Galesia 4:26 - Buka Blahi Ka Cheke Holo

²⁶ Nu Jerusalem te au kligna na jateula gaꞌase te snagla eghu, eghuteuna naꞌa idoda tahati. Naugna tahati theome neke karha mei jateula mae sneka eghu.

Galesia 4:26 ပူးပေါင်းရင်းမြစ်များ

Hibru 12:22

Nu ghotilo la mei namohi ka kaisei namono majaghani, u thogele te kiloni Saion. Igne namono Jerusalem te au kligna na, nogna namono biꞌo God mae ihei te karha te tifa. Jare te au thogha thogha engel nogna God.

Filipae 3:20

Nu tahati naikno te fatutuani mae Jisas gre, u thofno namonoda na kligna, theome agne pari. Jare te mala au tahati ke leghugna u gleheda na. Gognaro na tahati ofoniu kolho noda Lord Jisas Kraes mae Fakarhai nake pulo mei funu kligna.

Thakle 21:2

Eghuteuna iara ne filoni kaisei namono blahi funugna ka God ne soru mei. Namono blahi igne Jerusalem majaghani. Namono igne neke kulu tarabanahi jateula kaisei gaꞌase te mala tolaghi te pipichi famane pohe te tarabana teu te mala tei balugna khetogna na te mala tolaghi ia eghu.

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Profet Isaia 66:10

Ghotilo iheire te magnahagheni Jerusalem fara ra, ghotilo eha nei glealeꞌa eghu. Ghotilo iheire te tanhi nei diꞌanagnafa teu eigna namono igne ra, gognarona ghotilo glealeꞌa nomi fara tagna.

Galesia 4:22

Te chekeni grioriso te blahi na mae Ebraham neke au phei thugna nalhaꞌu. Thugna thau te sneka na, mana karha mei jateula sua te gnafa eghu kolho. Eghuteuna thugna thau te snagla na, mana karha mei leghuni u nogna nhaꞌa cheke God na.

Letas Teke Riso Tei Mae Pol Ka Khiloau Rom 6:18

God neke fasnagli ghami ka nogna nolaghi nakhibo, eghuteuna gognaro na ghotilo mae sneka mala eni unha te doglo na.

Letas Teke Riso Tei Mae Pol Ka Khiloau Rom 6:14

Nakhibo na theome tangomana te funei fruni ghami ghotilo te mala goigonidi nakarhamire, naugna ghotilo theome au ke parigna u nogna vetula mae Moses, nu ghotilo au ke parigna nogna khokofakasai God.

Jone 8:36

Eghume, jame te atha fasnagla ghau iara mae Thugna God na, ghotilo ginauna snagla nomi tutuani ngala.

Profet Joel 3:17

Lord ne cheke eghu, “Ka Narane tuana, ghotilo mae Israel ra ginauna lase ghau iara, eigna iara ngala nomi Lord nei nomi God teu ghotilo na. Iara au ka namono biꞌo Jerusalem ka Thogele blahi Saion. Iara vahini namono biꞌo igne mala nogu namono blahi iara. Eghuteuna keha vike are ginauna nake theome tangomana teke ruma mei nake goigonini na.”

Profet Isaia 65:18

Ghotilo mala glealeꞌa fabrahu ka glepo majaghani te edi iara igre. Naugna Jerusalem majaghani nate eni iara igne ginauna fodu ka naikno te glealeꞌa fara.

Profet Hosia 4:5

Leuleghu narane na ghotilo jiji tafri, jateula naikno te tabo tafri bongiro ra neu. Eghuteuna hatimare mae profet igre jaola nanaba ka ghotilo. Eghume, iara ginauna roꞌeni Israel nomi kantri ghotilo te jateula idomi teu ghotilo igne.

Profet Hosia 2:2

God ne cheke naba eghu ka naiknore, “Ghotilo thugu iara. Ghotilo cheke faheta ka idomi na, naꞌa gognarona theome khetogu iara, eghuteuna iara theome khetogna naꞌa. Nu ghotilo na cheke faheta ka naꞌa mala lilisei naꞌa puhi te jateula thau vine teu te theome leghuni puhigna tholaghi na igne.

Profet Isaia 50:1

Lord ne cheke eghu, “Ghotilo naiknomi Israel. Ba, ne tei koko ghamihi iara jateula mae ihei te tei kokoni khetogna na ia neu jau si ghotilo? Aheva gneu pepa te mala koko gaꞌase na? Ba, ne foli ghamihi iara ka naiknodi keha kantri are mala falehe kaoni mala naikno sneka eghu? Theo. Mare neke atha ghami ghotilo neke tei ka keha kantri delei naugna ghotilo ne edi kmana nakhibo fara. Eghuteuna iara theome magnahaghei ghami ghotilo naugna puhimi ghotilore thono diꞌa fara.

Ululahu Pita 2:16

Te keli na ghotilo au jateula naikno te snagla nodi fara eghu, na eghunu ne snaglahi eghu ghotilo edi glepo te diꞌare. Theo. Ghotilo mala au jateula nogna mae sneka God eghu sia.

Galesia 5:1

Mae Kraes neke fasnagla ghita mala au snagla fabrahu tahati. Eghume ghotilo kegra heta. Thosei snakreni kaisei naikno me mala hata fapulo ghami jateula naikno sneka eghu.

Profet Isaia 52:9

Neubane diꞌa fara nomi namono biꞌo ghotilo Jerusalem gne gognarona, ghotilo gleale'a balu eha fabiꞌo, naugna Lord ginauna fameomego ghami, fakarha ghami nei ke eni fakeli namono biꞌo Jerusalem!

Thakle 17:5

Ka greregna na jaola au kaisei nangha te theome laseni nga teu gaoghathogna na, ne cheke eghu, “Namono biꞌo Babilon, idodi thau vine te gnafa nei puhi chara te gnafa ka nauthoglu igne.”

Galesia 4:25

Hega gne gaoghathogna na Sanai eghu, kaisei thogele Arebia, nu jaola kaisei thotoghale gna namono biꞌo Jerusalem. Naugna Jerusalem gne jateula kaisei mae sneka eghu, eghuteuna naikno Jiu teke au ka namono Jerusalem igre mare jateula mae sneka eghu. Naugna mare mala leghuni nogna vetula mae Moses na.

Thakle 12:1

Aonu kaisei fagaglana biꞌo te mala fajaglodi naiknore ne thakle ka maloa na. Jare kaisei gaꞌase ne pipichi ka naprai. U glaba na au ke pari ghahegna, nei nabotho phei nathunure faligohoni pha'ugna na jateula kaisei nogna khepi nafnakno neu.