Hibru 10:26 - Buka Blahi Ka Cheke Holo

²⁶ Tahati mala edi glepo igre, naugna tahati lasedi glepo te tutuanire. Eghume ihei te heta ka puhi te diꞌa na, ginauna theo kaisei fafara te tangomana nate atha kokodi nakhibognare.

Hibru 10:26 ပူးပေါင်းရင်းမြစ်များ

Jone 9:41

Mae Jisas ne cheke eghu ka mare, “Te dofu tutuani ghotilo na, ghotilo jame theome jafra. Nu te chekeni ghotilo na, ‘Ghehati la lasenihi u tutuani na teuna!’ Tuana ngala gaoghathogna te chekeni iara ne jafra fara ghotilo teuna.”

Luku 12:47

Mae gloku te laseni unha te magnahagheni nogna mae funei na, nu theome tarabana ba theome eni unha te magnahagheni mana teuna, mae funei igne ginauna parani fara mana.

Jemes 4:17

Eghume mae ihei laseni teu ngala unha te keli na nu theome eni teuna, mae tuana loku jafra ke ulugna God.

Ululahu Jone 5:16

Jame kaisei naikno ka ghotilo filoni mae kheragna fofodu ka khiloau na tapla jafra ka nakhibo te theome nabagna te mala au ka glehe fei tifa na, tarai ka God eigna mae kheragna fofodu ka khiloau te tapla jafra ka nakhibo tuana. Eghuteuna God ginauna na tusu ranghini u karha. Iara cheke eidi naikno te tapla jafra ka nakhibo te theome nabagna te mala au ka glehe fei tifa na. Nu jare kaisei nafnata nakhibo nabagna te mala au ka glehe fei tifa na, eghuteuna iara theome chekeni ka ghotilo mala tarai ka God eigna nafnata nakhibo tuana.

Fapea Tesalonika 2:10

Mana ginauna edi kmana nafnata muamugna te diꞌa mala chaghidi iheire mala lehe theome hatani u thofno nakarha na. Mare ginauna lehe naugna mare ne tirodi namhani nei leghuni cheke te tutuani eigna Lord, mae ihei te tangomana te fakarhidi.

Jone 13:17

Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.

Ululahu Timoti 1:13

Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Diutronomi 17:12

Ihei te theome magnahaghedi nei cheke fadiꞌadi teu unha te chekedi nogna mae mala fate ba nogna mae pris Lord nomi God ghotilo igre mala lehe. Igne unha te mala eni ghotilo na te mala hata fadelei puhi te diꞌa igne ka namonomi ghotilo re.

Levitikas 4:2

mala tei cheke eghu mana ka naiknodi Israel, “Jame kaisei naikno eni kaisei najafra, glepo igne mana neke theome ghathoni mala eni teku na, nu mana huhughuni nogna vetula Lord na, te eghuna mana fafara leghuni unha te chekeni iara na.”

Levitikas 4:13

“Jame mae lida igre huhughuni nogu vetula iara na eigna mare neke theome ghathoni te mala eni na, nu naiknore theome laseni teuna, ghotilo te gnafa na kafe jafra ka tathagu iara na.

Ululahu Samuel 2:25

Jame mae ihei te eni puhi te diꞌa na ranghini keha mae na, Lord ginauna tangomana te toghoni mana mala fadoglini nakhibogna mana na. Nu jame mae ihei te eni puhi te diꞌa ranghini Lord na, ihei gne nate tangomana te toghoni mana na?” Neuba, phiamare theome fanomho ka nogna cheke mae kmadi na, naugna Lord la kulu ghathonihi te mala falehedi phiamare na.

Ululahu Timoti 2:4

God magnahaghedi naikno te gnafare mala athini karha fei tifa na nei mala laseni u Nonomho te Keli te tutuani na.