Galesia 4:29 - Buka Blahi Ka Cheke Holo

²⁹ Ka narane tuana, sua teke karha mei jateula sua te gnafa teu igne, mana neke parani mae Isak mae ihei teke karha mei leghuni Tharunga te Blahi na. Eghuteuna jaola nanaba gognaro.

Galesia 4:29 ပူးပေါင်းရင်းမြစ်များ

Jenesis 21:9

Nu tifa na Hega, gaꞌase gna Ijep gne, neke karha kaisei thugna nalhaꞌu ka mae Ebraham. Kaisei narane Sera ne filoni mae sitei thugna Hega igne ne maꞌeni mae Isak.

Galesia 5:11

Kheraguro, jame tutuani te toutonu fabrahuni teu iara eigna vahe na, naugna unha si naiknore te para ghau iara gne? Jame toutonuni teu iara eigna vahe na mae Jiu gre ginauna theome diꞌa tadi ka iara kate toutonu iara eigna glehegna Kraes ke kligna gaju fafatha ia.

Letas Teke Riso Tei Mae Pol Ka Khiloau Rom 8:13

Jame te leghuni ghotilo puhi te diꞌa na, ghotilo ginauna lehe. Nu jame te leghuni ghotilo nogna puhi Tharunga te Blahi na nei thosei ke edi ghotilo glepo te diꞌa te edi ghotilo ka thinimi are teuna, ghotilo ginauna hati thofno nakarha na.

Jone 15:9

“Iara namha ghami ghotilo, jateula ngau mae Mama te namha ghaula iara. Eghume, ghotilo au fabrahu balugu iara, mala tangomana iara te namha ghami ghotilo na.

Jone 3:5

Aonu, mae Jisas ne cheke eghu ka mae Nikodimas, “Tutuani fara te chekeni iara ka iagho na. Te theome karha mana kau khoꞌu nei Tharunga te Blahi teuna mana theome nabagna te au baludi naikno te funei frunidi God.

Letas Teke Riso Tei Mae Pol Ka Khiloau Rom 8:1

Gognaro na tahati kaisei balugna Jisas Kraes mala theome tangomana God te fate falehe ghita na.