Galesia 2:9 - Buka Blahi Ka Cheke Holo

⁹ Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Galesia 2:9 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 12:3

Naugna khokofakasai teke tusu mei God ka iara na nate chekeni iara ka ghotilo te gnafa na, thosei ghatho tahu ghami themi fara. Nu ghatho ghami themi ka puhi te nabami ghotilo leghuni nomi fatutuani teke tusu ranghi ghami God.

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Galesia 2:2

Iara tei jare naugna God neke cheke mala tei iara. Eghuteuna ka kaisei faidu baludi mae biꞌo ka khiloau na, iara neke famane cheke ka mare eigna te toutonuni thegu u Nonomho te Keli na ka iheire te theome Jiu. Naugna iara gaoghathogu na theome magnahagheni God te filoni nogu gloku iara teke eni teke mei funu tifeiro nei te eni teu iara gognaro gne te theo nafugna kolho.

Letas Teke Riso Tei Mae Pol Ka Khiloau Rom 1:5

Iara neke hata nogna fablahi God igne ka Kraes, eigna mana neke vahi ghau iara mala loku jateula kaisei mae khuru eghu mala kilodi naiknore ka namono te gnafare mala fatutuani nei leghuni eghu mana.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Ululahu Timoti 3:15

Nu neubane theome faghose ari iara, iagho ginauna tangomana te iu'ijuni letas igne eidi gloku te keli te edi nogna naikno God re. Igne u khiloau nogna God, mae ihei karha te tifa. Eghuteuna khiloau gne ngala te loku famakuni u thofno cheke te tutuani na mala theo kaisei naikno te roꞌeni.

Kolose 1:29

Te mala eni igne na iara loku heta fara. Iara loku heta, eigna iara loku ka nolaghi teke tusu ranghi ghau mae Kraes.

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Fapea Korin 8:4

Nu mare tore ghami ghehati fabrahu mala snakredi te mala toghodi eghu naikno nogna God te au ka namono Jerusalem.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Letas Teke Riso Tei Mae Pol Ka Khiloau Rom 15:15

Nu neuba ngau, iara frane te mala riso ari eidi keha glepo ka letas igne ka ghotilo mala ke ghatho fapulodi ghotilo glepo teke lasedihi ghotilo ra. Naugna God neke tusu mei khokofakasai igne ka iara mala kaisei nogna mae gloku Jisas Kraes mala toghodi naikno te theome Jiu. Iara loku ranghini God jateula kaisei mae te kegra fari hoteidi God ghe naikno kate toutonuni chekegna God na. Iara eni igne mala tangomana iheire te theome Jiure te mei ka God na eghuteuna mana ginauna hatadi mare jateula kaisei fafara, nei mare tangomana te blahi ka nogna nolaghi Tharunga te Blahi na.

Mae Khuru 15:13

Ke leghugna cheke te gnafa phiamare na, mae Jemes ne cheke eghu, “Uve kheraguro, fanomho ka iara.

Mae Khuru 15:7

Ke leghudi cheke te brahu eigna puhi igne, mae Pita kegra haghe ne cheke eghu, “Uve kheraguro, ghotilo lasenihi ka narane tela sala'u ra. God neke vahi ghau iara farihoteimi ghotilo mala toutonuni u Nonomho te Keli gne ranghidi naikno te theome Jiu gre mala fatutuani.

Mae Khuru 4:36

Jare kaisei mae khiloau ka vikegna mae Livae, nanghagna na mae Josep, mana neke karha ka moumolu te kiloi Saeprus. Mae khurure kiloni mana, mae Banabas, u gaoghathogna na, mae mala blakno eghu. Mana fofoli nogna vido glose na. Kate hata sileni na, mana leghuni puhi te mala tufa na ne tusu ranghidi hatimare mae khuru.

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Fapea Kings 10:15

Mae Jehu jifla jare ne tei thafoni mae Jehonadab, thugna mae Rekab. Eghuteuna king ne kubae ka mana, ne cheke eghu, “Ba, tapa kaisei gaoghatho kolho?” Mae Jehonadab ne cheke eghu ka mana, “Uve.” Eghuteuna mae Jehu ne cheke eghu ka mana, “Keli fara! Kubae gho!” Aonu mae Jehu loku ka khamegna mana na ne korho haghe ka nogna chariot na.

Luku 22:8

Mae Jisas ne cheke eghu ka mae Pita ghe mae Jone, “Tei ghopa mala tarabana Gaghamu Ghasa-Polho te mala ghamu tahati na.”

Jone 1:42

Mae Aduru hatani mae Pita ne tei ka mae Jisas. Mae Jisas ne filo ka mae Pita ne cheke eghu ka mana, “Gognarona nanghamu iagho na mae Simon, thugna mae Jone, eghuteuna ginauna mare na kilo nigho iagho mae Sifas.” Nangha igne gaoghathogna na “mae Pita” ba “thina.”

Mae Khuru 12:17

Aonu mae Pita ne eni kaisei fagaglana mala famane fanomho mare, eghuteuna mana ne toutonu eigna unha te eni God ranghini mana te hata fajiflani kau suga sosolo na. Aonu gnafa teuna, mana ne cheke ka mare mala toutonu eigna igne ranghini mae Jemes nei keha naikno khiloau re. Eghuteuna, ke leghugna igne mae Pita ne jifla kokodi naikno khiloau te au teu jare re neke tei ka kaisei namono delei.

Fapea Korin 11:5

Te ghathoni iara na, mae iheire te kilodi ghotilo “Mae khuru keli fara teu are” theome ulu ghau iara.

Fapea Korin 12:11

Iara cheke jateula kaisei mae te fameomekro eghu, nu ghotilo huhuru ghau iara mala eni igne. Nabami ghotilo te mala chekedi nogu gloku te keli te edi iara gre. Iara laseni te fiti mae kolho iara na, neuba, iara theome au ke paridi mae iheire te kilodi ghotilo “Hatimare mae khuru keli fara.”

Galesia 1:16

toutonu iara u Nonomho te Keli eigna mae Thugna God ka naikno te theome Jiure. Tutuani fara God ne falalase ka iara mae thofno Thugna na. Kate kilo ghau God na, iara neke theome hata farirhiu ba thotogho ka mae ihei.

Galesia 1:18

Sala'u thilo finogha ke leghugna igne iara neke tei Jerusalem mala filoni mae Pita, eghuteuna iara au balugna mana nabotho glima narane.

Galesia 2:1

Ke leghu nabotho fati finogha iara neke puloi Jerusalem balugna mae Banabas. Iara jaola neke hata mae Taetus balugu.

Galesia 6:3

Jame kaisei mae ghaoghatho eghu ka nagnafagna na, “Iara gne kaisei mae biꞌo fara!” Nu mana chaghini thegna, naugna mana kaisei naikno kolho.