Galesia 5:1 - Buka Blahi Ka Cheke Holo

¹ Mae Kraes neke fasnagla ghita mala au snagla fabrahu tahati. Eghume ghotilo kegra heta. Thosei snakreni kaisei naikno me mala hata fapulo ghami jateula naikno sneka eghu.

Galesia 5:1 ပူးပေါင်းရင်းမြစ်များ

Fapea Korin 3:17

Te chekeni teu ka grioriso te blahi igne “Lord” na mae Tharunga te Blahi, eghume ihei te figri ka Lord na gaoghathogna na thofno snagla mala fatutuani ni mae Jisas Kraes naugna Tharunga gna Lord na au ka mana.

Galesia 5:13

Uve kheraguro, God neke kilo ghami ghotilo mala au snagla! Theome snagla mala eni ghotilo kaisei najafra, nu snagla mala namha nei fari totoghoi eghu.

Ululahu Pita 2:16

Te keli na ghotilo au jateula naikno te snagla nodi fara eghu, na eghunu ne snaglahi eghu ghotilo edi glepo te diꞌare. Theo. Ghotilo mala au jateula nogna mae sneka God eghu sia.

Letas Teke Riso Tei Mae Pol Ka Khiloau Rom 6:14

Nakhibo na theome tangomana te funei fruni ghami ghotilo te mala goigonidi nakarhamire, naugna ghotilo theome au ke parigna u nogna vetula mae Moses, nu ghotilo au ke parigna nogna khokofakasai God.

Letas Teke Riso Tei Mae Pol Ka Khiloau Rom 8:2

Jaola naugna tahati kaisei balugna mae Jisas Kraes, nogna puhi te keli Tharunga te Blahi na tusu ranghi ghita karha te tutuani na. Eghuteuna mana ne hata fasnagla ghita ka puhi nakhibo te tangomana te falehe ghita.

Galesia 4:9

Nu gognaro na ghotilo la lase fakelinihi God. Tulao, gognaro na God lase fakeli ghamihi ghotilo. Eghume, eigna unha si ghotilo teke figri fapulo ka gobi nafnata glepo gna nauthoglu igne te theome heta nei thofno theo nafudi teu gnea? Tifa na, ghotilo neke fatutuanidi glepo tuare. Ba, ghotilo magnahaghei teke sneka fapulo ka glepo tuare sia?

Hibru 10:23

Tahati mala kegra haghe balu rouronu kau nonomho te keli eidi glepo te fatutuani ni tahati nate thoke mei ginau. Eghume thosei ghatho peapea naugna God neke kulu nhaꞌa chekehi ka tahati. Mana ginauna edi glepo igre.

Galesia 2:4

Ghehati neke cheke eigna puhi igne naugna keha mae thabusignare chaichaghi neke poru neke ruma mei ka noda tothoghei tahati gne. Eghuteuna mare magnahaghei te ruma mei mala filoni eigna noda naꞌau nasnagla tahati balugna mae Jisas Kraes. Mare magnahaghe ghita tahati te mala au jateula naikno sneka eghu ka nogna vetula mae Moses kolho.

Galesia 4:31

Eghume kheraguro, tahati theome thugna thau te sneka, nu tahati thugna thau te snagla kolho.

Thakle 3:3

Eghume thosei ghatho ihodi famane cheke teke farirhiu mare ka ghotilo ra. Ghotilo famane leghu fakelidi, nei lilisei puhimi te diꞌare eghu. Nu jame te theome ghaoghatho fakeli ghotilo na, iara ginauna ari posa ka ghotilo. Ghotilo ginauna theome laseni niha nau na teke mei iara na, naugna iara ginauna mei jateula kaisei mae te mala mei blau ia eghu.

Fapea Pita 2:19

Mare neke nhaꞌa cheke ka naiknore eigna nasnagla na. Nu mare thedi na theome snagla kolho eghu. Mare jateula te sneka eghu ka puhi nate roꞌedi teu mare. Naugna naikno na sneka ka puhi diꞌa te batuni mana na.

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Letas Teke Riso Tei Mae Pol Ka Khiloau Rom 7:6

Tifa na u vetula neke loku famaku ghita fara, nu gognarona tahati snagla fei vetula na, naugna kate lehe Kraes tifa na tahati jaola lehe balugna mana. Eghuteuna gognarona tahati tangomana te loku ranghini mana ka puhi majaghani. Naugna tahati leghuni mae Tharunga te Blahi, theome leghuni puhi te risoni mae Moses ka vetula na.

Letas Teke Riso Tei Mae Pol Ka Khiloau Rom 6:18

God neke fasnagli ghami ka nogna nolaghi nakhibo, eghuteuna gognaro na ghotilo mae sneka mala eni unha te doglo na.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Mae Khuru 15:10

Eghume gognaro na ghotilo magnahaghei te fariuriuni God ka puhi te nhaꞌa lao kaisei vetula te mala leghuni iheire te theome Jiu te ruma mei ka khiloau gre. Nu u vetula tuana mae kuꞌeda tifa ra ba tahati na theome tangomana te leghuni.

Ululahu Korin 7:22

Tutuani, mae ihei teke mae sneka kani teke kiloni Lord na, mana gognaro na snagla malagna Lord. Jateula mae teke snagla kolho kani teke kiloni Lord na, mana gognaro na mae sneka malagna Kraes.

Nodi Khoje Hatimare Mae Jiu 51:12

Faglealeꞌa fapulo ghau, eigna iagho neke fakarhi ghauhi iara. Togho mei ghau mala thofno leghu nigho iara.

Proveb 23:23

Hata unha te tutuani nei keli. Fariuriu mala hata famane farirhiu nei glalase te keli. Eghuteuna thosei koko puhi te keli igre.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Efesus 6:14

Eghume, ghotilo kegra heta balugna nomi nhugha mala magra na, igne u cheke te tutuani na. Eghuteuna fahaghe nomi phokore, igne puhimi ghotilo te doglore.

Thakle 2:25

Uve, te chekeni iara ka ghotilo na, loku famaku ka puhi te keli te au ka ghotilo are ghilei thokeni narane nate ke pulo mei iara na.’

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.

Hibru 3:14

Eni igne naugna tahati hui mala kaisei balugna mae Kraes, eghu te loku famaku fabrahu tahati u fatutuani teke kulu au ka tahati igne.

Hibru 3:6

Nu mae Kraes Thugna God na, mana pha'u mae te mala reireghini tharaknagna God na nei eni unha te magnahaghei God na. Jame loku famaku tahati noda fatutuani na nei jame jaola gleale'a fabrahu eidi gobigna lepo God nate edi ranghi ghita na, tahati gne thofno tharaknagna God.

Fapea Tesalonika 2:15

Eghume, kheraguro, kegra heta ka nomi fatutuani nei loku famaku ka farirhiu teke tusu ari ghehati igne. Ghehati neke farirhiu ghami ghotilo ka chekemi nei ka letas.

Ululahu Tesalonika 3:8

Gognaro na ghehati kela phanga fapulo naugna ghotilo te kegra maku ka Lord.

Galesia 4:26

Nu Jerusalem te au kligna na jateula gaꞌase te snagla eghu, eghuteuna naꞌa idoda tahati. Naugna tahati theome neke karha mei jateula mae sneka eghu.

Galesia 3:25

Tutuani gognaro na u puhi te mala fatutuani ni mana na la meihi, eghuteuna tahati theome auhi ke pari vetula.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Matiu 23:4

Hatimare lilisei kmana vetula te ninhigrana ke klignami ghotilo. Nu mare thedi na ginauna theome tangomana te fariuriu leghuni kaisei vetula ka igre.

Letas Teke Riso Tei Mae Pol Ka Khiloau Rom 7:3

Aonu jame gaꞌase tholaghi na tei thuru balugna kaisei mae delei kate karha teu khetogna na, naꞌa huhughuni u vetula gna tholaghi na eghuteuna naꞌa khale ka tolaghi pedo. Nu jame te lehehi khetogna na, gaꞌase na snagla ka vetula gna tholaghi na, eghuteuna neubane tolaghi naꞌa ka kaisei mae delei, naꞌa theome huhughuni u vetula na.

Letas Teke Riso Tei Mae Pol Ka Khiloau Rom 8:15

Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Fapea Korin 11:20

Tutuani, ghotilo gleale'a kolho ka mare, neuba mare ne huju ghami tafri ba chaichaghi ghami ba saosagro ghami ba filo fapari ghami ba tapo ghami.

Luku 5:38

Eghume tahati totoho waen majaghani na kau duku te majaghani.