Galesia 2:20 - Buka Blahi Ka Cheke Holo

²⁰ Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Galesia 2:20 ပူးပေါင်းရင်းမြစ်များ

Galesia 5:24

Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Fapea Korin 5:15

Kraes na neke lehe tughu ghita gnafa mala tangomana tahati te karha teu gre mala thosei leghudi gaoghathoda thedare. Tahati mala leghuni gaoghathogna Kraes mae ihei teke lehe tughu ghita nei ke karha fapulo teu gognaro gne.

Letas Teke Riso Tei Mae Pol Ka Khiloau Rom 6:8

Eghuteuna te lehehi tahati balugna Kraes na, tahati fatutuani ginauna jaola karha balugna mana.

Galesia 6:14

Nu iara theome fahaehaghedi nafnata glepo tuare. Iara ginauna tangomana te fahaehagheni kolho nogna gaju fafatha noda Lord Jisas Kraes. Naugna ka glehegna mana na, puhigna nauthoglu na theo nogna nolaghi te mala funei fruni ghau iara na. Iara tirogu leghuni fabrahu puhigna na.

Fapea Korin 13:5

Ghotilo mala fariuriu ghami themi koba mala laseni ghotilo te thofno fatutuani ni Kraes ba theo. Tutuani, ghotilo thofno laseni mae Jisas Kraes te au ke lamnami na, na eghunu theome fatutuani ni mana ghotilo eghu!

Letas Teke Riso Tei Mae Pol Ka Khiloau Rom 6:13

Thosei snakreni kaisei vido ka thinimi are mala edi puhi te diꞌare. Naugna ghotilo neke karha fapulohi ka glehe. Nu snakre lao ghami themi ka God, nei snakre lao vido thinimi te gnafa are ka God mala edi glepo te doglore.

Ululahu Tesalonika 5:10

Mae Jisas neke lehe eida tahati mala tangomana tahati te karha balugna mana tifa tifa, neubane karha neu ba lehehi kate mei mae Jisas na.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Galesia 1:4

Mae Jisas neke snakreni thegna mala lehe tughudi nakhibodare mala snagla tahati ka puhi te diꞌa te funei frunini nauthoglu igne. Tutuani fara mae Jisas neke eni igne, naugna igne unha teke magnahagheni God Kmada na.

Jone 17:21

Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.

Letas Teke Riso Tei Mae Pol Ka Khiloau Rom 8:37

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.

Galesia 3:11

Thofno glola fara ngala, God neke theome eni kaisei naikno mala doglo ke ulugna mana eigna mana te leghuni vetula na. Naugna u grioriso te blahi na cheke eghu, “Mae ihei te fatutuani na, mana ginauna doglo ke ulugna God, eghuteuna mana ginauna hatini u thofno nakarha na.”

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Letas Teke Riso Tei Mae Pol Ka Khiloau Rom 5:2

Ka noda fatutuani ka mae Jisas, God tangomana te eni kaisei nabrou te mala laseni tahati nogna u khokofakasai na. Tutuani fara, tahati tangomana te au ke lamnagna thofno nakarha na naugna mana ne namha ghita. Eghume tahati au noda grouronu ka God te mala au balugna kligna.

Letas Teke Riso Tei Mae Pol Ka Khiloau Rom 1:17

U Nonomho te Keli gne cheke ranghi ghita eigna puhigna God te fadoglo ghita ke ulugna thegna kate thofno fatutuani ngala tahati mae Jisas. Jateula te chekeni ka grioriso te blahi, “Mae ihei te fatutuani ni God na, mana ginauna doglo ke ulugna God, eghuteuna mana ginauna hatini u karha fei tifa na.”

Fapea Korin 13:3

Iara ginauna eni igne naugna ghotilo magnahaghei te filo glanini Kraes te loku ke lamnagu iara te mala toutonuni chekegna mana na. Ghotilo ginauna filoni Kraes na theome nigra kate loku ke lamnami ghotilo na. Theo. Mana ginauna fatakleni ka ghotilo nogna nolaghi biꞌo mana na ka iara.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Ululahu Tesalonika 1:10

Jaola te chekeni mare na ghotilo ofoni Thugna God mala mei vuha kligna. God neke fakarha fapuloni mae Jisas ka glehe mala tangomana mana te fakarhi ghita ka fate nogna God nate mei tutuani thogheiro.

Jone 10:11

“Iara ngala thofno mae greireghi sipu te keli na, te snakreni karhagu na mala lehe ranghidi nogu sipure.

Jone 6:57

Mae Kmagu iara mae ihei teke kuru mei ghau iara na, mana neke tusu mei u karha na. Eghuteuna u karha tuana au ka iara naugna mae Mama neke tusu mei ka iara. Jateula tuana eghu mae ihei te ghamu ghau iara na, mana na athini u karha tutuani na ka iara.

Thakle 3:20

Filo si ghotilo! Iara kegra ka grengathagna nomi khiloau ghotilo na mala kikidi. Jame kaisei naikno te nomhini chekegu iara na, eghuteuna tothora ranghi ghau iara grengatha na teuna, iara ginauna ima fodu balugna mana.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Jone 15:13

U thofno namha biꞌo te tangomana kaisei naikno te falalase ranghidi kheragnare ngala te lehe ranghidire.

Galesia 2:16

Ghehati laseni naikno na theome doglo ke ulugna God kate leghuni nogna vetula mae Moses na, nu iheire ngala te fatutuani ni mae Jisas Kraes. Ghehati mae Jiu jaola fatutuani ni mae Jisas Kraes, eghume God neke fadogli ghami ghehati ke ulugna mana. Mana neke theome fadogli ghami ghehati kate leghuni nogna vetula mae Moses. Theo. Mana neke eni igne naugna ghehati neke fatutuani ni mae Kraes. Naugna theo kaisei naikno te doglo ke ulugna God eigna mana te leghuni vetula na.

Fapea Korin 10:3

Ghehati au ka nauthoglu igne, nu ghehati theome magnahaghei leghuni puhigna naikno te au ka nauthoglu gne ka nomi magra balugna mae Satan.

Jone 6:69

Gognaro ghehati fatutuani nigho iagho. Ghehati laseni nigho iagho mae blahi neke mei funu ka God.”

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Fapea Korin 1:24

Ghehati theome magnahagheni te sagheleghudi nomi fatutuani ghotilo re, naugna ghehati lase ghami ghotilo tela kegra hetahi ka nomi fatutuani na ka God. Nu ghehati magnahagheni te loku balumi ghotilo mala tangomana ghotilo te gleale'a na.

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Efesus 5:25

Ghotilo mae tholaghi ra, namhadi khetomi are jateula Kraes te namhani fara khiloau gne eghu. Naugna mana namhani khiloau na. Mana neke snakreni thegna neke lehe mala fakarhani khiloau na.

Jone 3:35

God Mama ne namhani fara mae Thugna na ne tusu lao ka mana u nolaghi te mala funei frunidi gobigna lepore.

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Mae Khuru 8:36

Kate soru te soru mare ka nabrou na, mare tei ne posa ka vido te au keha khoꞌu na. Mae biꞌo na ne cheke eghu, “Filo! Igne u khoꞌu na! Ba, unha gne te lhoti ghau te theome apublahi iara gognaro na?”

Matiu 4:3

Satan mei ne cheke eghu ka mana, “Ghema, te Thugna God iagho na, iagho chekedi thina igre mala tughu ke vuhai bret.”

Famane Khoje 7:10

Iara nogna naꞌa, eghuteuna naꞌa magnahaghei ghau iara fara.

Letas Teke Riso Tei Mae Pol Ka Khiloau Rom 3:22

Igne u nabrou te chekeni iara na. Naikno te gnafa te fatutuani ni mae Jisas Kraes re, God au kaisei nabrou te mala fadoglodi ke ulugna thegna. God theome edi phei nabrou, kaisei maladi mae Jiu nei kehana maladi mae te theome Jiu.

Letas Teke Riso Tei Mae Pol Ka Khiloau Rom 4:25

God neke snakreni noda Lord Jisas mala lehe eidi nakhiboda. Eghuteuna God fakarha fapuloni mana kau glehe mala tangomana tahati te au doglo ka tathagna God na.

Letas Teke Riso Tei Mae Pol Ka Khiloau Rom 5:6

Ka thofno narane teke vahini God na, Kraes neke lehe mala togho ghita tahati naikno te fodu ka nakhibo. Tutuani, tahati theo noda nolaghi te mala togho ghita theda na.

Letas Teke Riso Tei Mae Pol Ka Khiloau Rom 5:8

Neubane au neu tahati ka nakhibo, God neke fatakle ranghi ghita u nogna namha biꞌo na kate kuru meini Kraes mala lehe tughu ghita na.

Letas Teke Riso Tei Mae Pol Ka Khiloau Rom 8:10

Thinimi ghotilo re ginauna lehe ka nakhibomire. Nu naugna Kraes te au ke lamnami, Tharunga te Blahi na ginauna tusu ranghi ghami u thofno nakarha na, naugna Kraes la fadogli ghamihi ka tathagna God na.

Letas Teke Riso Tei Mae Pol Ka Khiloau Rom 14:7

Theo kaisei ka tahati te karha ba lehe malagna thegna na.

Ululahu Korin 6:17

Nu ihei te loku fodu balugna Lord na, phiamare na kaisei ngala ka thofno nakarha na.

Fapea Korin 5:14

Nogna namha Kraes na sagheleghu ghami ghehati. Naugna ghehati laseni kaisei Kraes ngala teke lehe tughu ghita te gnafa na. Eghume tahati te gnafa na jateula te lehe balugna mana eghu.

Fapea Korin 11:10

Kraes na chekeni koba unha te tutuani na nei iara jaola eni tuana. Eghume te chekeni iara ka ghotilo na, ginauna theo kaisei naikno ka ghotilo te au heva heva ka Provins Akaia tangomana te tughu puhigu iara te cheke fahaehaghe igne.

Filipae 1:21

Glepo ulu ka iara eigna jateula igne eghu te ghathoni iara na, u nakarha na kaisei mae Kraes ngala. Eghuteuna te lehe iara na, iara ginauna theome theo te hatini u karha na.

Hibru 8:3

Mae pris biꞌo te gnafare hata gloku igne mala fafara nei cheke fakelini God baludi keha nafnata fafara langau. Eghume noda mae pris biꞌo tahati na mana mala eni langau kaisei fafara ka God.