Hibru 10:27 - Buka Blahi Ka Cheke Holo

²⁷ U naikno tuana ginauna ofo balu mhaghu, naugna mana laseni God ginauna fateni mana. Naikno te tirodi fanomho ka chekegna God na ginauna na gnubra ka khaꞌaghi.

Hibru 10:27 ပူးပေါင်းရင်းမြစ်များ

Profet Isaia 26:11

LORD! Iagho ghae haghehi khamemu na paradi mare, nu mare theome tangomana kolho te filo glani na. Falase ranghidi sagho puhimu iagho te ghatho tahudi nou naiknore igne, mala mamaja nodi naikno te leghudi puhi te diꞌa igre. Eghuteuna iagho mala gahudi ka khaꞌaghi teke kulu tarabanahi iagho maladi nou naoka re teku ia.

Hibru 2:3

Eghume, te theome ghatho tahuni tahati chekegna God te mala thofno fakarhi ghita na, tahati theome tangomana te fafraini glehe na. Thegna Lord neke kulu cheke eigna u karha igne. Eghuteuna iheire teke thofno nomhini ka thegna mana u cheke igne, mare fatutuani neke cheke eghu ka ghehati, “Thono tuani fara.”

Profet Sefanaea 1:18

Ka Narane te diꞌatagna God igne, silva nei gol teu igre ginauna theome tangomana nate toghodi mare na. Naugna diꞌatagna God igne thofno brana fara jateula khaꞌaghi te brana te nhako fahui namhata biꞌo ra eghu. Eghume diꞌatagna God igne ginauna na jateula tuana eghu na falehedi hui naikno te gnafa ka nauthoglu igne.”

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Matiu 13:50

Engel igre ginauna na koko laodi naikno te diꞌa igre ke lamnagna khaꞌaghi biꞌo te brana fara tuana. Ka vido tuana naiknore ginauna papara fara jare balu tanhi nei diꞌanagnafa fara eghu.”

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Profet Nahum 1:2

Lord ngala God na, theo ihei nga, eghuteuna mana theome magnahagheni ihei ka nogna naiknore te tufru soru ka mumuju god. Mana diꞌatagna fara ka iheire te theome leghudi nogna cheke mana re. Naugna igne, mana ginauna paradi nafnata naikno igre.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Matiu 13:42

Engel igre ginauna koko lao nafnata naikno igre ke lamnagna khaꞌaghi biꞌo te brana fara. Mare ginauna papara fara jare balu tanhi nei diꞌanagnafa eghu.

Matiu 3:12

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fofota gano te kelire ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Matiu 3:10

Nu gognarona God tarabana mala fate naikno jateula kaisei mae te au khila te mala kato soru gaju ra teuna la kulu auhi ka glathigna gaju na. Eghume, mana ginauna kato soru gaju te theo sisidi igre mala koko lao ka khaꞌaghi.

Profet Malakai 4:1

Lord ne cheke eghu, “Nogu narane iara te mala fatedi naiknore ginauna mei jateula khaꞌaghi eghu. Naikno te cheke fahaehaghe, nei naikno te diꞌa puhidire teu igre ginauna jateula gaju te gnagha te brusu khaklagnare ra eghu. Eghuteuna ka narane tuana naikno igre ginauna nhako fahui ka khaꞌaghi.

Profet Sefanaea 3:8

Aonu Lord ne cheke eghu, “Ghotilo ofoni kolho Narane nate fatedi iara naiknodi soasopaigna kantri igre. Naugna, iara diꞌatagu fara ka naikno igre. Eghuteuna gaoghatho te mala salo meidi naikno igre te mala paradi re la auhi ka nagnafagu iara na. Eghume, diꞌatagu iara igne ginauna brana fara salaꞌui jateula khaꞌaghi eghu, eghuteuna iara ginauna roꞌe fahuidi nodi namono te gnafa mare are.

Profet Joel 2:30

Ka narane tuana, iara ginauna edi keha fagaglana biꞌo ka maloa kligna nei ka nauthoglu pari igne. Uve, dadara, khaꞌaghi nei gagahu eghu ginauna thakle mei.

Profet Hosia 10:8

Vido blahi te mala tarai mare ka mumuju Bet-Aven igre ginauna groꞌe theo tokadi, eghuteuna olta te au ka vido blahi tuana ginauna thafru ka soro nei ka phono eghu. Eghuteuna iheire te magnahaghei te tei porure, mare ginauna na cheke eghu ka thogelere, “Mei toku tafru ghami!” Eghuteuna cheke eghu ka gukhure, “Soru mei ke klignami!”

Profet Daniel 5:6

King Belsasa filoni igne ne mhaghu nogna fara. Tathagna nei foflogna teu manare ne tughu, eghuteuna mana theome tangomana te kegra haghe na. Naugna thinigna na ne glaꞌe soru.

Profet Esikiel 38:19

Uve, naugna te thono diꞌatagu fara iara igne, iara na nhaꞌa cheke: Tutuani fara ka narane tuana kaisei nakheu biꞌo na ngalini Israel.

Profet Esikiel 36:5

Uve, Lord God neke cheke eghu: Diꞌatagu iara ka kantri Idom baludi keha kantri te au faligoho ghami ghotilo igre brana jateula khaꞌaghi eghu. Uve, iara thono diꞌatagu fara, naugna kate mei mae naoka gre te goigonidi nogu naikno iara re, kantri igre glealeꞌa fara te hata nogu namono iara na.

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Nodi Khoje Hatimare Mae Jiu 21:9

Kate thakle mei iagho na, iagho ginauna na fahuidi jateula gnognofi te nhako fahui ka khaꞌaghira eghudi kolho. Tutuani fara, Lord, iagho diꞌatamudi fara na eni kaisei khaꞌaghi biꞌo mala nako fahuidi.

Diutronomi 32:43

“Ghotilo te gnafa klignara, ghotilo mala glealeꞌa balugna Lord. Ghotilo god te gnafa ra, ghotilo pogho soru ka mana. Lord ginauna nake tughu fapulo glehedi goro thugna mana ra. Nu ginauna mana hata fadelei nakhibodi nogna naiknore, eghuteuna nodi glose re ginauna na klino ka tathagna mana.”

Naba 16:35

Aonu Lord ne famei khaꞌaghi na ne nako fahui phei gobi glimafulu mae teke tufa insens.

Luku 23:30

Aonu naiknore ginauna eha eghu fabiꞌo ka thogele na, ‘Khoko soru ke klignami ghehati’, ba cheke eghu ka gukhu na, ‘Tatafru ghami ghehati!’

Luku 21:26

Gobigna lepo ka maloa gne ginauna kheu tongana ba nhogri. Naugna igne, naiknore ginauna mhaghu fara ghilei fnuda. Mare ginauna faꞌihodi ka ofoni teu unha nate eni ka nauthoglu tongana igne.

Luku 19:27

Eghuteuna, nogu mae naoka iara te theome magnahaghei ghau iara te funei frunidire, hata mei agne mala falelehe ke ulugu iara.’ ”

Luku 16:24

Mana ne eha eghu ka mae Ebraham, ‘Mama Ebraham! Kokhoni ghau iara! Kuru meini mae Lasaros mala titihi geghesugna na ka khoꞌu mala farifuni glapigu gne. Naugna iara la para ghau fara ke lamnagna khaꞌaghi igne!’

Ululahu Samuel 2:25

Jame mae ihei te eni puhi te diꞌa na ranghini keha mae na, Lord ginauna tangomana te toghoni mana mala fadoglini nakhibogna mana na. Nu jame mae ihei te eni puhi te diꞌa ranghini Lord na, ihei gne nate tangomana te toghoni mana na?” Neuba, phiamare theome fanomho ka nogna cheke mae kmadi na, naugna Lord la kulu ghathonihi te mala falehedi phiamare na.

Jone 5:29

Aonu mare ginauna kafe jifla mei ka bekudire. Iheire teke edi koba gloku te keli tifa re mare ginauna karha fabrahu. Nu iheire teke edi koba glepo te diꞌare mare ginauna au papara fabrahu.