Filipae 4:9 - Buka Blahi Ka Cheke Holo

⁹ Ghatho fakelidi glepo te farirhiu ghami iara igre, nei glepo te edi iara tela filodihi ghotilo ra, nei glepo te edi iara tela nomhidihi ghotilo ra eghu. Eghuteuna God mae te tusu ranghi ghita u pharikeli na, mana ginauna au balumi ghotilo.

Filipae 4:9 ပူးပေါင်းရင်းမြစ်များ

Jemes 1:22

Ghotilo mala leghuni koba u chekegna God na. Eghuteuna te cheke eghu ghotilo na, “Ghehati la nomhinihi chekegna God na” teu ghotilo, nu tiromi leghuni unha te chekeni mana na teuna, ghotilo chaghi ghami kolho themi.

Filipae 3:17

Uve, kheraguro, filo leghudi puhi te keli te edi iara gre. Jaola filo leghudi nakarhadi iheire te leghudi puhi teke farirhiudi ghehati ra.

Fapea Pita 1:10

Eghume, kheraguro, God neke kilo ghami nei vahi ghami mala nogna thegna. Hati nhetami na mala filo glani igne ka nakarhami na. Jame eni ghotilo igne na, ghotilo ginauna theome tangomana te tei kokoni u nabrou te tei thokei ka thofno nakarha te tutuani na.

Jone 13:17

Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.

Filipae 4:7

Eghuteuna God ginauna tusu ranghi ghami ghotilo pharikeli te biꞌo uludi noda glalase tahati re. U pharikeli igne ginauna au ka nagnafami nei gaoghathomi teu ghotilo re mala theome nanga nomi ghotilo, naugna ghotilo kaisei ngala balugna mae Jisas Kraes.

Letas Teke Riso Tei Mae Pol Ka Khiloau Rom 16:20

Ginauna theome raugha, God mae ihei te tusu lao pharikeli ka nogna naiknore ginauna togho ghami ghotilo mala tapla soruni mae Satan. Iara tarai ka noda Lord Jisas Kraes mala falalase ranghi ghami khokofakasai na tifa tifa.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Luku 6:46

“Naugna unha ne cheke eghu nga ghotilo ka iara, ‘Lord, Lord,’ nu ghotilo theome edi kolho unha te chekedi iara re?

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Matiu 7:21

“Naikno te cheke eghu, ‘Lord, Lord,’ teu ka iara igre ginauna na theome kafe naikno te funei frunidi God re. Nu naikno nate funei frunidi God igre ngala nate edi unha te magnahaghedi mae Kmagu iara te au kligna na.

Fapea Tesalonika 3:4

Ghehati rouronu ka Lord eimi ghotilo te mala edi unha teke chekedi ghehati ka ghotilo ra. Eghuteuna jaola te laseni ghehati na, ghotilo ginauna edi fabrahu glepo igre.

Ululahu Tesalonika 1:6

Eghuteuna ghotilo mala filo leghu ka ghehati nei ka noda Lord. Eigna neubane au papara fara, ghotilo hatini Nonomho te Keli na balu gleale'a te mei ka mae Tharunga te Blahi.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Letas Teke Riso Tei Mae Pol Ka Khiloau Rom 15:33

Iara toreni God mae ihei te tusu ranghi ghita pharikeli mala au balumi ghotilo gnafa. Amen.

Jone 2:5

Aonu, idogna mae Jisas na tei ne cheke eghu ka mae glokure, “Eni unha te chekeni mana ka ghotilo na.”

Luku 8:21

Mae Jisas ne cheke eghu, “Iheire ngala te nomhini chekegna God na, nei leghuni mana teu, igre ngala te idogu nei thabusigu teu iara re.”

Ululahu Tesalonika 2:14

Uve kheraguro, ghotilo filo leghudi naikno khiloau te au ka namono Judia. Ghotilo neke au papara ka kherami themi, jateula naikno khiloau teke au papara ka hatimare mae Jiu.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Diutronomi 5:1

Aonu mae Moses ne kafe kilo fodu meidi naiknodi Israel ne cheke eghu: “Fanomho fakeli ka cheke nei vetula eghu nate chekedi iara ka ghotilo gognaro igre. Ghotilo mala ghathodi nei leghudi eghu fabrahu!

Mae Khuru 9:6

Kegra haghe sagho mala tei ka namono gno. Kaisei mae jare ginauna na cheke ranghi nigho iagho unha te mala eni iagho thogheiro na.”

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Fapea Timoti 4:22

Iara toreni Lord Jisas Kraes mala fablahi nigho, eghuteuna nogna khokofakasai God na au balumi hui. Me gnafa. Iara, mae Pol.

Ululahu Korin 14:33

Naugna God theome magnahaghei ghita te fiti reꞌe teu ka glepodi khiloaure, nu magnahaghei ghita te loku fakeli nei au ka pharikeli. Igne tutuani fara ka nogna naikno God ka khiloau te gnafa gre.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Profet Isaia 8:10

Ghotilo tangomana te salofodu mala roghe poru te mala eni unha te magnahagheni ghotilo na. Nu ginauna na theo nafugna kolho, naugna God na au balumi ghehati.

Ululahu Korin 4:16

Eghume iara tore ghami fara ghotilo te mala fariuriu leghuni puhigu iara na.