Galesia 4:9 - Buka Blahi Ka Cheke Holo

⁹ Nu gognaro na ghotilo la lase fakelinihi God. Tulao, gognaro na God lase fakeli ghamihi ghotilo. Eghume, eigna unha si ghotilo teke figri fapulo ka gobi nafnata glepo gna nauthoglu igne te theome heta nei thofno theo nafudi teu gnea? Tifa na, ghotilo neke fatutuanidi glepo tuare. Ba, ghotilo magnahaghei teke sneka fapulo ka glepo tuare sia?

Galesia 4:9 ပူးပေါင်းရင်းမြစ်များ

Ululahu Korin 8:3

Nu ihei te namhani God na, God laseni mana.

Galesia 3:3

Ghotilo neke fufunu nakarhami na balugna Kraes ka Tharunga gna God. Ba, faꞌunha ne meomekro si ghotilo ia? Gognaro ba, ghotilo ginauna na fariuriu hatini u thofno karha te keli na ka nomi nolaghi themi?

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Fapea Pita 2:20

Faꞌunha? Jame lase fakelini naiknore eigna noda Lord Jisas Kraes mae ihei teke fakarhi ghita na meuna, mare na snagla ka puhigna nauthoglu igne. Nu jame teke pulo mare teke edi fabrahu puhi te diꞌa tuare, puhi biꞌo fara ginauna thokedi mare ke uluni teke ulu lahu na.

Hibru 7:18

God neke atha fadelei vetula gna tifa igne, naugna nogna vetula mae Moses gne theo nolaghi nei theome naba te mala fakelidi naiknore ke ulugna God. Nu gognaro na God ne tothora kaisei nabrou te fatutuani ni tahati na. Nabrou igne keli fara uluni nogna vetula mae Moses. Eghuteuna tangomana te hata gita te ari namo ka God.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Efesus 1:17

Eghuteuna iara toreni God koba, Kmagna noda Lord Jisas Kraes, mala tusu ranghi ghami nogna Tharunga te Blahi na mala tangomana ghotilo te filo glani puhigna God na, nei thofno laseni mana.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Ululahu Korin 13:12

Gognaro na tahati theome tangomana te thofno filo glanidi glepo eigna God re jateula te filo ka thiro te theome klino ia eghu. Nu ka narane nathuꞌu nauriha na, tahati ginauna filo fakelidi gobigna lepore jateula ka tathagna God thegna eghu. Eghume unha te laseni iara eigna God gognaro na, theome naba. Nu ka narane tuana, iara ginauna na thofno lase fakelini God, jateula God te thofno lase fakeli ghauhi iara eghu.

Eksodas 33:17

Eghuteuna Lord ne cheke eghu ka Moses, “Iara ginauna thofno eni tutuani unha te toreni iagho na, naugna iara thofno lase nigho iagho fara, eghuteuna iara jaola keli tagu fara ka iagho.”

Letas Teke Riso Tei Mae Pol Ka Khiloau Rom 8:29

Eghuteuna naikno teke vavahi God tifa re, mana jaola magnahaghedi mala nanaba balugna Thugna, mae Jisas Kraes. Ka puhi igne, Thugna God, mae Jisas Kraes na tangomana te au jateula mae teke kulu karha eghu ka hatimare mae thabusigna goro thugna God.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Jone 10:27

Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Jone 10:14

“Iara ngala mae greireghi sipu te keli na. Jateula ngau mae Mama te lase ghau iara, nei iara laseni la mae Mama, jateula tuana eghu iara lasedi nogu sipure nei nogu sipu iara re jaola lase ghau iara. Iara snakreni karhagu na mala lehe nei ke fakarhidi eghu nogu sipure.

Matiu 11:27

Mae Jisas ne cheke eghu, “Mae Kmagu iara na la lisa meihi ka khamegu iara gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire ngala teke vahidi iara ginauna cheke ranghidi eigna mae Mama, eghuteuna mare ginauna jaola laseni mae Mama.

Profet Habaku 2:14

Eghuteuna naikno te gnafa heva heva ka nauthoglu igne ginauna fodu ka nogna glalase nei nafnakno eghu Lord, jateula nhorora te fodu ka khoꞌura eghu.

Profet Jeremaea 31:34

Ginauna na theo kaisei naikno nate farirhiuni kheragna ba thabusigna na ka puhi te cheke eghu igne, ‘Ghotilo mala laseni Lord!’ Naugna ka narane tuana, naikno te gnafa igre ginauna lase ghauhi iara, neuba ihei ne fnakno ba theo. Iara ginauna atha fadelei thua glepo te diꞌa teke edi mare re, eghuteuna iara ginauna nake theome ghathodi nakhibodire.” Igne chekegna Lord.

Proveb 2:5

Jame te faheaheta jateula tuana teu iagho na, iagho ginauna laseni te ghatho tahuni Lord, nei laseni God teuna.

Nodi Khoje Hatimare Mae Jiu 9:10

Naikno te lase nigho re mare ginauna na fatutuani nigho. God, thosei figri tagrudi naikno te mei ka iagho te mala toghodi iagho re.

Nodi Khoje Hatimare Mae Jiu 1:6

Naikno te leghuni nabrou te diꞌa na mala lehe kolho. Eghuteuna naikno te leghuni nabrou te keli na mala karha fabrahu tifa tifa.

Ululahu Kings 8:43

Neuba iagho ne au neu kligna, fanomho mei sagho ka unha te toreni mare na. Aonu naikno te au heva heva ka vido te gnafa igre ginauna lase nigho, nei ghatho tahu nigho jateula te edi nou naikno iagho Israel igre eghu. Eghuteuna naikno te gnafa igre ginauna laseni Sugablahi te horo iara igne kaisei vido mala pogho soru nigho iagho.

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Fapea Korin 11:20

Tutuani, ghotilo gleale'a kolho ka mare, neuba mare ne huju ghami tafri ba chaichaghi ghami ba saosagro ghami ba filo fapari ghami ba tapo ghami.

Galesia 4:3

Tifa na, tahati jateula tuana neku. U vetula nei gobi nafnata glepo ka nauthoglu igne neke reireghi ghita, naugna tahati neke theome laseni God.

Luku 5:38

Eghume tahati totoho waen majaghani na kau duku te majaghani.