Galesia 2:2 - Buka Blahi Ka Cheke Holo

² Iara tei jare naugna God neke cheke mala tei iara. Eghuteuna ka kaisei faidu baludi mae biꞌo ka khiloau na, iara neke famane cheke ka mare eigna te toutonuni thegu u Nonomho te Keli na ka iheire te theome Jiu. Naugna iara gaoghathogu na theome magnahagheni God te filoni nogu gloku iara teke eni teke mei funu tifeiro nei te eni teu iara gognaro gne te theo nafugna kolho.

Galesia 2:2 ပူးပေါင်းရင်းမြစ်များ

Galesia 2:6

Iara theome nanga noguni nafnata mae biꞌo te baubatu ka khiloau na, naugna ka God na naikno te gnafare kaisei nanaba ngala. Nu mae biꞌo ka khiloau te ghatho tahudi fara naikno igre, mare theome cheke ka iara mala eni kaisei glepo te nhogri.

Filipae 2:16

Naugna ghotilo mala toutonu eigna u thofno karha na ranghidi. Eghuteuna te eni ghotilo igne na, iara ginauna gleale'a fara ka narane nate ke pulo mei mae Kraes na. Naugna igne u fagaglana gna te theome fiti loku kolho iara kate theo nafugna na.

Ululahu Tesalonika 3:5

Naugna igne, iara kuru arini mae Timoti ka ghotilo mala tangomana iara te laseni nomi fatutuani ghotilo na. Iara kuru arini mana kate theome tangomana ofo te raugha. Te mhaghuni iara na mae Satan jame neke fariuriu ghami ghotilo, eghuteuna nakmusa fateo te edi tahati igre ginauna na theo nafudi kolho.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Ululahu Korin 9:26

Iara thegu na la chari la tei thokehi ka taba te mala ulu na. Eghuteuna iara jateula mae te mala magra eghu, mala koko soruni keha mae na pari. Iara theome magnahaghei te fiti tutini kolho maloa na.

Ululahu Korin 1:23

Nu tahati toutonu eigna Kraes kolho, mae ihei teke lehe ke kligna gaju fafatha. Hatimare mae Jiu theome magnahaghei nomhini u thoutonu igne, eghuteuna ka hatimare mae te theome Jiure u thoutonu igne theo nafugna kolho.

Ululahu Korin 9:24

Ghotilo laseni, neubane kmana mae te chari kate fangenghele na, nu na kaisei mae ngala te hata taba na. Eghume, ghotilo te gnafa na mala loku heta ranghini God jateula te chari heta te mala hata taba ia eghu.

Ululahu Korin 2:2

Naugna kate ari ka ghotilo ia, iara neke magnahaghei toutonu eigna mae Jisas Kraes nei glehegna ke kligna gaju fafatha eghu kolho. Tutuani, iara theome magnahaghei toutonu keha glepo delei ka ghotilo.

Mae Khuru 15:12

Tothoghei mae biꞌo na ne theome ghagri kaisei cheke ne fanomho kolho ka mae Pol ghe mae Banabas eidi u kofubobhoi nei fagaglana eghu teke edi phiamare ka iheire te theome Jiu.

Mae Khuru 15:4

Kate posa mare Jerusalem na, hatimare mae khuru, nei hatimare mae biꞌo ka khiloau, nei naikno fatutuani eghu re kubaedi nei taji fakelidi. Aonu, mae Pol, mae Banabas nei mae teke tei baludi phiamare eghu re ne toutonudi unha te edi God ka mare re.

Filipae 2:29

Naugna igne, ghotilo taji fakelini mana balu gleale'a fara ka nanghagna Lord. Eghuteuna ghotilo jame kafe ghatho tahudi nafnata naikno jateula mae Epafrodaetus gne teugre.

Galesia 1:16

toutonu iara u Nonomho te Keli eigna mae Thugna God ka naikno te theome Jiure. Tutuani fara God ne falalase ka iara mae thofno Thugna na. Kate kilo ghau God na, iara neke theome hata farirhiu ba thotogho ka mae ihei.

Mae Khuru 23:11

Ka keha bongi na Lord mei ne kegra rhegna mae Pol ne cheke eghu, “Ghema, thosei mhaghu! Iagho neke cheke eigu iara ka naiknore Jerusalem, iagho ginauna na jaola nake enila tuana Rom.”

Mae Khuru 18:9

Kaisei bongi, mae Pol ne mifi. Eghuteuna Lord ne cheke eghu ka mana, “Ghema Pol, thosei mhaghu! Heta, cheke sagho ka naikno are! Thosei au kmu!

Mae Khuru 5:34

Kaisei mae Farasi nanghagna na mae Gamalio mana kaisei mae velepuhi biꞌogna vetula. Eghuteuna naiknore ghatho tahuni nei filo faꞌuluni eghu mana. Mana kegra haghe ne cheke farihoteidi hatimare mae mala fate. Eghuteuna mana ne chekedi mae pulisire mala hata fajifladi ghu mae khurure ke kosi katha vido.

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Eklesiasti 10:1

Gilo te ruma te lehe ka botol sedi te siri keligna na ginauna siri diꞌagna. Jateula tuana eghu, kakatha puhi fameomekro kolho nate goigonini gaoghatho te keli na.

Mae Khuru 15:2

Mae Pol ghe mae Banabas theome magnahagheni u nafnata farirhiu te eni mare igne ne cheke faheta fara ka mare. Aonu mae khiloaure ne vahidi mae Pol ghe mae Banabas nei keha mae langau eghu mala tei thoke Jerusalem. Jare mare ne tangomana te cheke eigna puhi igne baludi hatimare mae khuru nei keha mae biꞌo ka khiloau.

Letas Teke Riso Tei Mae Pol Ka Khiloau Rom 9:16

Eghume God ginauna vahini kaisei naikno leghuni nogna lolokeli thegna na. Eghuteuna nogna vavahi mana tuana theome lelheghu ka unha te magnahaghedi naiknore ba unha te fariuriu eni mare na.

Fapea Korin 12:1

Iara mala cheke fahaehaghe fabrahu, neubane theome tangomana te togho ghita na. Iara na chekedi mifi nei glepo teke poru eghu te fatakle Lord ranghi ghau iara re.

Galesia 1:6

Iara jaglo nogu ka ghotilo te ghosei te figri tagruni God, mae ihei teke kilo ghami ka nogna khokofakasai mae Jisas Kraes. Gognaro na ghotilo figri mala fanomho ka keha nafnata Nonomho te Keli te nhogri.

Galesia 1:12

Iara neke theome nomhini ka mae ihei ba theo kaisei mae teke farirhiu ghau iara na, nu thegna mae Jisas Kraes ngala teke falalase ka iara u Nonomho te Keli igne.

Galesia 5:7

Tifa na ghotilo neke kotu haghe neke biꞌo ka nomi fatutuani na. Mae ihei si teke farore ghami ghotilo teke theome leghuni u nabrou te doglo gnea?

Fapea Timoti 4:7

Ka nogna gloku blahi God na, iara neke hati nhetagu na jateula kaisei mae te mala chari ka fangenghele te biꞌo na ia eghu. Eghuteuna iara gognaro na thokehi ka narane mala gnafagna u fangenghele na te loku famaku teu iara nogu fatutuani gne.

Hibru 12:1

Eghume kmana naikno te fatutuani ni God re au faligoho ghita. Naugna igne tahati mala lisei fadelei nakhibo te tangomana te fanogra ghita mala chari heta fabrahu ka fangenghele te au ke uluda na.