Hibru 10:7 - Buka Blahi Ka Cheke Holo

⁷ Eghuteuna ke leghu na, iara ne cheke eghu, ‘God, iara au teu ao, iara tarabana mala eni unha te magnahaghei iagho na, jateula teke riso mare eigu iara kau buka vetula ia eghu.’ ”

Hibru 10:7 ပူးပေါင်းရင်းမြစ်များ

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Jone 6:38

Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Jone 5:30

Iara theome tangomana te eni kaisei glepo leghuni u nogu gaoghatho thegu na. Iara tangomana te fateni naikno na leghuni unha te chekeni mae Mama na. Eghume unha te fatedi iara naiknore thofno doglo fara, naugna iara theome fariuriu loku leghudi kolho unha glepo te magnahaghedi iara thegu re, nu iara loku leghudi kolho unha glepo te magnahaghei mae teke kuru mei ghau na.

Profet Jeremaea 36:2

“Jeremaea, funu ka narane gna King Josaea te mei posa gognarogne, iara neke cheke ka iagho eidi phei kantri Israel ghe Juda baludi keha kantri igre. Gognarona iara magnahaghei nigho iagho te atha kaisei pepa brahu mala rioriso soru cheke te gnafa igre.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Esra 6:2

Mare ne theome filoni Babilonia, nu mare ne filoni rekod buka igne ka namono Ekbatana ka provins Media aheva te bara te lithui mare ka thina. Nu buka igne cheke eghu,

Profet Isaia 50:5

Lord God neke tusu mei glalase ka iara. Igne te theome figri tagruni nei thodoni teu iara mana na.

Profet Esikiel 2:9

Ka vido tuana, iara ne filoni kaisei khame te louloku teu kaisei buka te jateula phepa brahu teke lolhopo ra eghu.

Profet Esikiel 3:1

Lord ne cheke eghu ka iara, “Maegna ka nauthoglu. Ghamu buka igne! Ke leghugna igne, iagho tei chekeni nogu cheke iara na ka naiknodi Israel.”