Hibru 10:34 - Buka Blahi Ka Cheke Holo

³⁴ Ghotilo diꞌanagnafa baludi keha ka ghotilo te au ka suga sosolo. Eghuteuna kate hata keha naiknore gobigna lepo teke khotodi ghotilo re, ghotilo gleale'a kolho, naugna ghotilo lasenihi glepo te keli fara na ofo ghami ghotilo teu kligna. Eghuteuna glepo igre te au fabrahu tifa tifa.

Hibru 10:34 ပူးပေါင်းရင်းမြစ်များ

Ululahu Pita 1:4

Gognaro na tahati rouronu fara eigna u thofno karha te ofo ghita teu kligna te theome tangomana te boto ba te diꞌa.

Fapea Timoti 1:16

Iara toreni Lord mala kokhonini mae Onesifora nei nogna tharakna. Mana neke togho ghau iara koba eghuteuna mana neke theome mamajani te au iara ka suga sosolo na.

Jemes 1:2

Kheraguro, kate au teu ghotilo ka nauthoglu gne, ghotilo na thafodi kmana nafnata puhi biꞌo. Nu kate mei nafnata puhi biꞌo igre ka ghotilo na, ghotilo gleale'a.

Hibru 13:3

Ghathodi iheire te au ka sosolo, jateula te au themi baludila ka sosolo eghu. Eghuteuna ghathodi iheire te kabru, jateula te kabru themi eghu.

Efesus 6:20

Naugna iara mae gloku mala toutonuni u Nonomho te Keli igne, neubane au ka suga sosolo iara gognaro gne. Ghotilo tarai ghau iara mala theome mhaghu iara kate toutonuni Nonomho te Keli ka puhi te naba te mala eni iara na.

Luku 12:33

Eghume ghotilo fofoli nomi glepore mala hata sileni mala tusu lao ka naikno te kumare. Ghotilo hata thofno gloi sileni te theome tangomana te thona nei breku teu igne. Ghotilo mala salo fodu nomi dedei gna kligna te theo ka gnafa gna, nu au fabrahu. Eghuteuna kligna na theo kaisei mae te mala blau te tangomana te tei thokeni ba theo kaisei khokorosi nate ghamu fadiꞌani na.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Ululahu Timoti 6:19

Ka puhi igne mare ginauna na salofodu maladi thedi dedei te heta fara malagna nathuꞌu nauriha. Eghuteuna mare ginauna tangomana te thokeni nakarha te thofno tutuani igne.

Kolose 1:5

Tutuani fara, fatutuani nei namha teuna au ka ghotilo naugna ghotilo rouronu mala hata unha God tela kulu tarabanahi malami ghotilo kligna. Ghotilo laseni grouronu igne kani teke nomhini cheke te tutuani eigna mae Jisas Kraes.

Filipae 1:7

Ghotilo au fabrahu ka nagnafagu iara na, eghume iara nabagu te ghatho ghami ghotilo na. Naugna ghotilo kaisei balugu iara ka nogna khokofakasai God. Eghuteuna igne tutuani fara, neubane au iara ke lamna suga sosolo, ba au iara kosi mala cheke thakleni u Nonomho te Keli gne ba iara toghodi mare mala fatutuani ni mae Jisas.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Efesus 3:1

Naugna igne, iara mae Pol te au ka suga sosolo eigna iara ne leghuni mae Jisas Kraes. Iara tarai ghami ka God. U gaoghathogna te sosoloni iara gne naugna iara ne toutonuni chekegna God na ka ghotilo iheire te theome Jiu.

Mae Khuru 21:33

Aonu mae funei biꞌodi mae armi re ne chekedi mae soldiare mala lokini mae Pol, eghuteuna haruni mana ka phei chen. Eghuteuna mana ne ghusna eghu ka naiknore, “Mae ihei si ignea? Unha teke eni mana na?”

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Matiu 19:21

Mae Jisas ne cheke eghu ka mana, “Te magnahaghei keli fara iagho ke ulugna God na, ulu lahu na iagho tei fofoli nou gobigna lepore, eghuteuna tei tufa sileni are ka naikno te kumare eghu. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na.”

Fapea Timoti 2:9

Eghuteuna naugna te toutonuni iara u Nonomho te Keli igne, naiknore ne haru ghau iara ka chen jateula mare te haruni kaisei mae te huhughuni fara u vetula na ia eghu. Nu theome tangomana kaisei naikno ka nauthoglu gne te haruni chekegna God na ka chen.

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Mae Khuru 28:20

Eigna igne site tore ghami iara te mei ghotilo gnea, mala tangomana iara te cheke ka ghotilo na. Mare haru ghau iara ka chen igne, naugna iara fatutuani ni fara mae Jisas mae ihei tahati maedi Israel te ofoni teu meigna na.”

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Luku 9:25

Eghuteuna jame kaisei mae dedei fara ka nauthoglu igne, nu lehe mana teuna, glepo igre ginauna na theome toghoni mana. Thono theo fara.

Hibru 9:15

Eghume mae Kraes hata ne mei kaisei nhaꞌa cheke majaghani funu ka God ka nogna naiknore, mala tangomana naikno teke kilodi God re mala hata u thofno nakarha te au kligna te theo ka huigna teke nhaꞌa cheke mana ranghidi. Naugna mae Kraes neke lehe mala foli fajifladi naiknore ka glehe eidi nakhibo teke edi mare kate tathaji nga tekeu mare u nhaꞌa cheke ulu lahu na.

Hibru 13:14

Naugna theo kaisei namono nate au fabrahu ka nauthoglu igne te mala au te tifa tahati na, nu tahati magnahaghei te tei thoke ka namono te mala au nathuꞌu nauriha na.

Eklesiasti 3:6

Narane mala hara glepo, nei narane mala theome hara glepo. Narane mala hata glepo nei narane mala koko glepo.