Galesia 1:4 - Buka Blahi Ka Cheke Holo

⁴ Mae Jisas neke snakreni thegna mala lehe tughudi nakhibodare mala snagla tahati ka puhi te diꞌa te funei frunini nauthoglu igne. Tutuani fara mae Jisas neke eni igne, naugna igne unha teke magnahagheni God Kmada na.

Galesia 1:4 ပူးပေါင်းရင်းမြစ်များ

Matiu 20:28

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala fofoli nakhibodi naikno te kmanare.”

Letas Teke Riso Tei Mae Pol Ka Khiloau Rom 4:25

God neke snakreni noda Lord Jisas mala lehe eidi nakhiboda. Eghuteuna God fakarha fapuloni mana kau glehe mala tangomana tahati te au doglo ka tathagna God na.

Galesia 2:20

Faꞌunha? Eigna iara jateula tela lehehi eghu balugna mae Kraes ke kligna gaju fafatha. Neubane eghu ngau, iara karhau ngala naugna mae Kraes te au ke lamnagu iara. Iara fatutuani ni mae ihei teke namha ghau iara nei lehe tughu ghau iara.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Ululahu Timoti 2:6

Mana snakreni thegna mala lehe mala tangomana te foli fajifladi naikno fateote'o ka nogna nolaghi nakhibo. Mae Jisas ngala kaisei fagaglana God te magnahaghei fakarhidi naikno te gnafare. Eghuteuna fagaglana tuana mei ka thofno nogna narane na.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Ululahu Tesalonika 3:13

Ka nafnata puhi igne mana ginauna farhetadi nagnafami, eghuteuna ghotilo ginauna klino nei blahi ke ulugna God Kmada kate pulo mei noda Lord Jisas Kraes baludi nogna naikno blahi fateote'o.

Letas Teke Riso Tei Mae Pol Ka Khiloau Rom 12:2

Thosei lisa lao ghami themi mala leghuni puhigna naikno te diꞌa te au ka nauthoglu igne, nu lisa lao ghami ka God mala tughu mana nakarhamire, kate tusu ari gaoghatho majaghani ka ghotilo na. Ka puhi igne ghotilo ginauna tangomana te filo glanini unha te magnahagheni God na. Eghuteuna eni glepo te keli nei te doglo fabrahu teuna, nei eni glepo te keli tagnadi God.

Filipae 4:20

Tahati cheke fakelini koba nanghagna God Kmada tifa te tifa. Amen.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Ululahu Jone 3:16

Ka igne te laseni tahati eigna u namha na: Mae Jisas neke lisa soru nakarhagna na malada tahati. Eghume tahati jaola nabada te lisa soru nakarhadare maladi kherada fofodu!

Ululahu Jone 2:2

Mae Jisas ngala u fafara te mala hata fadeleidi nakhibodare, theome malada tahati kolho, nu jaola maladi naikno te gnafa ka nauthoglu gne.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Jemes 4:4

Ghotilo te tei kokoni God na, ghotilo ginauna na jateula kaisei gaꞌase te tei kokoni khetogna na te mala au fodu balugna kaisei mae delei ngau ia eghu. Ghotilo theome lasenihi igne? Mae ihei te magnahagheni kolho glepo te diꞌa ka nauthoglu igne na, mae tuana nogna mae naoka God. Naugna mae ihei te magnahaghei leghuni kolho nogna gaoghatho naiknogna nauthoglu igne na, mana theome tangomana te leghuni gaoghathogna God na.

Hibru 6:5

Eghuteuna mare la filo glanihi chekegna God te keli fara na, nei mare lasenihi nogna nolaghi te mala funei frunidi gobigna lepo ka nogna nauthoglu majaghani God.

Fapea Tesalonika 2:16

Ghehati tarai ka noda Lord Jisas Kraes thegna nei God Kmada mala fameomego ghau nei farheta ghau ka gobigna lepo te keli te edi ba chekedi ghotilo re. God neke namha ghita nei ka nogna khokofakasai na mana tusu ranghi ghita grouronu te keli nei fameomego ghita fabrahu tifa tifa.

Jone 12:31

Gognarona God ginauna kafe fatedi naikno te theome fatutuani ghau iara. Eghuteuna gognaro mana na kulu hata fadelei nogna nolaghi mae Satan, mae ihei te baubatu fadiꞌadi naikno te au ka nauthoglu igne.

Matiu 26:28

Waen igne dadaragu iara, farerhetagna nhaꞌa cheke majaghani te eni God ka nogna naiknore. Dadara igne thofa mala fakarhidi naikno kmana, mala hata fadelei God nakhibodi re.

Profet Isaia 65:17

Lord ne cheke eghu, “Iara ginauna horo maloa majaghani nei nauthoglu majaghani. Gobigna lepo teke edi tifa ra, naiknore ginauna ghatho ihodihi.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Hibru 2:5

Kate vahini God mae ihei nate funei frunini nauthoglu igne nate mei ginau, mana neke theome chekeni kaisei engel.

Ululahu Tesalonika 3:11

Ghehati tarai ka God Kmada thegna nei noda Lord Jisas Kraes mala kuru fapulo ghami ka ghotilo thogheiro.

Efesus 6:12

Tahati theome magrini nogna nanheta nei glalase eghu naikno kolho, nu tahati magrani mae Satan nei nogna nolaghi. Tutuani fara, tahati magridi naitu ka maloa gne nei keha nafnata nolaghi te au ka nauthoglu te romno te funei frunini mae Satan igne.

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Galesia 6:14

Nu iara theome fahaehaghedi nafnata glepo tuare. Iara ginauna tangomana te fahaehagheni kolho nogna gaju fafatha noda Lord Jisas Kraes. Naugna ka glehegna mana na, puhigna nauthoglu na theo nogna nolaghi te mala funei fruni ghau iara na. Iara tirogu leghuni fabrahu puhigna na.

Letas Teke Riso Tei Mae Pol Ka Khiloau Rom 8:32

God neke theome lhotini thofno Thugna na, nu mana neke snakreni mala lehe eida tahati hui. Ba, te eghu na, mana ginauna jaola khogla tusu mei kolho gobigna lepore ka tahati mala au balugna Kraes? Uve, mana tangomana te eni igne.

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Letas Teke Riso Tei Mae Pol Ka Khiloau Rom 1:7

Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Jone 10:11

“Iara ngala thofno mae greireghi sipu te keli na, te snakreni karhagu na mala lehe ranghidi nogu sipure.

Jone 6:38

Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Jone 5:30

Iara theome tangomana te eni kaisei glepo leghuni u nogu gaoghatho thegu na. Iara tangomana te fateni naikno na leghuni unha te chekeni mae Mama na. Eghume unha te fatedi iara naiknore thofno doglo fara, naugna iara theome fariuriu loku leghudi kolho unha glepo te magnahaghedi iara thegu re, nu iara loku leghudi kolho unha glepo te magnahaghei mae teke kuru mei ghau na.

Luku 22:42

Mana ne cheke eghu, “Mama, jame te magnahaghei iagho na, iara tore nigho te mala hata fadelei kakhabruana biꞌo jateula hinao te fodu ka waen te raha teu ka iara igne. Nu eni unha te magnahagheni iagho themu na, thosei leghui unha te magnahaghei iara na.”

Nonomho Te Keli Teke Risoi Mae Mak 10:45

Jateula tuana eghu iara mae teke mei funu ka God, iara theome mei mala loku ranghi ghau naiknore neku. Nu iara gne mei mala loku ranghidi mare nei snakre ghau thegu mala lehe mala folidi nakhibodi naikno te kmanare.”

Matiu 26:42

Mae Jisas jaola neke tei fapea fata na ne tarai. “Mama, keli fara te theome hata koko iagho ka iara glepo te kabru igne, iara na eni fahui unha te magnahagheni iagho na.”

Matiu 6:9

“Eghume, kate tarai na, ghotilo tarai jateula igne eghu: “ ‘Mama te au kligna, ghehati magnahaghei te ghatho tahuni nanghamu te blahi.

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.

Letas Teke Riso Tei Mae Pol Ka Khiloau Rom 8:27

Nu God mae ihei te lasedi gobigna lepo te au ke lamnadare, mana laseni nagnafagna mae Tharunga te Blahi na. Naugna Tharunga te Blahi na taraidi nogna naikno God re ka thofno puhi te magnahagheni God.

Luku 22:19

Ke leghugna igne, mana hata bret na, ne cheke fakelini ka God, mana piepike ne tufa ka mae fanomhore. Aonu mana ne cheke eghu, “Igne thinigu iara na, iara tusu ari ka ghotilo mala fakarha ghami ghotilo. Ima igne mala ghatho fapulo ghau iara.”

Matiu 13:22

Sisi te sukha ke lamnadi glathi buburu te fachuchuru na igre eidi iheire te nomhini chekegna God, nu cheke igne ghosei ne thafru ka unha te magnahaghedi fara ka thua nafnata dedei gna nauthoglu igne. Eghume theo kaisei sisi te karha na.

Ululahu Korin 15:3

Cheke te ulu fara teke hata iara na tela toutonu arihi iara ka ghotilo ana. Tutuani, nogu cheke iara na igne, mae Kraes na neke lehe mala hata fadeleidi nakhibodare, jateula te chekeni teu kau grioriso te blahi na.

Efesus 5:16

Tutuani, naugna puhi te diꞌa na heta fara gognaro na, leuleghu fata na ghotilo tangomana te mala edi unha glepo te kelire.

Ululahu Tesalonika 1:3

Ghehati cheke fakelini God Kmada eidi gloku te keli teke edi ghotilo naugna nomi fatutuani nei namha. Ghehati jaola cheke fakelini God eigna ghotilo te kegra maku fabrahu ka nomi grouronu ka noda Lord Jisas Kraes.