Galesia 6:9 - Buka Blahi Ka Cheke Holo

⁹ Eghume tahati thosei babaꞌo kate eni unha te keli na. Jame te theome lilisei tahati unha teke edire, tahati ginauna tangomana te hata glepo te keli teke kulu tarabanahi ka thofno narane gna na.

Galesia 6:9 ပူးပေါင်းရင်းမြစ်များ

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Fapea Tesalonika 3:13

Nu ghotilo kheraguro, thosei babaꞌo eigna te eni gloku te keli na.

Hibru 12:3

Ghathoni mae Jisas. Mana au nheta ne snakreni thegna ka khamedi naikno te fodu ka nakhibore mala parani. Jateula tuana eghu ghotilo thosei nigra, nei thosei blogho ka nomi fatutuani na.

Ululahu Pita 2:15

Naugna God magnahaghe ghami ghotilo te leghuni koba puhi te doglo na, eghuteuna ghotilo tangomana te fakmudi iheire te cheke fadiꞌa eimi ghotilo. Tutuani fara, mae igre theome laseni u nabrou te doglo na.

Jemes 5:7

Kheraguro, thosei babaꞌo, ghotilo au kmu ofou ke ghilei pulo mei noda Lord. Ghathoni si ghotilo mae te loku ka nagare ia. Kate joꞌu te gnafa nagare na, mana na ofoni meigna nakhete na mala kotu ganore.

Ululahu Pita 3:17

Jame teke gaoghathogna God te mala au papara tahati eidi glepo te keli teke edi tahati igre na, tuana keli kolho. Nu thono diꞌa fara jame te au papara tahati na naugna te eni tahati unha te theome doglo na.

Fapea Korin 4:16

Naugna igne ghehati theome nigra ka gloku na. Neuba thinimi gre ne thoghei ne diꞌa nei nigra neu ne tei ngau, tharungamire majaghani fabrahu leuleghu narane.

Thakle 2:3

Iara jaola lase ghami ghotilo te thofno kegra heta na, nei theome ke blela, neuba naiknore ne para ghami naugna ghotilo ne leghu ghau iara.

Ululahu Pita 4:19

Naugna igne, naikno te magnahaghedi God te mala au papara tulao eigna nodi gloku te keli ranghidi keha naiknore, snakre lao nakarhadire ka khamegna God. Naugna God neke vuavuhadi, mana theome tangomana te ghatho ihoni nogna nhaꞌa cheke te mala reireghidire.

Luku 18:1

Kaisei narane ke leghugna igne, mae Jisas ne toutonu ka nogna mae fanomhore kaisei cheke naba mala theome babaꞌo mare nu mala tarai fabrahu eghu.

Matiu 10:22

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna fakarhidi iheire te au famaku ka nodi fatutuani na ghilei thokeni narane te gnafa gna naꞌau papara na.

Fapea Korin 4:1

God kokhoni ghami ghehati neke tusu mei gloku blahi igne, eghume ghehati theome tangomana te babaꞌo ka gloku igne na.

Matiu 24:13

Nu God ginauna fakarhidi iheire te au famaku ka nodi fatutuani na te ghilei thokeni narane leghu lahu gna naꞌau papara na.

Levitikas 26:4

iara ginauna kuru mei nakhete malami ghotilo ka thofno narane gna na, mala tangomana ghotilo te au ghemi kmana gano ka nomi glose ghotilo re, eghuteuna nomi gaju ghotilo re tangomana jaola te au kmana sisi na.

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Diutronomi 11:14

jame te eghu ghotilo na, mana ginauna kuru mei nakhete ka nomi glose ghotilo gne ka thofno naranegna na. Uve, famane nakhete ginauna mei ka narane te mala kaikaliti joꞌu nagare, nei ka narane mala famane kotu gano. Ka puhi jateula igne teuna ghotilo ginauna au ghemi kmana gano, nei waen, nei oel mala kuki.

Thakle 2:17

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghuni fabrahu mae Kraes te ghilei lehe na, iara ginauna tusu ranghini mana u gano te kiloni ‘manna’ mala ghamu. Naiknore neke pophoru ‘manna’ igne tifa na. Eghuteuna iara ginauna jaola tusu ranghini kaisei thina vegha te rioriso kaisei nangha majaghani tagna. Nangha majaghani igne, theo kaisei naikno te laseni, nu mae ihei te hatini thina igne ngala te laseni u nangha igne na.”

Nodi Khoje Hatimare Mae Jiu 145:15

Lord God, gobigna lepo te karha gre filo ari ka iagho, eghuteuna iagho tusu ranghidi gano ka vido te rofo na.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Profet Sefanaea 3:16

Ka Narane tuana, naiknore ginauna cheke eghu ranghini Jerusalem, “Iagho namono Saion, thosei mhaghuni kaisei glepo. Thosei snakreni namhaghu na faglaꞌe nigho.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Efesus 3:13

Eghume iara magnahaghei te cheke faheta fara ka ghotilo, thosei glaꞌe kate filo ghau iara te au papara eimi ghotilo gne, naugna iara eni igne mala togho ghami ghotilo.

Nodi Khoje Hatimare Mae Jiu 104:27

Kate rofo na, glepo igre filo ari ka iagho te mala fei ghedi na.

Hibru 12:5

Eghuteuna, ghotilo neke la ghatho ihonihi nogna cheke farerheta God teke eni ka ghotilo goro thugna ra. Mana ne cheke eghu, “Thuguo, thosei jateula glepo te theo nafudi eghu kate para ghami God na. Kate cheke fabiꞌo tamu eidi nakhibomure, farerheta nagnafamu na.

Profet Malakai 1:13

Ghotilo cheke eghu koba, ‘Ghehati hongo ghami kate edi koba glepo igre!’ Uve, nafnata cheke te eni ghotilo igne jateula te kmisu mei ka tathagu nei foflogu teu iara gre eghu. Leuleghu fata na ghotilo atha mei koba ka iara buluka teke blau, te lehe gahedi, te au fogra tadi teu igre mala fafara ka iara. Ba? Ne magnahaghedi iara nafnata fafara tuare neu si ghotilo ia? Thono theo fara!

Nodi Khoje Hatimare Mae Jiu 126:5

Iheire te diꞌanagnafa balu taitanhi kate jo'u sisi teu ka nagare na, mare ginauna glealeꞌa fara ka vido te pulei posa gna mare gano na.

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Eklesiasti 11:1

Te keli na iagho tufa glepo kmana ka keha naiknore, naugna ke leghu na iagho ginauna hata taba te keli.

Profet Jeremaea 45:3

Naugna iagho neke cheke eghu, ‘Iara thofno diꞌa nagnafagu fara, naugna Lord ne ei puhi biꞌo ranghi ghau iara fabrahu! Iara gne la ghilei babaꞌo, naugna naꞌau papara te eni iara igne theome gnafa.’

Fapea Korin 9:6

Ghathoni igne, ihei te theome joꞌu fakmana na, mana ginauna theome hata kmana gano kolho. Ihei te joꞌu fakmana na, mana ginauna jaola hata kmana gano.

Jenesis 29:7

Mae Jekop ne cheke eghu ka mare, “Tore, gognaro gne naublathau kolho, theome naba te mala hata fapulo ghotilo sipu gre ka bara na. Fakoꞌudi si ghotilo nu khudau mala ghamu ghedi buburu reꞌe eghu.”

Matiu 9:19

Aonu, mae Jisas kegra haghe ne tei baludi nogna mae fanomhore ke leghugna mae biꞌo na.

Matiu 25:17

Ke jaola ngau mae teke hata phia duku na. Mana tei ne loku neke tangomana teke horo haghe keha phei duku sileni.

Nonomho Te Keli Teke Risoi Mae Mak 3:3

Mae Jisas ne cheke eghu ka mae te lehe khamegna na, “Mei sagho, kegra haghe agne ke ulumi ghehati gnafa.”