Hibru 10:29 - Buka Blahi Ka Cheke Holo

²⁹ Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Hibru 10:29 ပူးပေါင်းရင်းမြစ်များ

Hibru 6:6

Eghuteuna jame te figri tagru nihi mare mae Kraes na, theome tangomana hila teke atha fapulodi teke mala tughu nakarha na. Naugna mare jateula fapea tupijuruni eghu Thugna God na ke kligna gaju fafatha, nei famamajani ke uludi keha naiknore.

Efesus 4:30

Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.

Ululahu Korin 11:27

Eghume jame ihei te ima bret igne nei koꞌu ka nogna hinao Lord teu ka nagnafa te theome nabagna na, God ginauna na fateni mana naugna mana ne lausasaba thinigna nei dadaragna teu noda Lord na.

Luku 12:10

Eghuteuna ihei te cheke fapari ghau iara mae teke mei funu ka God, God tangomana te hata fadeleidi nakhibogna mana re. Nu ihei te cheke fadiꞌani nogna gloku Tharunga te Blahi na, God ginauna theome hata fadeleidi nakhibogna mana re.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Mae Khuru 7:51

Mae Stivin tudu ne cheke eghu, “Icho idomi, ghotilo mae mala baubatu gre pha'umire thono romno fara. Eghuteuna nagnafami ghotilo re jateula naikno bongihehe eghu, eghuteuna ghotilo tiromi fara te fanomho ka chekegna God na. Leuleghu fata na ghotilo huhughuni fara mae Tharunga te Blahi na jateula mae ku'emi tifa ra eghu.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Hibru 9:13

Tifa na mare neke atha u dadara nanigot nei buluka, nei nakrofugna sua buluka teke fafara mare re. Aonu mare fuafusa ke klignadi naikno te theome gae mala klino ke ulugna God.

Ululahu Korin 11:29

Eigna jame ihei te ima bret igne nei koꞌu hinao igne teu nu theome filo glanini thinigna Lord te blahi na teuna, God ginauna fateni mana.

Hibru 6:4

Naugna keha naikno khiloaure theome tangomana te hogri nagnafa teke figri ka mae Kraes na. Kaisei fata mare neke auhi ka naphaegna God. Mare jaola hatahi unha teke tusu mei God funugna kligna nei mae Tharunga te Blahi la auhi ke lamnadi.

Hibru 2:11

Tutuani fara, mae ihei te faklinodi naiknore ke ulugna God nei naikno te klinore eghu God ngala Kmadi na. Naugna igne mae Jisas ne keli tagna te kilo ghita thabusigna thegna.

Jone 17:19

Iara na fablahi ghau thegu mala loku ranghi nigho iagho, mala tangomana langau mare te thofno blahi fara te mala loku ranghi nigho iagho na.”

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Jone 10:36

Eghuteuna ka unha gne site ne cheke faparini iara mae Mama teuni ghotilo gnea? Ba, naugna te cheke eghu iara, ‘Iara Thugna God’ teu iara gne? God vahi ghau iara neke kuru mei ghau iara kau nauthoglu gne.

Profet Maeka 7:10

Ka narane tuana, naokare ginauna filodi glepo igre, eghuteuna mare ginauna mamaja fara. Mare mamaja naugna tifa na, mare neke maꞌe eghu ghita, “Ahevau Lord na, nomi God ghotilo ia?” Ghotilo ginauna filoni Lord na uludi nei tapla ka mare, jateula mae ihei te nolo ka nabrou ke lamna chopu ra eghu.

Profet Isaia 14:19

Nu iagho na theo. Mare ginauna theome giugilu thinimu iagho na, nu mare na koko tei kolho thinimu iagho na mala boto jateula chara eghu. Ke kligna thinimu iagho na, mare ginauna koko thinidi mae soldia teke lehe balumu iagho ka magra ra. Eghuteuna naiknore ginauna tapla ke klignami ghotilo.

Fapea Kings 9:33

Aonu mae Jehu ne eha eghu ka mare, “Ghotilo koko soru mei pari agne naikno biꞌo tuana!” Aonu mare tei ne lolhoku ne koko soruni naꞌa pari ka glose na, eghuteuna dadara gna naꞌa re ne sridi tafri ka gringni gna suga na, nei jaola ka hose nei chariot eghu te saghe mae Jehu te tei ke kligna gna thinigna naꞌa na.

Hibru 9:20

Kate fuafusa te gnafa ke klignadi u dadara na, mana ne cheke eghu, “U dadara igne mala farerheta gna u nhaꞌa cheke teke eni God mala leghuni ghotilo teku ia.”

Ululahu Korin 15:25

Eigna Kraes ginauna mala funei frunidi gobigna lepore ghilei thokeni narane God nate lisei soru nogna naoka Kraes re ke parigna nogna nolaghi na.

Letas Teke Riso Tei Mae Pol Ka Khiloau Rom 16:20

Ginauna theome raugha, God mae ihei te tusu lao pharikeli ka nogna naiknore ginauna togho ghami ghotilo mala tapla soruni mae Satan. Iara tarai ka noda Lord Jisas Kraes mala falalase ranghi ghami khokofakasai na tifa tifa.

Matiu 26:28

Waen igne dadaragu iara, farerhetagna nhaꞌa cheke majaghani te eni God ka nogna naiknore. Dadara igne thofa mala fakarhidi naikno kmana, mala hata fadelei God nakhibodi re.

Lamentations 1:15

“Funei igne tirognadi nogu mae nheta iara re. Mana kuru mei naoka mala goigonidi nogu mae majaghani iara re. Eghuteuna mana kina ngujadi nogu naikno iara re jateula mae te kina ngujadi sisi grep te mala eꞌei waen ra neu.

Profet Isaia 28:3

Mae igne ginauna mei goigoni fahui gobigna lepo te fahaehaghedi fara mae mala baubatu igre. Uve, na jateula kaisei mae te tapla reureku khepi nafnakno teke hohoro ka flaoa ra eghu.

Nodi Khoje Hatimare Mae Jiu 143:10

Iagho nogu God iara, farirhiu ghau iara sagho mala unha te magnahaghedi iagho re. Kokhoni ghau nei baubatu ghau eghu ka nabrou te karha.

Ululahu Korin 15:27

Naugna grioriso te blahi na cheke eghu, “God lisei soru glepo te gnafare ke parigna nogna nolaghi thegna na.” Kate chekeni “glepo te gnafare” lilisei ke parigna mana teu igne, thono glola fara eigna God theome cheke eigna te lisei soruni thegna na. Theo. Nu God thegna ngala teke tusu lao nolaghi igne ka Kraes te mala funei frunidi gobigna lepore. Ke leghugna God te lisei sorudi gobigna lepore ke parigna nogna nolaghi mae Thugna na, Kraes ginauna lisei soruni thegna ke parigna nogna nolaghi God. Eghume, God ngala te au nolaghi biꞌo te mala funei frunidi gobigna lepore.

Profet Esikiel 16:6

“ ‘Aonu iara Lord neke tei salaꞌu ka vido igne, eghuteuna iara filo nigho iagho te fariuriu fara te mala tugha falamna ka dadara teke jifla mei balumu kani teke karha meimu na. Dadara igne neke toku tafru nigho iagho, nu iara neke theome snakre nigho iagho te lehe na.

Profet Jeremaea 1:5

“Jeremaea, kani au teku iagho ka thiꞌagna idomu na, iara neke lase nighohi. Theome karha nga teku iagho na, iara neke vahi nigho iagho mala nogu mae profet iara. Iagho mala toutonuni chekegu iara na ka kantri te gnafa ka nauthoglu igne.”

Nodi Khoje Hatimare Mae Jiu 91:13

Iagho ginauna tapla ke klignadi lion, nei mogo te faghughumhu. Uve, neubane eghu ngau na theo kaisei glepo te diꞌa nate thoke nigho iagho na.

Eksodas 24:8

Aonu mae Moses ne atha dadara te au ka dis na igre ne fuafusa ke klignadi naiknore, ne cheke eghu, “Igne u dadara te mala farerhetagna u nhaꞌa cheke te eni Lord balumi ghotilo gognaro igne.”

Profet Daniel 8:13

Iara ne nomhini kaisei engel ne ghusna eghu ka keha engel na, “Niha nau gnafadire gobigna lepo te fakakhana God ka mifi na igre? Niha nau gnafadire puhi te diꞌa te tughu fabrahu nodi fafara nogna naikno God igre? Niha fata tapla fabrahu ke klignadi nogna naikno God igre balugna Sugablahi igne si hona ikoi ignea?”

Nonomho Te Keli Teke Risoi Mae Mak 7:2

Mare ne filodi keha nogna mae fanomho mae Jisas te ghamu gano ka khame te theome gae re. Theome gae teu igne, gaoghathogna na mare theome titihi khamedire leghuni vetula te magnahagheni mae Farasi gre.

Ululahu Korin 6:11

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.

Efesus 5:26

Mana neke eni igne mala fablahini nei mala tihi fagaeni eghu khiloau na ka khoꞌu nei ka chekegna.

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.

Hibru 10:10

Mae Jisas Kraes ne eni unha te magnahagheni God na ne snakreni thinigna thegna na ne lehe kaisei fata ngala. Kate eni fafara mana igne, tahati ne klino ke ulugna God.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.