Hibru 10:31 - Buka Blahi Ka Cheke Holo

³¹ Glepo mamhaghuana tulao jame kaisei mae te kegra ka fate ke ulugna God mae te karha na.

Hibru 10:31 ပူးပေါင်းရင်းမြစ်များ

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Luku 12:5

Iara na falalase ari ka ghotilo unha nafnata mae te mala mhaghuni ghotilo na. Mae jame te mala mhaghuni ghotilo na God ngala, naugna mana au nolaghi te mala falehe ghami ghotilo na, nei jaola au nolaghi te mala koko lao ghami ghotilo Gehena. Uve, kaisei mana ngala jame te mala mhaghuni ghotilo na.

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Nodi Khoje Hatimare Mae Jiu 76:7

God, naikno te gnafare kafe mhaghu nigho iagho. Kate diꞌatamu iagho na, theo kaisei naikno te frane te ari kegra ke ulumu iagho na.

Nodi Khoje Hatimare Mae Jiu 90:11

Theo kaisei naikno te filo glani u nolaghi te diꞌatamu iagho ka ghehati igne. Naugna nou nolaghi iagho na thono biꞌo fara. Uve, theo kaisei naikno te filo glani u namhagu nate thoke ghami ghehati kate diꞌatamu iagho ka ghehati ginauna.

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Hibru 10:27

U naikno tuana ginauna ofo balu mhaghu, naugna mana laseni God ginauna fateni mana. Naikno te tirodi fanomho ka chekegna God na ginauna na gnubra ka khaꞌaghi.

Nodi Khoje Hatimare Mae Jiu 50:22

“Ghotilo naikno te ghatho iho ghau iara ra, ghotilo fanomho fakeli ka gobigna lepo igre. Te theo ghotilo na, iara ginauna na fadidiꞌa ghami ghotilo, eghuteuna ginauna na theo kaisei mae te nabagna te mala fakarhi ghami ghotilo na.

Luku 21:11

Ginauna nakheu biꞌo, fogra biꞌo ba keha puhi biꞌo ka namono te kmana gre. Jare naiknodi keha namonore ginauna na theo gano te mala ima na. Kmana glepo mamhaghuana, nei kmana fagaglana te biꞌo eghu ginauna na kafe mei funu kligna.

Profet Isaia 19:16

Ka narane tuana, naiknodi Ijep ginauna mhaghu jateula gaꞌase eghu kolho. Mare ginauna mhaghuni Lord mae ihei te au nolaghi fateote'o igne, naugna mana ginauna ngafa haghe khamegna na mala paradi mare.

Mae Khuru 13:11

Eghume gognaro na Lord na fate nigho iagho, eghuteuna iagho ginauna na dofu. Katha vido iagho ginauna na theome filoni u naprai na.” Phei tathagna mae Bajisas re ghosei ne romno soru. Aonu mana ne nolo tafri fariuriu ludeni kaisei naikno mala faloku khameni tei.

Fapea Korin 5:11

Naugna igne ghehati tangomana te thofno ghatho tahuni Lord, nei fariuriu mala toghodi naiknore mala fatutuanidi nomi chekere eigna thofno karha. God na lase ghami farahi ghehati, eghuteuna te ghathoni iara na ghotilo jaola lase ghami fara ghehati.

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!