Galesia 1:9 - Buka Blahi Ka Cheke Holo

⁹ Iara gognaro nake cheke leuleghu ka unha teke chekedihi ghehati ka ghotilo tifa ra. Jame ihei te toutonuni u Nonomho te Keli te nhogri ka unha teke fatutuani nihi ghotilo na, mae tuana nabagna na toreni God mala au papara mana ka namono Gehena.

Galesia 1:9 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 16:17

Kheraguro, iara cheke heta ka ghotilo mala fiofilo ghami ka iheire te magnahaghei fotani u khiloau gne. Mare tangomana te goigonidi nomi fatutuani ghotilo re baludi keha glepo te jafra ka farirhiu tela nomhidihi ghotilo ra. Thosei fanomho ka mare.

Proveb 30:6

Thosei tuthughu nogna cheke mana na, glahu diꞌatagna mana ka iagho, eghuteuna ke leghu na naiknore na laseni te kaisei mae chaichaghi iagho na.

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Fapea Korin 1:17

Ba, kate tughu iara gaoghathogu na ne cheke kolho iara naugna ne theome leghuni unha teke kulu ghathoni iara na neu si ghotilo ia? Theo, iara theome edi gaoghatho igre mala leghudi kolho unha te magnahaghedi thegure, nei iara theome nafnata naikno te kaisei fata chekedi ngala “Uve” ghe “Theo” gne.

Filipae 3:1

Uve kheraguro, igre nogu farirhiu leghu lahu iara ka ghotilo re. Iara magnahaghei ghami ghotilo te mala au gleale'a balugna Lord. Eghume neuba neke riso arihi iara ka ghotilo cheke igre tifeiro, iara keli tagu ngala na teke riso ari ngala cheke igre ka ghotilo. Naugna nogu cheke iara igre ginauna togho ghami fara ghotilo, mala theome tangomana kaisei naikno te roꞌeni nomi fatutuani ghotilo na.

Filipae 4:4

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Profet Jeremaea 23:16

Lord mae ihei te au nolaghi fateote'o igne ne cheke eghu, “Ghotilo thosei fanomho ka nodi cheke mae profet igre. Mare toutonu chaghi ka ghotilo, eghuteuna ghotilo na ofoni unha nate theome thoke mei tutuani na. Mae igre chekedi koba mifi te jifla mei kolho ka gaoghathodi thedire, mifi igre neke theome mei funu ka iara.

Mae Khuru 18:23

ne au jare katha vido kmoꞌei. Eghuteuna jifla jare ne tei sala'u ka phei Provins Galesia nei Frijia. Mana ne tei tei ka namono te kmana te au ke lamnadi phei provins tuare mala toghodi naikno khiloaure mala biꞌo nodi fatutuani na.