Galesia 3:16 - Buka Blahi Ka Cheke Holo

¹⁶ Uve, God neke chekedi nhaꞌa cheke igre ka mae Ebraham nei thugna. Grioriso te blahi na theome neke cheke eghu, “Nei maladi goro thumu.” Tuana gaoghathogna na kmana naikno. Nu God neke cheke eghu, “Nei mala thumu iagho.” Tuana gaoghathogna na kaisei mae kolho, eghume mae tuana, mae Kraes.

Galesia 3:16 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 4:13

God nhaꞌa cheke ka mae Ebraham nei goro thugna na te mei ginau ke leghugna mana, u nauthoglu igne mala nodi mare. Nu God neke eni nhaꞌa cheke igne ka mae Ebraham theome eigna te eni mana unha te chekeni ka nogna vetula mae Moses na. Theo. Naugna mae Ebraham gne neke fatutuani ni God, God ne filo glanini mana jateula kaisei mae te doglo.

Luku 1:55

Jateula ngau teke cheke ranghidi ku'edara, nei ranghidi mae Ebraham nei vikegna mana te theo ka huigna.”

Letas Teke Riso Tei Mae Pol Ka Khiloau Rom 4:16

Eghume naiknore hata nogna nhaꞌa cheke God na ka nodi fatutuani kolho. God neke eni u nhaꞌa cheke igne mala horoghoto ka nogna khokofakasai na. U nhaꞌa cheke igne theome maladi kolho naikno te leghuni nogna vetula mae Moses na. Nu jaola nodi naikno te gnafa te fatutuani ni God na jateula mae Ebraham eghu. Naugna mana ngala mae kuꞌeda tahati te gnafa na.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Galesia 3:8

Tifa na u grioriso te blahi gne neke kulu chekenihi eigna God ginauna jaola fakarhidi ka nodi fatutuani iheire te theome Jiu. Ka puhi igne mae Ebraham neke kulu nomhini u Nonomho te Keli na kani teke cheke eghu God na, “Iara ginauna vahi nigho mala fablahidi naikno te gnafa ka nauthoglu igne.”

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Mae Khuru 3:25

U nhaꞌa cheke teke chekedi God ka mae Profet ra malami ghotilo neku, jateula u nhaꞌa cheke teke edi God ka mae kuꞌeda tifa ra. God neke nhaꞌa cheke eghu ka mae kuꞌeda Ebraham, ‘Funu ka goro thumu iagho gre iara ginauna na fablahidi naikno te hui ka nauthoglu igne.’

Jenesis 21:12

Nu God ne cheke eghu ka mae Ebraham, “Thosei diꞌanagnafamu eidi Hega ghe thugna gre. Leghuni kolho sagho chekegna Sera na. Vike teke nhaꞌa chekeni iara ka iagho igne ginauna mei funu ka mae Isak.

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Jenesis 15:5

Aonu Lord ne hata fajiflani mae Ebram kosi ne cheke eghu ka mana, “Filo haghe sagho ka maloa na. Jare na kmana nathunu fara te theome naba kaisei naikno te kahadire, eghume vikemu iagho re ginauna na jateula nathunu tuare eghu kmana fara.”

Ululahu Korin 12:27

Eghume, ghotilo te gnafa na thinigna Kraes. Ghotilo te gnafa na kaisei vido ngala ka thini tuana.

Ululahu Korin 12:12

Kraes na jateula kaisei thini eghu, eghuteuna au kmana grerege thini tagna. Neubane au kmana nafnata vido tagna, mana kaisei thini ngala.

Letas Teke Riso Tei Mae Pol Ka Khiloau Rom 12:5

Jateula tuana eghu tahati, neubane kmana naikno tahati, tahati jateula kaisei thini eghu ngala, eigna tahati te gnafa na fatutuani ni mae Kraes. Naikno khiloau te gnafare kaisei grerege ka thini, eghuteuna grerege te gnafare salo fodu mala kaisei thini ngala.

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Kolose 2:19

nei mare theome au heta ka mae Kraes. Mae Kraes pha'ugna khiloau na, eghuteuna khiloau na jateula thinigna mana eghu. Eghuteuna pha'u na tangomana te edi grerege te gnafare te mala kotu heta nei kaisei baludi nhubra ghe naula. Eghuteuna thinigna mae Kraes gne na kotu haghe ka puhi te magnahagheni God na eghu.

Efesus 5:32

U cheke tuana e poru gaoghathogna na eghuteuna iara cheke eidi tuare agne naugna cheke tuana jaola cheke eigna Kraes nei nogna khiloau.

Matiu 1:1

Igne buka thoutonu eigna mae Jisas Kraes, vikegna mae Devet, nei vikegna mae Ebraham.

Letas Teke Riso Tei Mae Pol Ka Khiloau Rom 9:4

God neke vahidi naiknodi Israel mala jateula goro thugna eghu neku, eghuteuna mare jaola neke filoni nogna nolaghi biꞌo mana na. God neke edihi nogna nhaꞌa chekere baludi mare, eghuteuna tusu ranghidi u nogna vetula mae Moses na. Mana jaola farirhiudi thofno puhi te mala pogho soruni God na, eghuteuna mana neke nhaꞌa cheke ranghidi kmana glepo.

Fapea Korin 11:22

Mare cheke fahaehaghedi fara te mae Hibru, mae Israel nei vikegna mae Ebraham teuna. Uve, iara jaola tangomana te cheke fahaehaghe ghau jateula mare teuna.

Galesia 3:19

Eghume mala unha si vetula gnea? God neke salo fodu u vetula igne mala thakle u najafra teke edi naiknore. God magnahagheni vetula igne te au teu te ghilei thokeni u narane meigna mae Thugna teke nhaꞌa chekeni ka mae Ebraham na. Hatimare mae engel neke tusu mei u vetula igne ka mae Moses mae ihei teke toutonuni tifa ka naiknore.