Galesia 2:4 - Buka Blahi Ka Cheke Holo

⁴ Ghehati neke cheke eigna puhi igne naugna keha mae thabusignare chaichaghi neke poru neke ruma mei ka noda tothoghei tahati gne. Eghuteuna mare magnahaghei te ruma mei mala filoni eigna noda naꞌau nasnagla tahati balugna mae Jisas Kraes. Mare magnahaghe ghita tahati te mala au jateula naikno sneka eghu ka nogna vetula mae Moses kolho.

Galesia 2:4 ပူးပေါင်းရင်းမြစ်များ

Letas Teke Rioriso Mae Jud 1:4

Iara chekeni igne ka ghotilo naugna keha naikno te tirodi leghuni God re poru la ruma meihi ke lamna khiloau. Naikno igre cheke fadiꞌani koba chekegna God na. Mare chaghi nei cheke eghu koba, “Neubane edi tahati puhi te diꞌare, theome fadiꞌa ka God naugna God namha ghita fara.” Eghuteuna mare tirodi fatutuani ni noda funei kaisei ngala mae Jisas Kraes. Nu tifa na hatimare mae profet neke kulu chekenihi u fate biꞌo nate thoke mei ginau ka nafnata naikno igre.

Galesia 5:1

Mae Kraes neke fasnagla ghita mala au snagla fabrahu tahati. Eghume ghotilo kegra heta. Thosei snakreni kaisei naikno me mala hata fapulo ghami jateula naikno sneka eghu.

Galesia 4:3

Tifa na, tahati jateula tuana neku. U vetula nei gobi nafnata glepo ka nauthoglu igne neke reireghi ghita, naugna tahati neke theome laseni God.

Fapea Korin 11:26

Kmana fata ka nogu thei na, iara namo lehe ka khoꞌu biꞌo ba ka naikno te blau, ka kheragu fofodu mae Jiu, nei ka iheire te theome Jiu. Iara namo lehe ka namono biꞌo, nei ka namhata, nei ka thongna. Eghuteuna iara namo lehe ka iheire te chekeni “Ghehati naikno khiloau” nu mare chaichaghi kolho.

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Fapea Pita 2:19

Mare neke nhaꞌa cheke ka naiknore eigna nasnagla na. Nu mare thedi na theome snagla kolho eghu. Mare jateula te sneka eghu ka puhi nate roꞌedi teu mare. Naugna naikno na sneka ka puhi diꞌa te batuni mana na.

Fapea Timoti 3:6

Keha ka mae igre mare tei ruma ka sugadi naiknore, nei sagudi gaꞌase te theome biꞌo nodi fatutuanire. Eghuteuna rehati mamajadi fara nakhibo teke edi thedi tifa re, nei rehati eidi kmana glepo te jafra fara te magnahagheni thedi.

Galesia 5:10

Neuba, iara fatutuani ni God mala togho ghami mala theome leghudi farirhiu te theome tutuani re. Eghuteuna mae ihei te fariuriu goigoni ghami ghotilo na, God ginauna parani mana.

Fapea Korin 11:20

Tutuani, ghotilo gleale'a kolho ka mare, neuba mare ne huju ghami tafri ba chaichaghi ghami ba saosagro ghami ba filo fapari ghami ba tapo ghami.

Fapea Korin 11:13

Mae tuare theome thofno mae khuru tutuani nu mare mae khuru chaichaghi kolho. Hatimare chaghi eidi nodi glokure, eghuteuna mare fariuriu mala jateula nogna mae khuru tutuani Kraes eghu ka gaoghathodi naiknore.

Fapea Korin 3:17

Te chekeni teu ka grioriso te blahi igne “Lord” na mae Tharunga te Blahi, eghume ihei te figri ka Lord na gaoghathogna na thofno snagla mala fatutuani ni mae Jisas Kraes naugna Tharunga gna Lord na au ka mana.

Mae Khuru 20:30

Jaola keha ka ghotilo themi ginauna toutonu chaichaghi ka naikno khiloau re mala leghudi thedi kolho.

Mae Khuru 15:24

Ghehati nomhinihi keha mae ka tothoghei ghehati gne ne ari ka ghotilo ne eꞌei puhi ne fadiꞌadi nagnafami ghotilo re ka unha teke chekedi mare re. Nu ghehati neke theome farirhiudi mare mala eni tuana!

Mae Khuru 15:1

Keha maedi Judia ne mei posa Antiok. Mare farirhiu ne cheke eghu ka naikno khiloau re, “Te theome leghuni ghotilo nogna vetula mae Moses eigna tohi fagaglana na, God ginauna theome fakarhi ghami ghotilo.”

Profet Isaia 51:23

Nu iara ginauna na lisa lao kapu igne ka khamedi mae te para ghami ghotilo igre. Eigna mare neke fathuru ghami ghotilo pari, eghuteuna tapla ke klignami ghotilo jateula chara neku.”

Ululahu Pita 2:16

Te keli na ghotilo au jateula naikno te snagla nodi fara eghu, na eghunu ne snaglahi eghu ghotilo edi glepo te diꞌare. Theo. Ghotilo mala au jateula nogna mae sneka God eghu sia.

Galesia 4:25

Hega gne gaoghathogna na Sanai eghu, kaisei thogele Arebia, nu jaola kaisei thotoghale gna namono biꞌo Jerusalem. Naugna Jerusalem gne jateula kaisei mae sneka eghu, eghuteuna naikno Jiu teke au ka namono Jerusalem igre mare jateula mae sneka eghu. Naugna mare mala leghuni nogna vetula mae Moses na.

Fapea Korin 11:17

Iara theome cheke jateula Lord te magnahaghe ghau iara te mala cheke, nu iara cheke fahaehaghe fara eigna igne eghu. Tutuani, iara cheke jateula mae te meomekro eghu kolho.

Letas Teke Riso Tei Mae Pol Ka Khiloau Rom 8:15

Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Nodi Khoje Hatimare Mae Jiu 119:45

Eghuteuna iara snagla nogu fara ke ulumu iagho, naugna iara ne leghudi nou cheke iagho re.

Nodi Khoje Hatimare Mae Jiu 51:12

Faglealeꞌa fapulo ghau, eigna iagho neke fakarhi ghauhi iara. Togho mei ghau mala thofno leghu nigho iara.

Galesia 1:7

Nu jare na theo keha nafnata Nonomho te Keli. Keha naiknoi kolho te goigoni ghami ghotilo te magnahaghei tuthughu tafri nogna Nonomho te Keli mae Jisas Kraes.

Jemes 1:25

Nu naikno te thofno gleale'a na ngala mae ihei te famane fifilo fakeli nei leghuni koba teu chekegna God na. Eghuteuna chekegna God te thofno keli tuana ngala tangomana te hata fadelei nakhibo na te mala snagla naiknore. Uve, mana fanomho fakeli nu mana theome ghatho ihodi unha te nomhidi mana re. Mae igne ngala te thofno gleale'a na.

Luku 5:38

Eghume tahati totoho waen majaghani na kau duku te majaghani.