Galesia 4:3 - Buka Blahi Ka Cheke Holo

³ Tifa na, tahati jateula tuana neku. U vetula nei gobi nafnata glepo ka nauthoglu igne neke reireghi ghita, naugna tahati neke theome laseni God.

Galesia 4:3 ပူးပေါင်းရင်းမြစ်များ

Kolose 2:20

Ghotilo jateula igne eghu, kate lehe mae Kraes na, ghotilo jaola lehe balugna mana. Eghuteuna mana neke fakarha ghami ghotilo ka nogna nolaghi nauthoglu. Ba, naugna unha si ghotilo te leghuni teu ngala nogna vetula nauthoglu te cheke eghu, “Ghotilo thosei loku ka glepo igne,” “Ghotilo thosei ghamu ana,” “Ghotilo thosei habo ka glepo ana” teu gnea?

Kolose 2:8

Fiofilo ghami, thosei snakreni kaisei naikno mala mei chaghi ghami nei mei sagu ghami eghu ka thoutonu te theo nafugna teke eni haghe kolho ka gaoghathogna naikno ghe naitu. Nafnata thoutonu tuare neke theome mei funu ka mae Kraes.

Galesia 4:9

Nu gognaro na ghotilo la lase fakelinihi God. Tulao, gognaro na God lase fakeli ghamihi ghotilo. Eghume, eigna unha si ghotilo teke figri fapulo ka gobi nafnata glepo gna nauthoglu igne te theome heta nei thofno theo nafudi teu gnea? Tifa na, ghotilo neke fatutuanidi glepo tuare. Ba, ghotilo magnahaghei teke sneka fapulo ka glepo tuare sia?

Galesia 2:4

Ghehati neke cheke eigna puhi igne naugna keha mae thabusignare chaichaghi neke poru neke ruma mei ka noda tothoghei tahati gne. Eghuteuna mare magnahaghei te ruma mei mala filoni eigna noda naꞌau nasnagla tahati balugna mae Jisas Kraes. Mare magnahaghe ghita tahati te mala au jateula naikno sneka eghu ka nogna vetula mae Moses kolho.

Galesia 4:31

Eghume kheraguro, tahati theome thugna thau te sneka, nu tahati thugna thau te snagla kolho.

Mae Khuru 15:10

Eghume gognaro na ghotilo magnahaghei te fariuriuni God ka puhi te nhaꞌa lao kaisei vetula te mala leghuni iheire te theome Jiu te ruma mei ka khiloau gre. Nu u vetula tuana mae kuꞌeda tifa ra ba tahati na theome tangomana te leghuni.

Letas Teke Riso Tei Mae Pol Ka Khiloau Rom 8:15

Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Jone 8:31

Mae Jisas ne cheke eghu ka mae Jiu te fatutuani ni mana re, “Te leghudi fabrahu ghotilo nogu farirhiu iara re, ghotilo thofno nogu mae fanomho iara.

Hibru 7:16

God neke vahini mana mala mae pris, theome leghuni kaisei vetula eigna vike, nu mana mala mae pris ka nogna nolaghi nei nakarhagna te theo ka huigna.

Galesia 4:25

Hega gne gaoghathogna na Sanai eghu, kaisei thogele Arebia, nu jaola kaisei thotoghale gna namono biꞌo Jerusalem. Naugna Jerusalem gne jateula kaisei mae sneka eghu, eghuteuna naikno Jiu teke au ka namono Jerusalem igre mare jateula mae sneka eghu. Naugna mare mala leghuni nogna vetula mae Moses na.

Galesia 3:19

Eghume mala unha si vetula gnea? God neke salo fodu u vetula igne mala thakle u najafra teke edi naiknore. God magnahagheni vetula igne te au teu te ghilei thokeni u narane meigna mae Thugna teke nhaꞌa chekeni ka mae Ebraham na. Hatimare mae engel neke tusu mei u vetula igne ka mae Moses mae ihei teke toutonuni tifa ka naiknore.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Letas Teke Riso Tei Mae Pol Ka Khiloau Rom 7:14

Eghuteuna te laseni tahati na, u vetula gne neke mei funu ka God, nu naugna iara maegu ka nauthoglu igne naikno kolho, iara au jateula nogna mae sneka eghu nakhibo.

Fapea Korin 11:20

Tutuani, ghotilo gleale'a kolho ka mare, neuba mare ne huju ghami tafri ba chaichaghi ghami ba saosagro ghami ba filo fapari ghami ba tapo ghami.

Galesia 4:2

Keha naiknoi nate reireghini mana nei reireghidi nogna glepo mana re, ghilei thokeni thofno narane teke lilisei mae kmagna na.

Galesia 4:8

Tifa, kani teke theome raꞌe lase fakelini teku God na, ghotilo neke sneka ka mumuju kolho.

Galesia 4:24

Glepo igre tahati filodi jateula thotoghale eghu, eigna phei gaꞌase igre repa falalase phei nafnata nhaꞌa cheke. Kaisei nhaꞌa cheke na neke fufunu mei ka Thogele Sanai, igne Hega ihei teke fakarhani sua te mala sneka kolho na.

Hibru 5:12

Ghotilo naikno khiloaumi funu tifahi, eghuteuna ghotilo jame nabamihi te velepuhi na. Nu nabagna na kaisei mae ke pulo mei mala farirhiu ghami ghotilo eidi glepo ulu lahu teke nomhidihi ghotilo eigna mae Kraes. Ghotilo jateula sua te chuꞌu teu kolho te theome naba te ghamu gano te maku ia eghu puhimire.