Galesia 1:23 - Buka Blahi Ka Cheke Holo

²³ Mare nomhini kolho thoutonu eigu iara na, “Mae igne neke para ghita tahati tifa. Nu gognaro na mana kela toutonu eigna u fatutuani teke fariuriu roꞌeni thegna tifa ia.”

Galesia 1:23 ပူးပေါင်းရင်းမြစ်များ

Mae Khuru 9:13

Nu mae Ananias ne cheke eghu, “Lord, iara nomhini kmana thoutonu eigna mae igne, mana edi kmana glepo te diꞌa ranghidi nou naikno iagho re Jerusalem.

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Mae Khuru 9:26

Kate tei thoke Jerusalem na, mae Sol ne fariuriu au fodu baludi nogna mae fanomho Jisas re, nu mare ne kafe mhaghu nodini mana. Naugna mare theome fatutuani ne kaisei mae fanomho tutuani mana teuna.

Mae Khuru 6:7

Chekegna God na tei thoke heva heva ka naiknore. Tothoghei naikno khiloau te au Jerusalem ka narane tuare gognaro biꞌo la biꞌo, eghuteuna jaola kmana nodi tothoghei pris mae Jiu gre la funu fatutuani nei leghuni mae Jisas.

Mae Khuru 9:21

Naikno te gnafa te nomhini mana re ne kafe jaglo nodi, ne cheke eghu, “Tore! Igne si mae teke fariuriu falehedi naikno te fatutuani ni mae Jisas ia! Mana neke eni puhi tuana Jerusalem, eghuteuna gognaro mana kela mei enila glepo tuana agne eghu. Mana mei agne mala lokidi nogna fanomho mae Jisas re mala hata tei ka mae pris ulu re.”

Mae Khuru 19:13

Keha mae Jiu jaola ne tei tongana ka naikno te fogra re mala fariuriu brue fajifladi naiture ka nanghagna noda Lord Jisas. Mare ne cheke eghu, “Ka nanghagna mae Jisas te toutonu mae Pol igne, iara cheke faheta ranghi nigho mala jifla mei!”

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.