Hibru 10:38 - Buka Blahi Ka Cheke Holo

³⁸ “Nogu naikno iara te doglo are ginauna athini thofno karha na, naugna mare ne fatutuanidi nogu cheke iara gre. Nu te figri tagru mare te theome fatutuani ghau iara na, iara ginauna na theome keli tagu.”

Hibru 10:38 ပူးပေါင်းရင်းမြစ်များ

Galesia 3:11

Thofno glola fara ngala, God neke theome eni kaisei naikno mala doglo ke ulugna mana eigna mana te leghuni vetula na. Naugna u grioriso te blahi na cheke eghu, “Mae ihei te fatutuani na, mana ginauna doglo ke ulugna God, eghuteuna mana ginauna hatini u thofno nakarha na.”

Letas Teke Riso Tei Mae Pol Ka Khiloau Rom 1:17

U Nonomho te Keli gne cheke ranghi ghita eigna puhigna God te fadoglo ghita ke ulugna thegna kate thofno fatutuani ngala tahati mae Jisas. Jateula te chekeni ka grioriso te blahi, “Mae ihei te fatutuani ni God na, mana ginauna doglo ke ulugna God, eghuteuna mana ginauna hatini u karha fei tifa na.”

Profet Habaku 2:4

“Igne nogu cheke iara na: Naikno te fahaehaghe igre theome magnahagheni kaisei glepo te doglo. Nu naikno te doglore ginauna au kau karha, naugna mare ne ghatho fobo ghau iara ne leghu ghau iara fabrahu.

Nodi Khoje Hatimare Mae Jiu 85:8

Iara nomhini unha te chekeni nogu God na ka nogna naiknore. Mana neke nhaꞌa cheke eigna pharikeli, eghu jame teke figri tahati ka puhi fameomekro teke edi tahati ra.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Matiu 13:21

Nu theome sukha pari ka nagnafagna mana na kolho, eghume theome au raugha kolho. Kate thoke mei puhi biꞌo ba naꞌau papara naugna te fatutuani ni chekegna God.

Matiu 12:18

“Igne nogu mae gloku teke vavahi iara na. Nu iara namhani nei gleꞌani eghu mana. Iara ginauna tusu ranghini mana Tharungagu na. Aonu mana ginauna chekeni chekegu iara na ka naikno te theome Jiu mala tughu nagnafa mare.

Profet Esikiel 3:20

“Eghuteuna jame kaisei mae te doglo puhigna na eghuteuna figri tagruni mana puhi te keli na ne eni glepo te diꞌa na teuna, nu iagho thosei cheke kolho ka mana mala tughu puhigna te diꞌa na, mana ginauna lehe ka nakhibogna na. Iara ginauna theome ghathodi glepo te doglo teke edi mana ra, eghuteuna iara ginauna para nigho iagho eigna glehegna mana na naugna iagho neke theome kulu cheke faheta ka mana kolho.

Ululahu Tesalonika 2:15

Mae Jiu tuare neke faleheni noda Lord Jisas nei hatimare mae profet. Eghuteuna mare jaola huhuru ghita mala jifla ka namono tuana. Mare theome keli ranghini God, eghuteuna mare nodi naoka naikno te gnafa.

Profet Malakai 1:10

“Fanomho si ghotilo, igne nogna cheke Lord mae ihei te au nolaghi fateoteꞌo na, ‘Mae pris cheke eghu koba ka ghotilo, “Bobotho Sugablahi ana mala thosei tei ruma ghotilo mala fafara ke kligna olta.” Naugna iara theome kelitagu ka ghotilo, iara ginauna na tirogudi fafara te atha te mei ghotilo tuare.

Profet Sefanaea 1:6

Iara ginauna paradi naikno te figri tagru ghau, nei tirodi leghu ghau, nei tirodi mei mala toghodi, nei mala saghe leghudi eghu iara.”

Profet Esikiel 18:24

“Nu jame kaisei mae te doglo lilisei puhi te doglo na eghuteuna mana edi koba puhi te diꞌa re jateula te edi koba mae te diꞌa ra eghu, ba mae igne ginauna tangomana nate karha na? Theo! Iara ginauna theome ghathodi glepo te keli teke edi mana tifeiro ra. Uve, naugna mana la tirogna ghauhi iara, eghuteuna mana la snivihi ka nakhibo, mana ginauna mala lehe kolho.

Nodi Khoje Hatimare Mae Jiu 149:4

Lord na keli tagna fara ka tahati, naugna igne mana ghatho tahu ghita tahati nogna naiknore mala uluni tahati u magra na.

Nodi Khoje Hatimare Mae Jiu 5:4

God, iagho theome glealeꞌadi puhi te diꞌare. Naikno te edi puhi te diꞌa igre theome nabadi te au balumu iagho na.

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Profet Esikiel 33:13

Eghuteuna jame cheke eghu iara kaisei mae te doglo na ginauna karhau kolho, nu ghathodi fabrahu mana puhi te doglo teke edi mana tifa igre nate fakarhani mana eghu, eghuteuna tapla jafra mana ka nakhibo teuna, iara ginauna theome tangomana nate fakarhini mana eidi unha glepo te doglore teke edi mana tifa re. Mana ginauna mala lehe, naugna mana neke edi glepo te diꞌa re.

Hibru 10:39

Nu tahati gne theome naikno mala figri fapulo mala au ka glehe te theo gnafagna. Theo. Tahati naikno mala fatutuani ni God mala au ka karha tifa tifa.

Jemes 5:6

Eghuteuna ghotilo fate fadiꞌadi naikno te theome eni kaisei najafra gre. Nu neuba ngau mare theome tangomana te magra fapulo na. Eghuteuna ghotilo jaola falehedi mare.

Fapea Samuel 22:22

Leuleghu fata na, iara leghuni koba puhigna Lord eghuteuna iara theome tei fajafra ka mana.