Galesia 4:19 - Buka Blahi Ka Cheke Holo

¹⁹ Thuguro, iara haimini fabrahu eigna iara jateula gaꞌase te namo fakarha sua ia eghu. Naugna iara kabru ghegu fara, eigna iara ofoni narane te mala thofno leghuni ghotilo puhigna mae Jisas Kraes.

Galesia 4:19 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:29

Eghuteuna naikno teke vavahi God tifa re, mana jaola magnahaghedi mala nanaba balugna Thugna, mae Jisas Kraes. Ka puhi igne, Thugna God, mae Jisas Kraes na tangomana te au jateula mae teke kulu karha eghu ka hatimare mae thabusigna goro thugna God.

Efesus 4:13

U gloku igne na theome gnafa ghilei kaisei ngala tahati hui ka fatutuani nei ka glalase eigna Thugna God. Eghuteuna tahati ginauna naikno puhi nei kotu haghe jateula Kraes ka nakarhagna eghu.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Efesus 4:24

Uve, ghehati neke farirhiu ghami ghotilo mala au ka thofno puhi majaghani, eigna God neke vuavuha ghami ghotilo mala leghuni puhigna thegna na mala thofno doglo nei blahi eghu.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Kolose 3:10

Eghuteuna ghotilo la hatahi u nakarha majaghani na. Tutuani, God loku fabrahu ke lamnami ghotilo mala tuthughu ghotilo jateula thegna eghu nei togho ghami mala lase fakelini mana.

Filipae 2:5

Gaoghathomi nei puhimi teu ghotilo re mala jateula gaoghathogna nei puhigna eghu mae Jisas Kraes.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Filimon 1:10

Iara tore nigho mala keli ranghini mae Onesimasi. Iara neke farirhiuni mana kate au teu iara ka sosolo gne. Eghume gognaro na mana jateula mae thugu iara.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Kolose 2:1

Iara magnahaghe ghami ghotilo te lase ghau iara te loku heta fara mala togho ghami ghotilo baludi naikno khiloau ka namono Leodisia nei keha naikno te theome filo ghau teu iara.

Filipae 2:17

Nomi fatutuani ghotilo na jateula kaisei fafara te tusu lao tahati ka God ia eghu. Nu jame falehe ghau iara mare na, dadaragu iara na ginauna thofa jateula kaisei fafara te salofodu baludi nomi fatutuani ghotilo ra eghu. Iara ginauna gleale'a fara kolho balumi ghotilo.

Filipae 1:8

God na lase ghau iara te thono magnahaghei filo ghami ghotilo na. Naugna iara namha ghami ghotilo ka nogna namha mae Jisas Kraes.

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Ululahu Jone 5:21

Uve thuguro, reireghi fakeli ghami themi ka mumuju are. Me gnafa. Iara, mae Jone.

Ululahu Jone 2:12

Iara riso ari ka ghotilo glepo igre thuguro, naugna God hata fadeleihi nakhibomire ka nanghagna mae Jisas.

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Taetus 1:4

Uve ghema Taetus, iara na riso ari ka iagho. Eigna iagho jateula thofno mae thugu eghu iara kau noda khiloau gne naugna iagho fatutuani nila unha glepo te fatutuani ni iara gne. Gognaro na iara toreni God Kmada nei mae Fakarhaida Jisas Kraes mala fablahi nigho nei tusu ranghi nigho u nodi pharikeli na.

Filimon 1:19

Iara mae Pol te rioriso soru cheke igre ka khamegu thegu. Iara ginauna nake tughudi nogna kaoni mana re. Nu iagho jame theome ghatho ihodila teke kaoni nakarhamu themu na ka iara ia.

Ululahu Timoti 1:2

Uve ghema Timoti, ka noda fatutuani ka mae Jisas Kraes, iagho jateula kaisei mae thofno thugu eghu iara. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Luku 22:44

Mae Jisas ne tarai faheta fara naugna mana ne diꞌanagnafa fara. Eghuteuna buibuhigna mana re ne jateu dadara neu, ne khoko soru ka glose na.

Fapea Korin 12:14

Iara gognaro na tarabana mala fatilo ari sigho ghami ghotilo, nu iara na theome toreni kaisei glepo ka ghotilo. Naugna iara magnahaghe ghami kolho ghotilo. Ghotilo laseni, goro suare theome tangomana te mala reireghi idodi nei kmadi teure, nu idodi nei kmadi teure te mala reireghi thudire.

Fatilo Jone 1:4

Iara ne thofno keli tagu fara kate nomhidi goro thugu te leghuni Nonomho te Keli gne.