Galesia 6:10 - Buka Blahi Ka Cheke Holo

¹⁰ Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Galesia 6:10 ပူးပေါင်းရင်းမြစ်များ

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Proveb 3:27

Jame kaisei mae magnahaghei thotogho, iagho au nou nolaghi te mala toghoni mana na.

Ululahu Tesalonika 5:15

Fiofilo fakeli, thosei snakreni kaisei naikno me foli fapulo glepo te diꞌa ka ihei tughuni glepo te diꞌa. Nu fariuriu eni unha te keli koba fari themi, ba ranghidi naikno te gnafa.

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Efesus 2:19

Eghume ghotilo iheire te theome Jiura, ghotilo theome jateula naikno te posa mei ka namono delei eghu. Theo. Ghotilo gognaro na kaisei vike baludi nogna naikno God, nei tharaknagna mana.

Jone 12:35

Mae Jisas ne cheke eghu ka mare, “Gognarona naphae na ginauna au balumi ghotilo katha vido. Eghume te keli na ghotilo nonolo kani au ngau naphae na. Eghuteuna gromno na ginauna theome tangomana te mei ka ghotilo na. Mae ihei te nonolo kate romno na, mana na theome laseni nabrou na.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Nodi Khoje Hatimare Mae Jiu 37:3

Fatutuani ka Lord sagho nei eni puhi te keli na eghu. Te eghu iagho na, iagho ginauna na au fakeli fabrahu ka nou vido glose na, eghuteuna ginauna theo kaisei glepo nate goigoni nigho iagho na.

Jone 9:4

Kani phae ngau narane gne edi tahati nogna gloku God mae teke kuru mei ghau iara na. Naugna bongi na la namo meihi. Eghuteuna theome tangomana kaisei naikno te loku kate romno na.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Filipae 4:10

Iara thofno gleale'a biꞌo fara nei cheke fakelini Lord, naugna neubane raugha ngau, gognaro na ghotilo kela funu togho fapulo ghau iara. Iara lase ghami ghotilo, ghotilo ghatho ghau iara koba, neubane theo kaisei nabrou te mala togho ghau iara na.

Matiu 12:50

Ihei te eni unha te magnahagheni mae Kmagu iara te au kligna na thofno thabusigu nei greghagu nei idogu eghu iara.”

Fatilo Jone 1:11

Uve thabusigna, thosei leghuni unha te diꞌa na, nu leghuni unha te keli. Mae ihei te eni unha te keli na mana thugna God. Nu mae ihei te eni unha te diꞌa na mana theome laseni God.

Kolose 4:5

Ghotilo filo fakeli ka naꞌaumi baludi naikno te theome fatutuani ni mae Kraes are mala ghaoghatho fakeli kate toutonu baludire eghu.

Efesus 5:16

Tutuani, naugna puhi te diꞌa na heta fara gognaro na, leuleghu fata na ghotilo tangomana te mala edi unha glepo te kelire.

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Nodi Khoje Hatimare Mae Jiu 37:27

Eghume iagho figri lao thagrumu na ka glepo te diꞌare mala eni kolho unha te keli na. Te eghu iagho na, thumu iagho re ginauna au fakeli nodi fabrahu ka vido glose teke nhaꞌa chekeni God ka ghotilo igne.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Nonomho Te Keli Teke Risoi Mae Mak 3:4

Mae Jisas ne ghusna eghu ka naiknore, “Ba, unha gne te snakreni ka vetula na te mala eni tahati kau narane Sabat na? Snakre ghita tahati mala toghoni naikno na ba mala fadiꞌani naikno? Mala fakarhani naikno na ba lisa laoni mala lehe naikno na?” Nu mare ne theome chekeni kaisei glepo.

Efesus 3:15

Eigna mae fatutuani te gnafa te au nga teu ka nauthoglu gne, ba iheire te au teu kligna gognaro gne mana kilodi goro thugna.

Matiu 5:43

Mae Jisas jaola neke cheke eghu, “Ghotilo la nomhinihi farirhiu te cheke eghu ia, ‘Namhani mae kheramu fofodu na, eghuteuna tirouni nou mae naoka na eghu.’

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Matiu 10:25

Mae sikolu na nabagna te mala jateula nogna mae velepuhi na teuna, nu mae gloku na nabagna te mala jateula nogna mae funei na teuna. Nu keha naiknore kilo ghau iara Bielsebul, kaisei nanghagna mae Satan. Nu te cheke eghu mare ka iara nomi mae funei ghotilo na, mare ginauna na eghu la cheke fadiꞌa ghami ghotilo ke tulao gu iarai.”

Eklesiasti 3:12

Te laseni iara na kaisei glepo ngala te ulu fara te mala eni tahati na: Tahati mala glealeꞌa nei mala edi eghu glepo te kelire kate au teu tahati ka nauthoglu igne.

Mae Khuru 6:7

Chekegna God na tei thoke heva heva ka naiknore. Tothoghei naikno khiloau te au Jerusalem ka narane tuare gognaro biꞌo la biꞌo, eghuteuna jaola kmana nodi tothoghei pris mae Jiu gre la funu fatutuani nei leghuni mae Jisas.

Galesia 1:23

Mare nomhini kolho thoutonu eigu iara na, “Mae igne neke para ghita tahati tifa. Nu gognaro na mana kela toutonu eigna u fatutuani teke fariuriu roꞌeni thegna tifa ia.”

Efesus 4:28

Mae ihei te blau koba na, lilisei nafnata puhi tuana mala ke funu loku fakeli. Te keli na mana loku heta mala tangomana te toghoni thegna ka puhi te keli nei tangomana te toghodi iheire te kuma.

Ululahu Tesalonika 5:21

Nu fariuriudi gobigna lepo fateote'o. Loku famaku ka unha te keli.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Ululahu Pita 4:17

Naugna narane God nate mala fatedi naiknore la fufunuhi. Mana ginauna na kulu fufunu ka nogna naikno thegna re. Te fufunu mana ka tahati na, ginauna thofno ninhigrana ranghidi iheire te theome fatutuani ni u Nonomho te Keli teke mei funu ka God thegna igne.

Fatilo Jone 1:3

Kate mei toutonu keha mae gloku ka khiloau gne eigna nakarhamu iagho na, iara ne gleale'a fara. Naugna te chekeni mare na, iagho thofno leghuni Nonomho te Keli eigna mae Jisas Kraes.

Fatilo Jone 1:10

Kate mei iara na, iara ginauna na chekedi ka ghotilo unha te edi mae Diotrefes. Mana chaichaghi nei cheke fadiꞌa ghita tahati. Nu theome tuana ngala eghu te eni mana na. Mana tirogna toghodi iheire te loku ranghini Kraes. Mana jaola lhotidi iheire te magnahaghei toghodi hatimare mae gloku nei faꞌau kosidi ka khiloau.

Fapea Korin 2:8

Eghume iara tore ghami ghotilo mala namhani fara mana, mala laseni mana te namhani mana ghotilo na.