Filipae 4:10 - Buka Blahi Ka Cheke Holo

¹⁰ Iara thofno gleale'a biꞌo fara nei cheke fakelini Lord, naugna neubane raugha ngau, gognaro na ghotilo kela funu togho fapulo ghau iara. Iara lase ghami ghotilo, ghotilo ghatho ghau iara koba, neubane theo kaisei nabrou te mala togho ghau iara na.

Filipae 4:10 ပူးပေါင်းရင်းမြစ်များ

Fapea Korin 11:9

Eghuteuna kani teke au iara balumi ghotilo ia iara neke ari neke kmo'e ka glepo, eghuteuna iara neke theome chekeni kaisei naikno ka ghotilo. Hatimare mae thabusigna teke mei funu ka namono Masidonia, mare hata neke mei gobigna lepo teke kmo'edi iara re. Eghume iara neke theome fagloku biꞌo ghami ghotilo ka kaisei glepo tifa na, eghuteuna iara ginauna jaola theome fagloku biꞌo ghami ke leghu na.

Galesia 6:6

Hatimare mae velepuhi te farirhiuni chekegna God na mare nabadi te hata glepo te keli ka iheire te nomhini u farirhiu na.

Filipae 1:3

Iara cheke fakelini God koba kate ghatho ghami ghotilo na.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Fapea Korin 6:7

Ghehati tangomana te toutonuni u cheke te tutuani na, nei nogna nolaghi God na au ka ghehati. Ghehati tangomana te leghuni puhi te doglo ke ulugna God na, eigna tangomana te togho ghami ghehati te mala magrini mae naoka ka puhi te gnafa igre.

Nodi Khoje Hatimare Mae Jiu 85:6

Ke farerheta fapulo sagho nakarhami ghehati gre. Eigna ghehati gne nou naikno iagho mala tangomana ghehati te kilo fnakno nigho na.

Filipae 2:30

Naugna mana neke namo lehehi ka teke loku ranghini mae Kraes na. Mana neke theome mhaghuni glehe na kate ke togho ghau iara ka gloku te theome tangomana ghami ghotilo te eni na.

Filipae 1:1

Uve, iara mae Pol ghepa mae Timoti phei nogna mae gloku mae Jisas Kraes. Ghepa riso ari letas igne ka ghotilo naikno khiloau te au ka namono Filipae. Eghuteuna ghepa riso ranghidi langau hatimare mae biꞌo nei hatimare mae te totogho ka khiloau Filipae.

Profet Hosia 14:7

Israel ginauna famane keli jateula gaju sida eghu. Eghuteuna naiknore ginauna tangomana te au ke pari naungo gna gaju igne. Israel ginauna na jateula nagare te au kmana gano tagna ra eghu, ba jateula nagare grep te ure ra eghu. Naikno te au ka vido te gnafa igre ginauna na lase fakelini mana, jateula mare te lase fakelini famane waen gna Lebanon ia eghu.

Fapea Kronikols 31:8

Kate filodi glepo te kmana igre, king baludi nogna mae biꞌore ne kilo fnaknoni Lord nei cheke glealeꞌa ka nogna naiknodi Israel.