Hibru 1:11 - Buka Blahi Ka Cheke Holo

¹¹ Glepo igre ginauna na ari theo nafudi nu iagho ginauna na au fabrahu. Nauthoglu nei maloa teugre ginauna na diꞌa jateu pohe eghu.

Hibru 1:11 ပူးပေါင်းရင်းမြစ်များ

Profet Isaia 51:6

Ghotilo filo haghe kligna, eghuteuna ghotilo jaola filo ka nauthoglu igne. Maloa igne ginauna dofini jateula khoveo eghu, eghuteuna nauthoglu igne ginauna thono diꞌa fara jateula kaisei pohe te thona eghu. Eghuteuna naiknore ginauna kafe lehe jateula sisimi eghu. Nu puhigu iara te mala toghodi nei atha fapulodi teu naiknore ginauna theome gnafa.

Nonomho Te Keli Teke Risoi Mae Mak 13:31

Maloa ghe nauthoglu gre ginauna na hui kolho, nu chekegu iara na ginauna na theo ka huigna.”

Profet Isaia 34:4

Naprai, glaba, nei nathunu teu ka maloa na are ginauna dofidi, eghuteuna maloa gne ginauna pipiri jateula vido pepa eghu. Eghuteuna nathunure ginauna khoko soru funu kligna jateula khakla grep ba gaju fig te moja ra eghu.

Thakle 21:1

Ke leghu na, iara ne filoni kaisei nauthoglu majaghani balugna kaisei maloa majaghani, nu theo kaisei nhorora te au teu jare na. Eghuteuna nauthoglu balugna maloa teke kulu au ra ne dofidi.

Luku 21:33

Maloa ghe nauthoglu gre ginauna hui, nu chekegu iara na ginauna theo ka huigna.”

Matiu 24:35

Maloa ghe nauthoglu igre ginauna hui kolho, nu chekegu iara na ginauna na theo ka huigna.”

Hibru 12:27

Kate chekeni igne, “Kaisei fata ginauna iara nake fakheuni nauthoglu igne”, cheke igre fathakleni ka tahati God ginauna jaola hata fadelei gobigna lepo teke kulu vuavuha mana gre. Eigna glepo teke vuavuha mana igre ginauna kheu. Aonu glepo kligna te theome tangomana kaisei naikno te fakheudire na au fabrahu.

Profet Isaia 65:17

Lord ne cheke eghu, “Iara ginauna horo maloa majaghani nei nauthoglu majaghani. Gobigna lepo teke edi tifa ra, naiknore ginauna ghatho ihodihi.

Nodi Khoje Hatimare Mae Jiu 90:2

Tifa na kani theome vuavuha nga teku iagho nauthoglu igne nei theome vuavuha teku thogele igre teku na, iagho neke kulu au nekuhi. Iagho na God ngala funu tifa, gognaro gne nei nathuꞌu nauriha eghu tifa tifa.

Nodi Khoje Hatimare Mae Jiu 10:16

God ginauna mala king fabrahu tifa e tifa. Mana ginauna na brue fadeleidi naikno bongihehe te au ka nauthoglu igne mala luvu fabrahu mare tifa e tifa.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Thakle 2:8

Mae igne ne cheke eghu ka iara, “Iagho rioriso kaisei letas ranghini engel gna khiloau Smana, eghuteuna iagho cheke eghu ka mana: Igne nogu cheke iara mae ihei te kulu au neke vuavuha nga gobigna lepore nei au fabrahu kate ari te gnafadi gobigna lepore. Tutuani, tifa na iara neke lehehi, nu gognaro na iara kela karha fapulo.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Profet Isaia 50:9

Lord God ginauna togho ghau iara. Theo kaisei naikno tangomana te chekeni ne jafra iara teuna. Ihei te cheke fapari ghau iara na ginauna theo nafugna, jateula pohe te ghamu fahui gnata ia eghu kolho.”

Profet Isaia 41:4

Ihei teke edi teke thoke mei glepo igre? Ihei teke ghathodi glepo igre tifa kani teke vuavuhagna nauthoglu igne? Iara Lord neke kulu auhi neke vuavuha nga gobigna lepo igre, eghuteuna iara ginauna au ka narane nate ari te gnafadi gobigna lepo fateote'o igre.”

Nodi Khoje Hatimare Mae Jiu 29:10

Lord na gnokro ka nogna sape nafnakno na mala funei fruni nhorora na fabrahu tifa e tifa.

Profet Isaia 51:8

Naiknore ginauna dofidi jateula pohe thona te ghamu khokorosi ra eghu. Nu puhigu iara te doglo te mala toghodi nei atha fapulodi teu naiknore ginauna au fabrahu tifa tifa.”

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Nodi Khoje Hatimare Mae Jiu 102:26

Gobigna lepo igre ginau hui, nu iagho themu ngala nate au fabrahu na. Uve, gobigna lepo igre ginauna na theome raugha diꞌa jateula pohe tiatifa te koko teke tughu kate majaghani ra eghu.

Hibru 8:13

Tahati laseni glepo te tiatifa na theo kaisei nogna gloku eghuteuna ginauna theome raugha dofini. God jateula tuana eghu kate eni u nhaꞌa cheke majaghani igne. Tuani fara, mana neke nhaꞌa fadelei u nhaꞌa cheke te tiatifa na jateula glepo te tiatifa ba te thona.