Hibru 1:8 - Buka Blahi Ka Cheke Holo

⁸ Nu God neke cheke eghu agne eigna mae Thugna, “God, nou sape nafnakno iagho na au fabrahu tifa e tifa! Iagho ginauna na funei frunidi nou naiknore ka puhi te keli nei doglo.

Hibru 1:8 ပူးပေါင်းရင်းမြစ်များ

Jone 10:30

Uve, ghepa mae Mama na kaisei ngala.”

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Nodi Khoje Hatimare Mae Jiu 145:13

Iaghou ngala mae King na, iagho mala funei fruni fabrahu tifa e tifa. Leuleghu fata na Lord na tajidi nogna nhaꞌa chekere nei ka gobigna lepo te edi mana re eghu mana falalase ka tahati te keli fara ranghi ghita na.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Ululahu Korin 15:25

Eigna Kraes ginauna mala funei frunidi gobigna lepore ghilei thokeni narane God nate lisei soru nogna naoka Kraes re ke parigna nogna nolaghi na.

Jone 20:28

Mae Tomas ne cheke eghu ka mana, “Tutuani fara, iagho nogu Lord nei nogu God!”

Profet Hosia 1:7

Nu iara ginauna kokhonidi naiknodi Juda igre mala toghodi. Iara nodi Lord God mare, eghuteuna iara ginauna fakarhidi. Theome ka naflahi, ka phaloho, ka jata, ba ka hose. Theo. Nu iara Lord, God mae ihei te au nolaghi fateote'o, iara ginauna fakarhidi.”

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Nodi Khoje Hatimare Mae Jiu 99:4

Iagho nomi King ghehati, eigna iagho ngala te au nolaghi na. Iagho leuleghu fata na magnahaghei puhi te doglo na. Eigna iagho themu ngala te tusu mei puhi te doglo igne mala fateni naiknogna kantri ghehati igne.

Diutronomi 2:37

Nu tahati neke theome tei ka nodi namono vikegna mae Amon, neubane ka Khoꞌu Jabok ba holo ka thogelero, naugna Lord, noda God tahati igne neke lhoti ghita tahati.”

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Jone 10:33

Hatimare ne cheke eghu ka mana, “Theo, ghehati theome romi fadi thina nigho eidi nou gloku te keli teke edi iagho re. Nu iagho ne chekedi glepo te faparini God re! Ghehati lase nigho iagho kaisei naikno kolho. Eghuteuna iagho ne magnahaghei nigho themu te nanaba ka God neu. Tuana site romi fadi thina nigho ghehati gnea.”

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Profet Jeremaea 38:15

Jeremaea ne cheke eghu ka mana, “King, jame te chekeni iara unha glepo te tutuani na, iagho ginauna falehe ghau iara. Eghuteuna jame te tusu ari iara famane cheke te mala togho nigho iagho na, iagho ginauna tirou fanomho.”

Profet Isaia 45:25

Iara Lord, iara ginauna toghodi iheire nate karha mei ka vikegna Israel mala leghuni puhi te doglo na, eghuteuna mare ginauna na thofno kilo fnakno ghau iara.

Nodi Khoje Hatimare Mae Jiu 72:7

Te keli na jame gobigna lepo ka kantri igne mala doglo ka narane te king mana na. Eghuteuna ghehati na au fabrahu ka nakarha te keli.

Diutronomi 7:14

Lord ginauna fablahi ghami ghotilo tulao ke klignadi keha naikno te gnafa ka nauthoglu igne. Eghume ghotilo te gnafa na, neubane nalhaꞌu ba gaꞌase ginauna au thugna. Eghuteuna glepo tautagu te gnafa igre ginauna jaola au thudi.

Fapea Pita 1:11

Eghuteuna God ginauna tangomana te thofno snakre ghami mala ruma ka nauthoglu majaghani te theo ka huigna. Ka nauthoglu igne noda Lord nei fakarhaida Jisas Kraes na King fabrahu tifa tifa.

Luku 1:75

Funu gognaro te ghilei lehe na, tahati ginauna na doglo nei blahi eghu fabrahu ke ulugna God.”