Galesia 3:18 - Buka Blahi Ka Cheke Holo

¹⁸ Jame leghuni tahati u vetula te mala tangomana tahati te hata unha te tusu mei ranghi ghita God na meuna, God theome leghuni nogna nhaꞌa cheke na. Ne theome eghu. God neke tusu lao ka mae Ebraham leghuni nogna nhaꞌa cheke na.

Galesia 3:18 ပူးပေါင်းရင်းမြစ်များ

Galesia 2:21

Nu iara theome tangomana te huhughuni nogna khokofakasai God na. Jame tangomana vetula na te thofno toghoni naikno te mala au doglo balugna God meuna, Kraes jame neke theome lehe!

Nodi Khoje Hatimare Mae Jiu 105:42

Lord na theome ghatho ihoni nogna nhaꞌa cheke te blahi teke eni tifa ka mae nogna gloku Ebraham.

Galesia 3:29

Ghotilo nogna Kraes, eghume ghotilo jaola goro thugna mae Ebraham. Eghuteuna ghotilo ginauna na hata unha teke nhaꞌa chekeni God ka mae Ebraham tifa ia.

Letas Teke Riso Tei Mae Pol Ka Khiloau Rom 8:17

Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Galesia 3:26

Ghotilo te hui na la thugna hi God naugna ghotilo ne fatutuani ni mae Jisas Kraes.

Galesia 3:16

Uve, God neke chekedi nhaꞌa cheke igre ka mae Ebraham nei thugna. Grioriso te blahi na theome neke cheke eghu, “Nei maladi goro thumu.” Tuana gaoghathogna na kmana naikno. Nu God neke cheke eghu, “Nei mala thumu iagho.” Tuana gaoghathogna na kaisei mae kolho, eghume mae tuana, mae Kraes.

Galesia 3:12

Kate tusu lao God ka mae Moses u vetula na, mana theome chekeni u vetula na tangomana te mala fakarhini naikno na. Theo. Nu grioriso te blahi na cheke eghu, “Ihei te thofno leghudi nogna vetula God re, mana ginauna karha fabrahu.”

Galesia 3:10

Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”