Galesia 3:17 - Buka Blahi Ka Cheke Holo

¹⁷ Igne gaoghathogu iara na. Ulu lahu na God neke eni kaisei nhaꞌa cheke balugna mae Ebraham. Fati gobi tolufulu finogha ke leghu, God neke tusu mei u vetula ranghini mae Moses. Eghuteuna u vetula na theome tangomana te paꞌeni ba te tuthughu u nogna nhaꞌa cheke God balugna mae Ebraham igne.

Galesia 3:17 ပူးပေါင်းရင်းမြစ်များ

Jenesis 15:13

Aonu Lord ne cheke eghu ka mae Ebram, “Tutuani fara te chekeni iara na, thumu iagho gre ginauna na tei au ka nodi kantri keha naiknoi. Eghuteuna naiknogna namono te tei au mare tagna tuana ginauna paradi mare nabagna fati gobi finogha. Thumu iagho gre ginauna na mala sneka mala loku ranghidi mare.

Fapea Korin 1:20

Nogna nhaꞌa cheke te gnafa God re tutuani ka mae Jisas. Naugna igne tahati chekei “Amen” ka nanghagna mana mala cheke fakelini God.

Letas Teke Riso Tei Mae Pol Ka Khiloau Rom 3:3

Eghuteuna naikno Jiure neke eni kaisei nhaꞌa cheke ka God mala leghuni fabrahu teke eni mana ranghidi mare igne. Nu kmana naikno theome leghuni kolho u nhaꞌa cheke tuana. Ba, gaoghatho tuana mala jaola mana theome leghuni u nhaꞌa cheke teke eni mana ka mae Ebraham te mala fablahini vikegna mana na?

Kolose 2:4

Gognaro na iara theome au balumi ghotilo nu nagnafagu na auhi balumi ghotilo. Tutuani iara gleale'a fara te filoni nakarhami nei nomi fatutuani te heta ka mae Kraes. Nu neuba iara chekeni igne ka ghotilo eigna iara theome magnahagheni kaisei naikno te chaghi ghami ghotilo ka nogna cheke te famaemahe fara igre. Naugna cheke igre mala batu fadelei ghami ghotilo mala theome fatutuani ni Kraes. Cheke te famaemahe igre keli fara fanomhodire nu chaichaghi kolho eghu.

Galesia 5:4

Ghotilo iheire te mala doglo nomi balugna God teu te fariuriu leghuni vetula na, Kraes na la theo nafugnahi ka gaoghathomire. Ghotilo la tei kokonihi nogna khokofakasai God na.

Galesia 3:15

Uve kheraguro, iara na eni kaisei thotoghale ka ghotilo. Ghathoni si ghotilo eigna u nhaꞌa cheke te eni kaisei mae balugna keha mae na ia. Kate famamhaku hi phiamare u nhaꞌa cheke igne, theome tangomana kaisei mae te paꞌeni ba teke tudu lao keha cheke na.

Ululahu Korin 1:17

Kraes neke theome kuru ghau iara mala faꞌapublahi naikno kolho. Theo. Mana neke kuru ghau iara mala toutonu eigna u Nonomho te Keli na. Iara theome tangomana te toutonuni u Nonomho te Keli na ka nafnata puhi te eni mae ihei te lalase fara na, na eghunu glehe teke eni Kraes ka gaju fafatha na igne theo nafugna kolho eghu.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Profet Isaia 14:27

Lord mae ihei te au nolaghi fateote'o igne la ghathonihi unha te mala eni na, theo kaisei naikno nate fanograni mana na. Eghuteuna kate ngafa haghe mana khamegna na te mala paradi naiknore, theo kaisei naikno jaola nate fanograni mana na.

Ululahu Pita 1:20

Ame vuvuha nga nauthoglu igne teku na, God neke kulu vahini mae Kraes mala fakarhi ghami ghotilo. Eghuteuna gognaro na, mae Kraes na la meihi mala togho ghami ghotilo ka narane leghu lahu igre ka nauthoglu igne.

Hibru 11:13

Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”

Hibru 7:18

God neke atha fadelei vetula gna tifa igne, naugna nogna vetula mae Moses gne theo nolaghi nei theome naba te mala fakelidi naiknore ke ulugna God. Nu gognaro na God ne tothora kaisei nabrou te fatutuani ni tahati na. Nabrou igne keli fara uluni nogna vetula mae Moses. Eghuteuna tangomana te hata gita te ari namo ka God.

Efesus 4:17

Ka nanghagna Lord, iara magnahaghei te cheke heta ka ghotilo, thosei au fabrahu jateula naikno te theome fatutuani ni God eghu. Gaoghathodire theo nafudi kolho.

Galesia 3:21

Ba, vetula na cheke faparini nogna nhaꞌa cheke God na sia? Theo fara! Nu jame neke tusu meihi God kaisei vetula te tangomana te mala hata meini thofno karha na ka naiknore meuna, naiknore tangomana hi te doglo na kate leghuni vetula igne.

Fapea Korin 9:6

Ghathoni igne, ihei te theome joꞌu fakmana na, mana ginauna theome hata kmana gano kolho. Ihei te joꞌu fakmana na, mana ginauna jaola hata kmana gano.

Ululahu Korin 10:19

Ba, ghotilo laseni eigna unha te chekeni iara igne? Naugna mumuju ba gano te fafara ka mumuju igre thofno glepo ulu fara?

Ululahu Korin 7:29

Uve kheraguro, igne gaoghathogna nogu cheke iara na, katha vido kmoꞌei kolho te mala loku tahati ranghini Lord na. Eghume, funu gognaro na, mae iheire tela tolaghihira, mare mala au jateula iheire te theome tolaghi eghu mala loku brana.

Ululahu Korin 1:12

Igne gaoghathogna unha te chekeni iara na. Keha mae cheke eghu, “Iara nogna mae Pol.” Kehare cheke eghu, “Iara nogna mae Apolosi.” Kehare cheke eghu, “Iara nogna mae Pita.” Eghuteuna kehare cheke eghu, “Iara nogna mae Kraes.”

Letas Teke Riso Tei Mae Pol Ka Khiloau Rom 3:25

God neke kuru meini mana mala lehe jateula kaisei fafara. Tutuani, dadara ka glehegna na mala hata fadeleidi nakhibodi naikno te gnafa te fatutuani ni mae Jisas. God neke eni igne mala laseni tahati te eni mana unha te doglo na. Naugna tifa na God neke sasaꞌani te ofo na, eghuteuna mana neke theome ghosei paradi naiknore eigna nakhibodire. Nu gognaro na God jaola falalase ranghi ghita mana te eni unha te doglo na, naugna mana neke snakreni mae Jisas mala lehe. Tutuani, mana neke eni igne mala falalase ranghidi iheire te fatutuani ni mae Jisas kaisei nabrou mala au doglo ke ulugna thegna.

Mae Khuru 7:6

Igne unha teke chekeni God ka mae Ebraham na, ‘Iheire nate karha mei ka vikemu iagho gre ginauna na tei au ka namono te theome khotogna thedi na. Eghuteuna naiknogna namono tuana ginauna na faloku biꞌodi fara nei na eꞌei kmana puhi te diꞌa ranghidi fabrahu nabagna fati gobi finogha. Eigna thumi ghotilo re ginauna mala sneka jare.

Profet Isaia 28:18

Iara ginauna hata koko nhaꞌa cheke teke eni ghotilo balugna Glehe igne. Eghuteuna iara ginauna na jaola hata koko nhaꞌa cheke teke eni ghotilo ka Beku igne. Eghuteuna kate thoke mei puhi biꞌo jateula goighovi teu ka ghotilo igne, ghotilo ginauna theome tangomana te poru na, puhi biꞌo igne ginauna mei goigoni ghami ghotilo.

Nodi Khoje Hatimare Mae Jiu 33:10

Lord na rorhoꞌe nodi groghei hatimare mae bongihehe re. Mana theome snakredi mare te eni unha te vaovatoni mare na.

Thoutonu Eigna Mae Job 40:8

“Ba, iagho magnahaghei te falalase ne jafra iara, eghuteuna chekeni ne doglo iagho teuna?

Naba 30:8

Nu jame mae nalhaꞌu gne nomhini u nhaꞌa cheke igne, eghuteuna lhotini mana gaꞌase gne mala theome loku teuna, gaꞌase igne theome tangomana tathajini u nhaꞌa cheke igne. Eghuteuna Lord ginauna hata fadelei nakhibogna naꞌa re.

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Jenesis 17:19

Nu God ne cheke eghu ka mae Ebraham, “Theo, iara theome vahini mae Ismael. Nu khetomu iagho Sera gne ginauna au kaisei thugna nalhaꞌu, eghuteuna iagho mala kiloni nanghagna na Isak, gaoghathogna mae Isak teu igne ‘maꞌe’ eghu. Iara ginauna na eni nogu nhaꞌa cheke na balugna mana nei thugna mana re eghu, eghuteuna nhaꞌa cheke igne ginauna au fabrahu tifa e tifa.

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Galesia 5:16

Eghume te chekeni iara ka ghotilo na, snakreni mae Tharunga te Blahi mala batuni nakarhami na. Eghuteuna ghotilo ginauna na theome tangomana te eni unha te magnahagheni thinimi na.

Nodi Khoje Hatimare Mae Jiu 105:9

U nhaꞌa cheke teke kulu eni mana balugna mae Ebraham igne mana neke enila balugna mae Isak, eghuteuna mana na tathaji fakeli u nhaꞌa cheke igne.