Galesia 1:14 - Buka Blahi Ka Cheke Holo

¹⁴ Eghuteuna iara heta fara mala leghu fakelini nodi kastom hatimare mae biꞌomi Jiu tifa ra. Ka puhi igne iara loku heta fara uludi kmana mae kheragu te majaghani ra.

Galesia 1:14 ပူးပေါင်းရင်းမြစ်များ

Kolose 2:8

Fiofilo ghami, thosei snakreni kaisei naikno mala mei chaghi ghami nei mei sagu ghami eghu ka thoutonu te theo nafugna teke eni haghe kolho ka gaoghathogna naikno ghe naitu. Nafnata thoutonu tuare neke theome mei funu ka mae Kraes.

Mae Khuru 26:5

Mare lase ghau iara funu tifa. Jame te magnahagheni mare na, mare tangomana te chekeni ka iagho eigna iara gne neke kaisei mae Farasi keli. Ghehati mae Farasi gre thono heta fara te mala leghuni nogna vetula God na uludi keha tothoghei mae Jiure.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Mae Khuru 22:3

“Iara kaisei mae Jiu, eghuteuna iara neke karha ka namono Tasis ka Provins Silisia, nu iara neke biꞌo haghe agne Jerusalem. Mae biꞌo teke farirhiu ghau iara na mae Gamalio, eghuteuna mana neke farirhiu fakeli ghau iara te mala leghuni nodi vetula mae ku'edara. Iara thofno heta fara te mala fafnaknoni God ka gobigna lepo te edi iara re, jateula te eni ghotilo gognaro gne eghu.

Matiu 15:6

Ghotilo farirhiuni naikno tuana mala thosei toghodi idogna kmagnare. Eghume, te leghuni ghotilo nomi kastom themi tuana, ghotilo theome ghatho tahuni kolho chekegna God na.

Mae Khuru 26:9

“Tifa na iara neke jaola neke edi kmana glepo te mala fadiꞌani nanghagna mae Jisas gna Nasaret.

Profet Jeremaea 9:14

Mare patu gama fara, ne fanomho ka nodi fari rhiu mae kuꞌedi tifa ra ne leghuni Baal.

Profet Isaia 57:12

Puhi te eni ghotilo igne keli fara ka gaoghathomi ghotilo re. Nu iara ginauna fakakhana puhimi ghotilo te diꞌa re, eghuteuna nomi god ghotilo tuare ginauna theome togho ghami ghotilo kolho.

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Profet Jeremaea 15:2

Eghuteuna jame ghusna eghu mare ka iagho, ‘Aheva nate tei ghehati na?’ Iagho ginauna na cheke eghu ka mare, ‘Lord ne cheke eghu: “ ‘Iheire teke vahidi iara mala lehe ka fogra tekura, mare ginauna lehe ka fogra. Eghuteuna iheire teke vahidi iara mala lehe ka magra tekura, mare ginauna mala lehe ka magra. Eghuteuna iheire teke vahidi iara mala lehe ka grofo tekura, mare ginauna mala lehe ka grofo. Eghuteuna iheire teke vahidi iara mala mei mae naokare mala atha fajifladi ka nodi namonore mala tei au ka keha kantri delei tekura, mare ginauna tei au jare.’

Mae Khuru 21:20

Kate nomhini mare nogna cheke mae Pol igne, mare ne kilo fnaknoni God. Aonu mare ne cheke eghu ka mae Pol, “Ghema thabusigna, iagho laseni kmana thogha mae Jiu la fatutuani ni mae Jisas, eghuteuna mare jaola kafe leghuni fara nogna vetula mae Moses.

Levitikas 13:16

Nu jame thubu igne gnafahi, mae igne tei filoni mae pris,