara jateula nusu te theome tangomana te kahadi ka glilihi na are eghu mare neku.”

Profet Hosia 1:10

Mae profet ne cheke eghu ka naiknore, “Naiknodi Israel igre ginauna kmana fara jateula nusu ka gratha na are eghu. Ghotilo theome tangomana nate kahadire. Te chekeni agne na, ‘Gognarona, ghotilo theome nogu naikno iara.’ Nu mana ginauna cheke eghu ka ghotilo, ‘Ghotilo nogu naikno iara, eghuteuna iara nomi God ghotilo. Iara mae ihei te karha fabrahu tifa te tifa.’

Profet Jeremaea 33:22

Iara ginauna eni vikegna nogu mae gloku Devet, nei mae pris ka vikegna mae Livae mala kmana fara jateula nathunu ka maloa kligna nei nusu ka thongna, te theome tangomana kaisei naikno te kahadi.”

Jenesis 15:5

Aonu Lord ne hata fajiflani mae Ebram kosi ne cheke eghu ka mana, “Filo haghe sagho ka maloa na. Jare na kmana nathunu fara te theome naba kaisei naikno te kahadire, eghume vikemu iagho re ginauna na jateula nathunu tuare eghu kmana fara.”

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Thakle 20:8

Mana ginauna jifla mala ke chaichaghidi naiknore ka namono te gnafa ka nauthoglu igne. Mare kilodi namono igre Gog ghe Magog. Mae Satan ginauna salo fodu naiknodi namono te gnafa igre mala magra ka nogna naikno God re. Naikno te phile ka mae Satan gre ginauna kmana fara jateula nusu ka glilihi na are eghu.

Profet Isaia 10:22

Gognarona naiknodi Israel igre thono kmana fara jateula nusu ka gratha ra eghu, nu ka narane tuana kmana naikno ginauna lehe, eghuteuna ginauna keha ka ghotilo kolho nate theome lehe na teke pulo mei na. Puhigna Lord mae ihei te au nolaghi fateote'o igne thofno doglo fara, eghuteuna mana neke kulu chekehi nate goigonidi nogna naiknore. Uve, mana ginauna goigoni fahui nomi vido te gnafa ghotilo ka kantri igne.

Eksodas 32:13

Iagho ke ghathodi thilo nou mae gloku ra, Ebraham, nei Isak nei Jekop, iagho ke ghathoni u Nhaꞌa Cheke teke eni iagho ka thilo mare ka nanghamu themu. Iagho neke nhaꞌa cheke eghuhi ka thilo mare, ‘Iara ginauna edi iheire nate karha mei ke leghumi ghotilo re mala kmana fara jateula nathunu ka maloa na are eghu. Eghuteuna iara ginauna tusu lao ka mare vido glose te gnafa teke nhaꞌa cheke iara ka ghotilo ra, mala nodi mare fabrahu.’ ”

Profet Isaia 48:19

Eghuteuna jame te leghu ghau iara ghotilo na, thumi ghotilore ginauna kmana fara jateula nusu ka grathara eghu. Iara ginauna reireghi fakelidi, eghuteuna nanghadire na theome gnafa ka nauthoglu igne.”

Nehemaea 9:23

Iagho tusu ranghidi kuꞌemi ghehati ra kmana sua mala jateula nathunu te au ka maloa na are neu. Eghuteuna iagho neke hata meidi mala au ka namono aheva teke chekeni iagho ka kuꞌedi mare ra.

Ululahu Kronikols 27:23

King Devet neke theome kahadi mae majaghani te theome thokeni teu varadaki finogha na, naugna Lord neke nhaꞌa cheke ka naiknodi Israel te mala kmana fara jateula nathunu ka maloa na are teuna.

Ululahu Kings 4:20

Ka narane te funei King Solomon igre naiknodi Israel nei naiknodi Juda teu igre vuragha kmana fara jateula nusu ka geri thongna ra eghu theome tangomana te kahadire. Leuleghu narane na mare ghamu nei koꞌu eghu balu glealeꞌa.

Fapea Samuel 17:11

“Eghume igne gaoghathogu iara na. Iagho ginauna kilo fodudi mae soldia te gnafa Israel ra, funu ke raru Dan tei posa ke mata Bereseba. Eghuteuna mare ginauna kmana fara jateula nusu ka gratha na are eghu. Aonu iagho kolho te batudi mare te tei ka magra na.

Ululahu Samuel 12:5

Aonu, mae Samuel ne cheke eghu, “Lord balugna king teke vavahi mana igne, phiamare la nomhidihi nomi cheke ghotilo re gognarogne, eigna ghotilo chekeni teke theome eni iara kaisei najafra na.” Eghuteuna mare ne cheke eghu, “Uve, Lord ngala te laseni na.”

Jajis 7:12

Armigna Midian, nei armigna Amalek, nei armigna ke maghatigna namono nagou teu igre thafru ka sare biꞌo na. Mare kmana fara jateula galho eghu ne thafru vido te gnafa ka sare na. Eghuteuna nodi kamel re jateula nusu ka gratha ra eghu kmana fara theome tangomana te kahadire.

Josua 11:4

Hatimare mae king igre nomhini nogna cheke mana igne ne mei balu nodi mae nheta. Nodi armi mae igre kmana fara jateula nusu ka gratha na are eghu mei balu nodi hose nei chariot.

Diutronomi 28:62

Neuba ghotilo ne kmana naikno ne jateula nathunu ka maloa na are neu, nu jame te theome leghuni ghotilo Lord nomi God na, phei ba thiloi kolho nate karha na.

Diutronomi 1:10

Lord, nomi God ghotilo igne fablahi ghami ghotilo la kmana fara la jateula nathunu ka maloa na are lau.

Letas Teke Riso Tei Mae Pol Ka Khiloau Rom 9:27

Mae Isaia ne eha eghu eidi maedi Israel, “Neuba naiknodi Israel gre ne kmana fara jateula nusu ka glilihi neu, God ginauna fakarhadi keha ghu kolho.

Profet Habaku 1:9

Kate kafe mei mare ka magra na, theome tangomana kaisei naikno te kegra fanogradire. Kate mei namo armi igne te mala magra na, naiknore mhaghu nodi fara ne fififri tongana. Leuleghu fata na mae soldia igre hata kmana naikno te theome tangomana kaisei naikno te kahadire.