Hibru 10:25 - Buka Blahi Ka Cheke Holo

²⁵ Thosei babaꞌo ka puhi salofodu nei tharai, neuba ne thodohi keha naiknore. Tahati fari fahetai mala kegra maku, tulao, naugna u narane mala ke pulo meigna Lord na la namohi!

Hibru 10:25 ပူးပေါင်းရင်းမြစ်များ

Mae Khuru 2:42

Eghuteuna naikno igre ne keli tadi fara ne fanomho fabrahu ka nodi farirhiu hatimare mae khuru, nei mala toghodi mare ka nodi tothoghei thedi na, nei ghamu fodu, nei tarai fodu.

Matiu 18:20

Igne tutuani fara, naugna jame phei ba thiloi naikno te salo fodu mei naugna mare te nogu mae gloku iara na, iara na au jare baludi mare.”

Ululahu Tesalonika 5:11

Eghume fari totoghoi nei fari faheahetai, jateu te eni ghotilo gognaro gne eghu.

Hibru 3:13

Nu fari totoghoi leghu narane. Eni igne gognaro kani au nomi narane ngau ghotilo, mala theo kaisei naikno te dofu nei meglini eghu naoglagna God na ka nogna chaichaghi mae Satan, mae ihei te batudi nagnafada ka nakhibo.

Hibru 10:24

Tahati mala ghaoghathodi koba unha te mala faheta ghita theda kau namha nei gloku te keli.

Ululahu Korin 5:4

Tutuani, iara fateni mae tuana ka nanghagna Jisas noda Lord. Kate salo fodu ghotilo na, gaoghathogu iara na au balumi ghotilo, ka nogna nolaghi Jisas noda Lord.

Ululahu Tesalonika 4:18

Eghume fari totoghoi ka cheke igre.

Mae Khuru 2:1

Kate thokeni narane Pentekos na, mare ne kafe au fodu neu kaisei vido.

Mae Khuru 20:7

Ka grafi Sarere ghehati salo fodu mala tarai nei ima fodu. Mae Pol ne cheke fabrahu ranghidi naikno khiloau re ne ghilei farihotei bongi, naugna mana magnahaghei teke jifla keha narane. Eghume igne nogna toutonu leghu lahu mana ranghidi naikno khiloau igre.

Ululahu Korin 14:3

Nu ihei te toutonuni chekegna God na, mana ne cheke ka naiknore. Mana toghodi naiknore mala nheta nodi fatutuani na ka Lord balu fabrabrana nei fameomego.

Letas Teke Riso Tei Mae Pol Ka Khiloau Rom 12:8

Jame te hata tahati u khokofakasai te mala fakeli nagnafadi naiknore, tahati mala eni tuana. Eghuteuna jame te hata tahati u khokofakasai te mala toghodi naiknore ka thua nafnata glepo na, tahati mala eni tuana ka puhi te keli. Jame te hata tahati u khokofakasai te mala batudi naiknore, tahati mala loku brana ranghidi. Eghuteuna jame te hata tahati u khokofakasai te mala kokhonidi nei keli ranghidi teu naiknore, tahati mala eni tuana balu gleale'a.

Filipae 4:5

Kafe lolokelidi naikno te gnafare, naugna Lord na la namo meihi.

Fapea Pita 3:9

Keha naiknore ka gaoghathodire ne cheke eghu agne, “Tore, noda Lord gne theome leghuni kolho nogna nhaꞌa cheke na!” Nu Lord na theome jateula tuana eghu, naugna mana theome magnahagheni kaisei naikno te au ka glehe fei tifa na, nu mana magnahaghedi naikno te gnafa te mala tughu nagnafa mala ke figri mei ka mana. Eghume mana sasaꞌa te ofo ghami teu ghotilo na.

Jemes 5:8

Eghume, jateula tuana eghu ghotilo au kmu ofou. Thosei nanga nomi naugna noda Lord na kela namo pulo meihi.

Ululahu Korin 14:23

Jame kaisei naikno khiloau majaghani ba ihei te theome fatutuani nga teu te mei fodu balumi ghotilo naikno khiloau gre. Eghuteuna mana nomhi ghami ghotilo te hui te cheke ka keha nafnata chekei kolho na, ka gaoghathogna mana na ghotilo meomekro kolho.

Letas Teke Rioriso Mae Jud 1:19

Igre mae iheire te mala paꞌeni khiloau na. Naugna mae igre leghudi kolho nodi gaoghatho thedire, eghuteuna mae Tharunga te Blahi na theome au ka mare.

Fapea Pita 3:14

Uve kheraguro, kate ofoni teu ghotilo narane tuana, hatini nhetami na mala au ka pharikeli balugna God. Nakarhami ghotilo re mala keli fara, eghuteuna ghotilo mala doglo fara ke ulugna mana.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Fapea Pita 3:11

Eghume gobigna lepo ka nauthoglu gne ginauna groꞌe dofidi, na unha nafnata naikno ghotilo gognaro na? Ghotilo mala au blahi nei au ka nafnata nakarha te magnahagheni God.

Ululahu Korin 11:20

Nu kate khapru na, ghotilo theome mei mala imani thofno nogna gaghamu Lord na.

Ululahu Korin 3:13

Eghuteuna ka narane leghu lahu nate mei fate Kraes na nodi gloku naikno te gnafare ginauna na kakhana unha te keli ba unha te diꞌa. Naugna kau narane tuana nogna khaꞌaghi God na ginauna fariuriudi nodi gloku naikno te gnafare mala laseni te keli ba te diꞌa na.

Mae Khuru 16:16

Kaisei narane kate tei ghehati ka vido te mala tarai na, kaisei gaꞌase gloku mei ne deni ghami ghehati. Kaisei naitu na au ka gaꞌase tuana mala tangomana naꞌa te toutonudi glepo te theome thoke mei nga teure. Aonu nogna mae funei naꞌa re hata sileni biꞌo fara kate eni naꞌa tuana.

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Jone 12:48

Mae ihei te theome keli tagna ka iara, nei tirogna fanomho ka chekegu iara na teuna, kaisei glepo nate fateni mana na. Cheke te farirhiu iara igre na fateni mana kau narane leghu lahu na.

Hibru 10:37

Eni igne naugna grioriso te blahi na cheke eghu eigna igne, “Mae ihei nate mei na mana ginauna mei. Mana theome raugha.”

Hibru 13:22

Kheraguro, iara tore ghami ghotilo fara mala fanomho mei ka nogu farirhiu iara igre. Naugna letas teke rioriso iara igne theome brahu kolho.