Filipae 3:5 - Buka Blahi Ka Cheke Holo

⁵ Iara thofno maegu Israel neke karha ka vikegna mae Benjamin, eghuteuna ka fahanagna narane gu iara na mare neke vavahe ghau iara. Iara leghuni nodi vetula mae Jiure naugna iara kaisei mae Farasi.

Filipae 3:5 ပူးပေါင်းရင်းမြစ်များ

Fapea Korin 11:22

Mare cheke fahaehaghedi fara te mae Hibru, mae Israel nei vikegna mae Ebraham teuna. Uve, iara jaola tangomana te cheke fahaehaghe ghau jateula mare teuna.

Letas Teke Riso Tei Mae Pol Ka Khiloau Rom 11:1

Eghume iara nake fapea ghusnai. Ba, God na susukudi nogna naikno thegna re sia? Theo! Iara gne kaisei maegu Israel, eigna iara neke karha mei ka vikegna mae Ebraham nei ka vikegna mae Benjamin.

Mae Khuru 23:6

Mae Pol filo glanidi hatimare mae biꞌo mala fate gre. Mare phei tothoghei: keha na hatimare mae Sadiusi nei keha na hatimare mae Farasi. Aonu mae Pol ne cheke eghu fabiꞌo ka mare, “Kheraguro, iara kaisei mae Farasi, eghuteuna mae kmagu iara na kaisei mae Farasi la! Eghuteuna iara thofno fatutuani God ginauna na fakarhi fapulodi naikno teke lehehire. Naugna igne site fate ghau iara ghotilo gognaro gnea!”

Mae Khuru 22:3

“Iara kaisei mae Jiu, eghuteuna iara neke karha ka namono Tasis ka Provins Silisia, nu iara neke biꞌo haghe agne Jerusalem. Mae biꞌo teke farirhiu ghau iara na mae Gamalio, eghuteuna mana neke farirhiu fakeli ghau iara te mala leghuni nodi vetula mae ku'edara. Iara thofno heta fara te mala fafnaknoni God ka gobigna lepo te edi iara re, jateula te eni ghotilo gognaro gne eghu.

Luku 1:59

Kaisei wik ke leghugna igne, naiknore ne kafe khapru mei balugna tharaknagna mae Sekaraea na mala tohi fagaglana mae sua nalhaꞌu na. Naiknore magnahaghei te kiloni nanghagna na mae Sekaraea, ka nanghagna mae kmagna na.

Mae Khuru 6:1

Kau narane tuare kmana kmana naikno ne fatutuani ni mae Jisas. Eghuteuna naikno khiloau te lase cheke Griki re ne theome gleꞌani nafnata thufa sileni te eni naikno khiloau te au Jerusalem re ne cheke eghu, “Goro gaꞌase te lehe khetodire igre ne theo thufadi ka sileni te tufa ghotilo leghu narane ra.”

Luku 2:21

Kate kaisei wik gnahi sua na, mare ne tohi fagaglanani mana. Eghuteuna mare ne kiloni mana mae Jisas. U nangha teke chekeni engel kani teke theome bukla nga tekeu Meri na.

Profet Jona 1:9

Aonu, mae Jona ne cheke eghu ka mare, “Iara kaisei mae Hibru, iara tufru soruni Lord God gna kligna, mae ihei teke vuavuhadi moumolu nei thongna.”

Ululahu Samuel 4:6

Kate nomhini maedi Filistia igre naogla biꞌo igne, mare ne cheke eghu fari thedi, “Tore! Naugna unha si tela thagru fabiꞌo fara mae Hibru grea?” Eghuteuna kate nomhini mare Bokis Blahi igne tela meihi ka vido te au mae Israel igre na,

Jenesis 40:15

Ulu lahu na mare neke blau ghau iara ka namonomi ghehati mae Hibru gre neke hata mei ghau iara agne. Eghuteuna kate au teu iara agne Ijep na iara neke theome eni kaisei najafra. Nu mare neke fiti lilisei ghau iara ka bara igne, kate theo nafugna kolho.”

Jenesis 14:13

Nu kaisei mae teke rikha ka magra na ne tei posa ka mae Ebram. Mana tei ne toutonu ka mae Ebram eigna mae Lot nei eidi phei namono Sodom ghe Gomora gre. Mae Ebram gne tei au neu rhegna nogna gaju biꞌo mae Mamre na. Mae Mamre gne kaisei mae ka vikegna mae Amo, eghuteuna mana au phei mae thabusigna, mae Eskol ghe mae Aner. Thilo mae igre kheragna fofodu mae Ebram.

Jenesis 41:12

Kaisei mae majaghani gna Hibru neke au balumi ghepa ka sosolo jare. Mana kaisei nogna mae gloku mae kapten di hatimare mae soldia te mala reireghigna nou suga iagho gne. Ghepa neke toutonu ka mana nomi mifire. Aonu mana neke rurutha ranghi ghami ghepa u gaoghathodi nomi mifi ghepa re neku.

Luku 5:38

Eghume tahati totoho waen majaghani na kau duku te majaghani.