Filipae 4:19 - Buka Blahi Ka Cheke Holo

¹⁹ Eghume, noda God mae ihei te khotodi gobigna lepo te gnafare, mana ginauna tusu ranghi ghami ghotilo unha te magnahaghedi ghotilo na. God tangomana te eni igne ka tahati, naugna tahati nogna naikno mae Jisas Kraes.

Filipae 4:19 ပူးပေါင်းရင်းမြစ်များ

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Profet Maeka 7:7

Nu, iara ginauna ofoni Lord kolho, naugna iara thofno laseni te mana ginauna mei mala fakarhi ghau iara. Lord ihei te nogu God iara igne ginauna nomhi meini nogu tharai iara na.

Profet Malakai 3:10

Ghotilo atha mei ka iara fabothodi unha teke atha ghotilo ka nagare are mala kmana ghedi gano nogu mae gloku iara gre. Te eghu ghotilo na, iara ginauna na thofno fablahi ghami ghotilo, eghuteuna ghotilo ginauna na theome kmoꞌe ka gano na. Ginauna ghotilo na laseni unha te chekeni iara igne thofno tutuani fara.

Nehemaea 9:15

Kate rofo naiknore, iagho neke tusu ranghidi gano teke soru mei funugna kligna. Eghuteuna kate roi koꞌu naiknore, iagho neke tusu ranghidi khoꞌu teke jifla mei funu ke lamna thina. Eghuteuna iagho neke cheke ranghidi mala tei hata kasa glose mala khotogna mare glose teke kulu nhaꞌa chekehi iagho ka mare na.

Fapea Samuel 22:7

“Ka narane te au ka hoholo na, iara kiloni nogu Lord God. Mana au ka nogna Sugablahi na, ne nomhi meini naoglagu iara na.

Nodi Khoje Hatimare Mae Jiu 36:8

Iagho au kmana gano ka sugamu na, eghume ghehati theome kmoꞌe ka gano na. Leuleghu fata na puhimu iagho te keli na jateula khoꞌu biꞌo te snakreni iagho te tei koꞌu ghehati tagna ia eghu.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Letas Teke Riso Tei Mae Pol Ka Khiloau Rom 8:18

Iara thofno laseni igne, kate ghatho laoni tahati u nakarha te ulu tulao nate tusu mei God ka tahati igne, glepo te para ghita gognaro igre theo nafudi kolho.

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Letas Teke Riso Tei Mae Pol Ka Khiloau Rom 9:23

Eghuteuna mana jaola magnahaghei te falalaseni nafnakno gna te biꞌo tulao na ka naikno te kokhoni nognadi mana re. Eghuteuna mana vahidi hi naikno igre mala hata u nafnakno te biꞌo tulao tuana ka mana.

Nodi Khoje Hatimare Mae Jiu 130:7

Tahati naiknoda Israel ra, tahati mala au noda grouronu ka Lord, naugna nogna namha mana thono biꞌo fara, nei magnahaghei fara fakarha ghita na.

Nodi Khoje Hatimare Mae Jiu 104:24

Lord God, iagho edi kmana glepo fara. Gobigna lepo igre falalase puhimu iagho te thofno keli fara na. Uve, nauthoglu igne fodu ka thua nafnotu fateote'o teke vuavuha iagho gre.

Efesus 1:18

Iara toreni noda God mala tusu ari glalase te biꞌo. Glalase igne ginauna togho ghami ghotilo mala filo glanini unha teke kilo ghita God na. Jaola glalase igne mala togho ghami ghotilo te mala filo glanini thofno glepo keli te gnafa teke nhaꞌa cheke ranghidi nogna naiknore.

Efesus 2:7

Eghume, gaoghatho teke eni mana igne tangomana te falase ghita tifa tifa nogna khokofakasai biꞌo nei nogna thotogho ka tahati naugna mae Jisas Kraes.

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Fapea Kronikols 18:13

Nu mae Maekaea ne cheke eghu ka mae biꞌo tuana, “Ka nanghagna Lord te karha te tifa, iara cheke kate tutuani ka iagho, unha te chekeni Lord ka iara na, tuana ngala nate chekeni iara na.”

Jenesis 48:15

Aonu mae Jekop ne toreni God mala fablahini vikegna mae Josep na. Mana ne cheke eghu, “Iagho nodi God kuꞌegu iara mae Ebraham nei mae kmagu iara Isak, phia mae igre mala leghudi fabrahu puhimu iagho re. Eghuteuna iagho neke reireghi fakeli ghau iara funu ka narane teke fakarhi ghau idogu ia ghilei posa ka narane gognaro gne.

Profet Daniel 6:22

Uve king, nogu God iara na neke kuru meini nogna engel na neke fofotho foflodi lion igre mala theome ghamu ghau iara, naugna iara neke theome eni kaisei najafra ka tathagna mana na. Eghuteuna iara jaola neke theome eni kaisei puhi te diꞌa ranghi nigho iagho.”

Letas Teke Riso Tei Mae Pol Ka Khiloau Rom 11:33

Tutuani fara, God na keli fara ka naikno te gnafare! Nogna glalase mana na biꞌo fara nei gaoghathogna mana na krepa fara! Tahati theome tangomana te filo glanini gaoghathogna God na, tahati theome tangomana te ghatho thokedi puhigna mana re!

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Ululahu Tesalonika 2:12

Ghehati faheta ghami, togho ghami nei cheke ranghi ghami ghotilo mala leghuni nafnata nakarha te keli tagna God. Mana kilo ghami mala au ka thofno nakarha nate keli te funei frunini God ginauna.

Letas Teke Riso Tei Mae Pol Ka Khiloau Rom 1:8

Ulu lahu na, iara cheke fakelini God eimi ghotilo ka nanghagna mae Jisas Kraes. Naugna naikno kmana heva heva ka nauthoglu igne nomhini nomi fatutuani ghotilo na.

Jone 20:27

Aonu mae Jisas ne cheke eghu ka mae Tomas, “Habo mei khamemu are agne ka khamegu iara gre mala filodi. Eghuteuna habo mei khamemu ana agne ka gagarogu iara gne. Thosei ghatho peapea, fatutuani sagho!”

Jone 20:17

Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”

Filimon 1:4

Uve ghema Filimon, iara cheke fakelini noda God koba kate tarai nigho na.

Fapea Korin 12:21

Iara nanga nogu fara te mala ari posa ka ghotilo na, naugna theome keli glepo teke edi tifa ra jaola teke edi ghotilo ginauna. Jame te eghu na, God ginauna te famamaja ghau iara eigna unha teke eni ghotilo. Iara ginauna diꞌanagnafagu fara eidi naikno kmana te tapla jafra ka nakhibo teke edi la tifa ra. Tutuani iara ginauna jaola diꞌanagnafagu naugna mare ne tirodi tughu nagnafa ka puhi te gnognoro, eni puhi te diꞌa, nei keha glepo te famamaja ikno.

Nehemaea 5:19

Aonu Nehemaea ne tarai, “Nogu God, ghathodi glepo te keli teke edi iara ranghidi naikno igre.”

Matiu 6:32

Mae bongihehe site mala ghatho tahudire glepo igrea. Nu iara magnahaghei ghami ghotilo te mala nhogri ka mare. Tutuani, mae Kmami ghotilo te au kligna na laseniu te magnahaghedi ghotilo glepo igre.

Filipae 4:7

Eghuteuna God ginauna tusu ranghi ghami ghotilo pharikeli te biꞌo uludi noda glalase tahati re. U pharikeli igne ginauna au ka nagnafami nei gaoghathomi teu ghotilo re mala theome nanga nomi ghotilo, naugna ghotilo kaisei ngala balugna mae Jisas Kraes.

Fapea Kronikols 31:8

Kate filodi glepo te kmana igre, king baludi nogna mae biꞌore ne kilo fnaknoni Lord nei cheke glealeꞌa ka nogna naiknodi Israel.