Galesia 5:24 - Buka Blahi Ka Cheke Holo

²⁴ Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Galesia 5:24 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 6:6

Tahati laseni fara igne. Nakarhada tifa na tahati jateula te tupijuru eghu balugna Kraes ke kligna gaju fafatha, mala tangomana God te roꞌeni nogna nolaghi nakhibo teke au ka nakarhada tifa na. Ka puhi igne nakhibo na theo kaisei nogna nolaghi te mala funei fruni ghita na.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Letas Teke Riso Tei Mae Pol Ka Khiloau Rom 8:13

Jame te leghuni ghotilo puhi te diꞌa na, ghotilo ginauna lehe. Nu jame te leghuni ghotilo nogna puhi Tharunga te Blahi na nei thosei ke edi ghotilo glepo te diꞌa te edi ghotilo ka thinimi are teuna, ghotilo ginauna hati thofno nakarha na.

Letas Teke Riso Tei Mae Pol Ka Khiloau Rom 8:9

Nu gognaro na ghotilo theome mala leghudi puhimi themi te diꞌare. Theo. Ghotilo mala leghuni Tharunga te Blahi, naugna Tharunga gna God na auhi ke lamnami ghotilo. Nu jame kaisei mae te theo Tharunga gna God tagna na, mana theome nogna Kraes.

Galesia 6:14

Nu iara theome fahaehaghedi nafnata glepo tuare. Iara ginauna tangomana te fahaehagheni kolho nogna gaju fafatha noda Lord Jisas Kraes. Naugna ka glehegna mana na, puhigna nauthoglu na theo nogna nolaghi te mala funei fruni ghau iara na. Iara tirogu leghuni fabrahu puhigna na.

Ululahu Pita 2:11

Uve kheraguro, ghotilo jateula naikno fasigho nei mae phosa eghu ka nauthoglu igne naugna ghotilo theo kaisei namono ka nauthoglu gne te thofno namonomi ghotilo na. Eghume, iara thofno tore ghami ghotilo mala au fadelei ka glepo te diꞌa te magnahaghedi thinimire. Naugna glepo te diꞌa igre magra ka nakarhami ghotilo re.

Ululahu Korin 3:23

Eghuteuna ghotilo nogna Kraes, eghuteuna Kraes na nogna God.

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.

Galesia 3:29

Ghotilo nogna Kraes, eghume ghotilo jaola goro thugna mae Ebraham. Eghuteuna ghotilo ginauna na hata unha teke nhaꞌa chekeni God ka mae Ebraham tifa ia.

Ululahu Korin 15:23

Nu naikno te gnafare ginauna karha fapulo kate thoke mei nogna narane na. Kraes na neke kulu karha fapulo ka naikno te gnafare. Eghuteuna kate pulo mei Kraes na, nogna naikno mana re ginauna jaola karha fapulo.

Galesia 5:20

tufru soru ka mumuju, neilehe, majora, fapholai, goghotu, faheaheta, fabiꞌobiꞌo, famamagra, fafoafota,

Ululahu Korin 6:13

Keha mae na jame jaola cheke eghu, “Thi'a na malagna gano, eghuteuna gano na malagna thi'a.” Uve. Nu God ginauna kafe roꞌedi phei glepo igre. Nu ghotilo theome tangomana te chekeni thini na mala gnognoro teuna. Naugna thini na mala loku ranghini Lord, eghuteuna Lord na mala funei frunini u thini na.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Galesia 3:26

Ghotilo te hui na la thugna hi God naugna ghotilo ne fatutuani ni mae Jisas Kraes.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Efesus 3:1

Naugna igne, iara mae Pol te au ka suga sosolo eigna iara ne leghuni mae Jisas Kraes. Iara tarai ghami ka God. U gaoghathogna te sosoloni iara gne naugna iara ne toutonuni chekegna God na ka ghotilo iheire te theome Jiu.

Efesus 3:6

U gaoghathogna Nonomho te Keli teke poru igne God magnahaghe ghami ghotilo te mala kaisei vike nei kaisei thini balumi ghehati mae Jiu. Eghuteuna unha teke nhaꞌa chekeni God ka ghehati eigna mae Jisas Kraes igne mala nomi la ghotilo.

Efesus 3:11

Unha te eni God igne ne thofno horoghoto ka puhi teke ghathoni mana ka vuvuhagna na. Tutuani fara, mana ne eni igne ka nogna gloku mae Jisas Kraes noda Lord.

Kolose 2:11

Kate mei ghotilo te kaisei balugna mae Kraes na, mana ne hata fasnagla ghami ka gaoghatho te diꞌa. Kraes neke tohi fagaglana ghami ghotilo, theome tohi fagaglana fei thini nu fei tharunga.