Galesia 6:17 - Buka Blahi Ka Cheke Holo

¹⁷ Eghume thosei eni kaisei puhi biꞌo ranghi ghau iara, naugna nafnera teke para ghau mare igre auhi ka thinigu iara na. Igre fagaglana eigna iara kaisei nogna gloku mae Jisas Kraes.

Galesia 6:17 ပူးပေါင်းရင်းမြစ်များ

Fapea Korin 1:5

Ghehati au papara ka kmana puhi jateula Kraes eghu, eghuteuna God neke tusu ranghi ghami nogna thotogho biꞌo fara eigna ghehati nogna Kraes.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Fapea Korin 4:10

Leuleghu fata na, nogna glehe mae Jisas na thakle ka thinimi ghehatire, mala jaola thakle ka thinimi ghehati re nakarhagna mae Jisas na.

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Mae Khuru 15:24

Ghehati nomhinihi keha mae ka tothoghei ghehati gne ne ari ka ghotilo ne eꞌei puhi ne fadiꞌadi nagnafami ghotilo re ka unha teke chekedi mare re. Nu ghehati neke theome farirhiudi mare mala eni tuana!

Josua 7:25

Mae Josua ne cheke eghu ka mana, “Naugna unha sagho te eni ka ghehati puhi biꞌo ignea? Nu Lord ginauna na jaola tusu ari puhi biꞌo ka iagho.” Aonu naiknore ne kafe hata thina ne fada falehedi mae Ekan nei tharaknagna. Eghuteuna mare ne gnubra ka khaꞌaghi thinidire balu nodi gobigna lepo fateote'o.

Galesia 1:7

Nu jare na theo keha nafnata Nonomho te Keli. Keha naiknoi kolho te goigoni ghami ghotilo te magnahaghei tuthughu tafri nogna Nonomho te Keli mae Jisas Kraes.

Profet Isaia 44:5

Eghuteuna keha naiknodi ka keha kantri are ginauna fatutuani ghau iara. Keha ka mare ginauna cheke eghu, ‘Iara nogna Lord.’ Eghuteuna kehare ginauna cheke eghu, ‘Iara vikegna Jekop.’ Eghuteuna kehare ginauna rioriso nanghagu iara na ka khamedire. Eghuteuna kehare ginauna kilodi thedi naiknodi Israel.”

Profet Esikiel 9:4

Lord ne cheke eghu ka mana, “Iagho tei tongana ka namono igne, eghuteuna lilisei fagaglana ka greredi iheire te au diꞌanagnafa nei tanhi teu eidi glepo te diꞌa teke edi keha naiknoi ke lamnagna namono igne.”

Filipae 3:10

Eghume unha te magnahagheni iara gognaro na, iara magnahaghei te lase fakelini mae Kraes nei u nolaghi teke karha fapulo mana kau glehe ia. Iara magnahaghei jateula mana eghu narane teke au papara nei lehe teku mana.

Thakle 13:16

Fapea bosu na jaola ne huhurudi naikno te gnafare, neubane ikoi ba te biꞌo, te dedei ba te kuma, te snagla ba te sneka mala hata fagaglana fei khame nhetadi ba ka greredire.

Thakle 13:17

Tutuani fara, ihei te theome au tagna u fagaglana igne, mana theome tangomana te foifoli ba sabiri kaisei glepo na. Fagaglana igne u nanghagna bosu, ba figas nabagna u nanghagna bosu na. Uve, igne jaola nogna figas kaisei mae. Nogna figas mana na namno gobi namno salei namnoi. Ihei te lalase na, mana tangomana te filo glanini gaoghathogna u figas igne.