Galesia 3:5 - Buka Blahi Ka Cheke Holo

⁵ Naugna unha si God teke tusu ari nogna nolaghi mae Tharunga te Blahi na ka ghotilo te mala edi farihoteimi u kofubobhoi igrea? Ba, naugna ghotilo neke leghuni vetula na, ba naugna ghotilo neke fatutuani ni u Nonomho te Keli te nomhini ghotilo gne? Tutuani fara, mana neke eni igne naugna ghotilo neke fatutuani ni mana.

Galesia 3:5 ပူးပေါင်းရင်းမြစ်များ

Galesia 3:2

Kaisei glepo ngala te magnahagheni iara te mala cheke meini ghotilo ka iara na. Ba, ghotilo hata Tharunga te Blahi na naugna ghotilo te leghuni vetula na? Theo! Ghotilo hata Tharunga na naugna ghotilo ne fatutuani ni u Nonomho te Keli te nomhini ghotilo gne.

Fapea Korin 13:3

Iara ginauna eni igne naugna ghotilo magnahaghei te filo glanini Kraes te loku ke lamnagu iara te mala toutonuni chekegna mana na. Ghotilo ginauna filoni Kraes na theome nigra kate loku ke lamnami ghotilo na. Theo. Mana ginauna fatakleni ka ghotilo nogna nolaghi biꞌo mana na ka iara.

Mae Khuru 14:3

Nu mae Pol ghe mae Banabas ne au faraugha Aekoniam, eghuteuna phiamare ne theome mhaghu te toutonuni chekegna Lord na. Aonu Lord ne falalase ka naiknore te tutuani nogna cheke na. Naugna mana ne tusu ranghidi phiamare nolaghi te mala edi kofubobhoi nei fagaglana.

Fapea Korin 12:12

Kate loku ka ghotilo na, iara theome babaꞌo te edi keha fagaglana nei kofubobhoi te mala filoni ghotilo nogna nolaghi God na. Igre glepo teke edi iara re mala laseni ghotilo te thofno mae khuru iara na.

Fapea Korin 10:4

Glepo mala magra te hata ghehati gre theome nogna nauthoglu igne. Theo. Nu glepo neke mei funu ka God te au nolaghi biꞌo te mala tangomana ghehati te tapla sorudi nogna gloku mae Satan re. Eghume ghehati tangomana te tapla sorudi thua nafnata gaoghatho te theome tutuani.

Letas Teke Riso Tei Mae Pol Ka Khiloau Rom 15:19

Mare ne leghuni God naugna mare neke filodi u fagaglana nei kofubobhoi balu nolaghi nogna Tharunga te Blahi. Iara toutonuni Nonomho te Keli na funu Jerusalem, iko tongana heva heva ghilei posa Ilirikam. Aonu iara ne toutonu fahui Nonomho te Keli eigna mae Jisas Kraes.

Fapea Korin 3:8

Nu siasigla gna nogna nolaghi biꞌo God teke mei balugna nogna gloku Tharunga te Blahi na biꞌo uluni fara teke tifa na.

Ululahu Korin 12:10

Eghuteuna ka keha naikno na Tharunga te Blahi tusu ranghini nolaghi te mala eꞌei kofubobhoi. Ka keha naikno na nolaghi mala toutonuni chekegna God na jateula mae profet eghu. Eghuteuna ka keha naikno na nolaghi mala filo glanini nogna nafnata nolaghi naikno, jame te nogna God ba theo. Ka keha naikno na Tharunga te Blahi na tusu ranghini nolaghi te mala cheke ka keha nafnata cheke. Eghuteuna ka keha naikno na tusu ranghini nolaghi te mala rurutha gaoghathodi nafnata cheke tuare.

Letas Teke Riso Tei Mae Pol Ka Khiloau Rom 10:17

Eghume te laseni tahati na, naiknore tangomana te fatutuani ni mae Jisas kate nomhi u Nonomho te Keli na, eghuteuna mare tangomana te nomhi Nonomho te Keli na kate toutonu ihei eigna Kraes na.

Fapea Korin 9:10

God mae ihei te tufa sisi te mala joꞌu tahati na nei tufa gano mala ghamu tahati. Eghuteuna God ginauna jaola tufa naba glepo ka ghotilo mala tufa ghotilo ka iheire te kuma. Mana ginauna fabruara gloku te keli ka puhimi te doglo.

Filipae 1:19

Iara jaola gleale'a naugna te laseni iara na ka nomi tharai ghotilo na God ginauna togho ghau iara ka nogna nolaghi mae Tharunga te Blahi te mala atha fajifla ghau iara ka u suga sosolo na.