Hibru 10:8 - Buka Blahi Ka Cheke Holo

⁸ Filo si ghotilo. Ulu lahu na mae Kraes ne cheke eghu ka God, “Iagho theome magnahaghei kaisei mae te hata buluka ba gano te fafara nei kilo fnakno nigho, nei iagho jaola theome magnahaghedi buluka te gahu tongana ke kligna olta ba keha nafnata fafara te mala atha fadelei nakhibo. Nafnata fafara tuare iagho theome gleꞌadi kolho.” Mana ne chekeni igne neuba fafara te edi hatimare mae pris leghuni nogna vetula mae Moses na.

Hibru 10:8 ပူးပေါင်းရင်းမြစ်များ

Hibru 10:5

Eghume, kate mei mae Kraes kau nauthoglu igne, mana ne cheke eghu ka God, “Iagho theome magnahaghei kaisei mae te hata buluka ba gano te fafara nei kilo fnakno nigho, nu iagho tarabanahi thinigu iara gne mala fafara ka iagho.

Nonomho Te Keli Teke Risoi Mae Mak 12:33

Te keli na tahati namhani God ka nagnafada fateote'o, ka gaoghathoda fateote'o, ka nhetada fateote'o. Eghuteuna tahati namhadi kherada fofodu gre jateula theda eghu. Phei vetula igre ngala teke uludi te fafara tahati ka God ke kligna olta na.”

Nodi Khoje Hatimare Mae Jiu 40:6

Iagho theome magnahaghei fafara ba toreni kaisei bosu mala gahu ke kligna olta mala hata koko nakhibo. Nu iagho tusu mei khuli ka iara mala tangomana iara te nomhidi nei leghudi teu nou cheke iagho re. Igne unha te magnahaghei iagho te mala eni iara na.

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.