Hibru 10:33 - Buka Blahi Ka Cheke Holo

³³ Ka keha fata naiknore maꞌe ghami ghotilo ke uludi naikno te kmana, ba edi keha puhi te diꞌa ka ghotilo naugna ghotilo fatutuani ni mae Kraes. Eghuteuna keha fatare ghotilo au baludi naikno te paradire.

Hibru 10:33 ပူးပေါင်းရင်းမြစ်များ

Ululahu Korin 4:9

Nu gaoghathogu iara na, God lilisei ghami ghehati mae khuru gre leghu lahu. Ghehati jateula mae sosolo tela fate ghamihi mare te mala lehe ra eghu. Ghehati kegra ke uludi engel nei naiknogna nauthoglu gne eghu ka puhimi ghehati re.

Filipae 4:14

Nu neubane eghu ngau, thotogho teke edi ghotilo ka iara kani teke au iara ka vido te ninhigrana ra thono keli fara.

Filipae 1:7

Ghotilo au fabrahu ka nagnafagu iara na, eghume iara nabagu te ghatho ghami ghotilo na. Naugna ghotilo kaisei balugu iara ka nogna khokofakasai God. Eghuteuna igne tutuani fara, neubane au iara ke lamna suga sosolo, ba au iara kosi mala cheke thakleni u Nonomho te Keli gne ba iara toghodi mare mala fatutuani ni mae Jisas.

Hibru 11:36

Keha naikno te fatutuani ni God re, mae naoka gre maedi nei puridi. Eghuteuna kehare, mare haru ka chen khamedi nei ghahedi teure mala koko lao kau suga sosolo.

Ululahu Tesalonika 2:14

Uve kheraguro, ghotilo filo leghudi naikno khiloau te au ka namono Judia. Ghotilo neke au papara ka kherami themi, jateula naikno khiloau teke au papara ka hatimare mae Jiu.

Profet Isaia 51:7

“Ghotilo iheire te leghuni puhi te doglo na, nei ghotilo iheire te loku famaku chekegu iara na ka nagnafamire teu ra, thosei mhaghudi naikno te maꞌe ghami nei cheke fadiꞌa ghami teu are.

Nodi Khoje Hatimare Mae Jiu 74:22

God, mei sagho mala cheke fajifladi eidi unha te edi iagho re doglou kolho. Ghathodi sagho iheire te theome fatutuani nigho gre, mare maꞌe nigho leuleghu narane funu hamerane ghilei posa fei grafi.

Hibru 13:13

Eghume tahati mala tei ka mae Jisas mala au balugna mana ke kosi namono kate para ghita naiknore jateula teke eni mare ka mana ia eghu.

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Fapea Timoti 1:8

Eghume iagho thosei mamaja te toutonu ka naiknore eigna noda Lord Jisas Kraes. Eghuteuna iagho jaola thosei mamaja ghau iara te au ka suga sosolo malagna Lord, eigna iara ne loku ranghini mana. Iagho thosei mhaghudi iheire nate para nigho eigna iagho te toutonuni u Nonomho te Keli. God ginauna tusu ranghi nigho nolaghi te mala eni iagho gloku tuana.

Fapea Korin 12:10

Eghume iara gleale'a fara kate papara naugna iara nogna mae Kraes. Tutuani, kate nigra na, kate cheke fadiꞌa ghau na, ba ka vido te ninhigrana ba ka vido te au papara, ba ka thua nafnata hoholo fateo, iara gleale'a fara naugna ka vido igre Kraes tangomana te tusu mei ka iara nogna u nolaghi biꞌo na.

Profet Sekaraea 3:8

“ ‘Pris biꞌo Josua, famane fanomho mei ka iara. Eghuteuna ghotilo keha pris te loku ke parigna nogna nolaghi mana ra, ghotilo jaola mala famane fanomho mei ka iara. Ghotilo te gnafa na mala jateula fagaglanadi eghu famane glepo nate thoke mei thogheiro. Nogu mae gloku iara nanghagna Grege igne, iara ginauna falalase ka ghotilo.

Profet Nahum 3:6

Iara ginauna na famamaja ghami ghotilo, jateula te koko chara te boto ke klignami ghotilo ra eghu. Uve, iara ginauna filo fapari ghami ghotilo mala laseni naiknore te thono diꞌa fara ghotilo na.

Nodi Khoje Hatimare Mae Jiu 89:51

Lord God, hatimare mae naoka igre mare cheke faparini mae king teke vavahi iagho igne. Ka vido aheva te tei mana na, mare maꞌeni kolho mana.

Nodi Khoje Hatimare Mae Jiu 79:12

Lord, naiknodi keha kantri are cheke fadiꞌa nigho iagho. Paradi fabrahu sagho eidi cheke te diꞌa tuare.

Nodi Khoje Hatimare Mae Jiu 71:7

Leuleghu fata na nakarhagu iara gne ngala kaisei te mala filo leghuni naiknore, naugna iagho ngala nogu vido keli te mala poru iara na.

Nodi Khoje Hatimare Mae Jiu 69:9

God, leuleghu fata na iara thono ghatho tahuni fara nou Sugablahi iagho gne, eghuteuna leuleghu fata na gaoghatho igne loku fabrahu ke lamnagu iara jateula khaꞌaghi eghu. Thua cheke te diꞌa te edi mare ranghi nigho iagho igre, fadiꞌa ghau iara.

Hibru 12:4

Kmana naikno te diꞌa fara neke magra ghami ghotilo, nu theo kaisei ka ghotilo te lehe ka puhi igne.